ಹೊಸದಿಲ್ಲಿ: ದಾಖಲೆ ವೀರ ಒಲಿವಿಯರ್‌ ಬಾರಿಸಿದ ಡಬಲ್‌ ಗೋಲ್‌ ಬಲದಿಂದ ಮಿಂಚಿದ ಹಾಲಿ ಚಾಂಪಿಯನ್ಸ್‌ ಫ್ರಾನ್ಸ್‌ ತಂಡ, ಕತಾರ್‌ ಆತಿಥ್ಯದಲ್ಲಿ ನಡೆಯುತ್ತಿರುವ 2022ರ ಸಾಲಿನ ಫಿಫಾ ವಿಶ್ವಕಪ್‌ ಟೂರ್ನಿಯಲ್ಲಿ ಶುಭಾರಂಭ ಮಾಡಿದೆ. ಜನೋಬ್‌ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ 'ಡಿ' ಗುಂಪಿನ ಪಂದ್ಯದಲ್ಲಿ ಅಧಿಕಾರಯುತ ಆಟವಾಡಿದ ಫ್ರಾನ್ಸ್‌ ತಂಡ 4-1 ಗೋಲ್‌ಗಳಿಂದ ಅಪಾಯಕಾರಿ ಆಸ್ಟ್ರೇಲಿಯಾ ತಂಡದ ಸವಾಲನ್ನು ಮೆಟ್ಟಿನಿಂತಿತು.
ಅಂದಹಾಗೆ ಪಂದ್ಯದಲ್ಲಿ ಮೊದಲ ಗೋಲ್‌ ಬಾರಿಸಿದ್ದು ಆಸ್ಟ್ರೇಲಿಯಾ ತಂಡ. ಪಂದ್ಯದ ಮೊದಲಾರ್ಧದ 9ನೇ ನಿಮಿಷದಲ್ಲಿ ಆಸ್ಟ್ರೇಲಿಯಾ ತಂಡದ ಫಾರ್ವರ್ಡ್‌ ಆಟಗಾರ ಕ್ರೇಗ್‌ ಗುಡ್‌ವಿನ್‌ ಚೆಂಡನ್ನು ಗುರಿ ಮುಟ್ಟಿಸಿದರು. ಆರಂಭಿಕ ಪಂದ್ಯದಲ್ಲಿ ಸೌದಿ ಅರೇಬಿಯಾ ಎದುರು ಬಲಿಷ್ಠ ಅರ್ಜೆಂಟೀನಾ ಮುಗ್ಗರಿಸಿದ ರೀತಿ, ಫ್ರಾನ್ಸ್‌ ಕೂಡ ಆಸ್ಟ್ರೇಲಿಯಾ ಎದುರು ಮುಗ್ಗರಿಸುತ್ತದೆಯೋ? ಎಂಬ ಆತಂಕ ಫುಟ್ಬಾಲ್‌ ಪ್ರಿಯರಲ್ಲಿ ಕಾಡಿತ್ತು.
ಆದರೆ, ತಾನೇಕೆ ವಿಶ್ವ ಚಾಂಪಿಯನ್ಸ್‌ ಎಂಬುದನ್ನು ತೋರಿಸಿಕೊಟ್ಟ ಫ್ರಾನ್ಸ್‌ ನಂತರ ಗೋಲ್‌ ಮೇಲೆ ಗೋಲ್‌ ಬಾರಿಸಿತು. ಪಂದ್ಯದ 27ನೇ ನಿಮಿಷದಲ್ಲಿ ಏಡ್ರಿಯನ್‌ ರಾಬಿಯಟ್‌ ತಂಡಕ್ಕೆ ಮೊದಲ ಯಶಸ್ಸು ತಂದುಕೊಟ್ಟರು. ಲಭ್ಯವಾದ ಕಾರ್ನರ್‌ನಲ್ಲಿ ಥಿಯೋ ಹೆರ್ನಾಂಡಿಸ್‌ ಗೋಲ್‌ ಪೋಸ್ಟ್‌ ಕಡೆಗೆ ಕಳಿಸಿದ ಚೆಂಡನ್ನು ಮಿಡ್‌ಫೀಲ್ಡರ್‌ ಏಡ್ರಿಯನ್‌ ಅದ್ಭುತ ಹೆಡರ್‌ ಮೂಲಕ ಚೆಂಡನ್ನು ಗುರಿ ಮುಟ್ಟಿಸಿದರು.
ಇದಾದ ಐದೇ ನಿಮಿಷಗಳಲ್ಲಿ ಫ್ರಾನ್ಸ್‌ 2-1 ಅಂತರದ ಮುನ್ನಡೆ ಪಡೆಯಿತು. ಅನುಭವಿ ಸ್ಟ್ರೈಕರ್‌ ಒಲಿವಿಯರ್‌ ಗಿರಾಡ್‌, ಮಿಡ್‌ಫೀಲ್ಡರ್‌ ರಾಬಿಯಟ್‌ ನೀಡಿದ ಪಾಸ್‌ನ ಸಂಪೂರ್ಣ ಲಾಭ ಪಡೆದು ಸುಲಭ ರೀತಿಯಲ್ಲಿ ಚೆಂಡನ್ನು ಗುರಿ ಮುಟ್ಟಿಸಿದರು. ಮೊದಲಾರ್ಧದ ಅಂತ್ಯಕ್ಕೆ ಫ್ರಾನ್ಸ್‌ ತನ್ನ ಹಿನ್ನಡೆ ಬದಿಗೊತ್ತಿ ಮೇಲುಗೈ ಸಾಧಿಸುವಲ್ಲಿ ಯಶಸ್ವಿಯಾಯಿತು.
ದ್ವಿತಿಯಾರ್ಧದಲ್ಲೂ ಫ್ರಾನ್ಸ್‌ ಪ್ರಾಬಲ್ಯ
ಮೊದಲಾರ್ಧದಲ್ಲಿ ಸಿಕ್ಕ ಮುನ್ನಡೆಯ ಲಾಭ ಪಡೆದ ಫ್ರಾನ್ಸ್‌ ತಂಡ ದ್ವಿತೀಯಾರ್ಧದಲ್ಲಿ ಆಕ್ರಮಣಕಾರಿ ಆಟವಾಡಿತು. ಪಂದ್ಯದಲ್ಲಿ ಒಟ್ಟಾರೆ 23 ಬಾರಿ ಫ್ರಾನ್ಸ್‌ ತಂಡ ಗೋಲ್‌ ಬಾರಿಸುವ ಪ್ರಯತ್ನ ನಡೆಸಿದ್ದೇ ಇದಕ್ಕೆ ಸಾಕ್ಷಿ. ಇದರಿಂದ ಒಟ್ಟು 8 ಕಾರ್ನರ್‌ ಕಿಕ್‌ಗಳನ್ನು ಕೂಡ ಪಡೆದುಕೊಂಡಿತು. ಶೇ. 63 ರಷ್ಟು ಚೆಂಡಿನ ಮೇಲೆ ನಿಯಂತ್ರಣ ಸಾಧಿಸಿದ್ದ ಫ್ರಾನ್ಸ್‌ ಪರ ದ್ವಿತೀಯಾರ್ಧದಲ್ಲಿ ಸ್ಟಾರ್‌ ಮಿಡ್‌ಫೀಲ್ಡರ್‌ ಕಿಲಿಯನ್‌ ಎಮ್ಬಾಪೆ ಮೊದಲ ಯಶಸ್ಸು ತಂದರು. 63ನೇ ನಿಮಿಷದಲ್ಲಿ ಹೆಡರ್‌ ಮೂಲಕ ಎಮ್ಬಾಪೆ ಗೋಲ್‌ ಗಳಿಸಿದರು.
ಗೋಲ್‌ ಬಾರಿಸಿದ ಬಳಿಕ ಮತ್ತಷ್ಟು ಆತ್ಮವಿಶ್ವಾಸದಲ್ಲಿ ಆಟವಾಡಿದ ಎಮ್ಬಾಪೆ, 71ನೇ ನಿಮಿಷದಲ್ಲಿ ಒಲಿವಿಯರ್‌ ಗಿರಾಡ್‌ಗೆ ಎರಡನೇ ಗೋಲ್‌ ಬಾರಿಸಲು ನೆರವಾದರು. ಪಂದ್ಯದಲ್ಲಿ ಎರಡನೇ ಗೋಲ್‌ ಬಾರಿಸಿದ ಗಿರಾಡ್‌ ತಂಡದ ಗೆಲುವಿನ ಅಂತರವನ್ನು 4-1ಕ್ಕೆ ವಿಸ್ತರಿಸಿದರು.
ಫ್ರಾನ್ಸ್‌ ತಂಡ ತನ್ನ ಮುಂದಿನ ಪಂದ್ಯದಲ್ಲಿ ಅಪಾಯಕಾರಿ ಡೆನ್ಮಾರ್ಕ್‌ ಸವಾಲು ಎದುರಿಸಲಿದೆ. ಮತ್ತೊಂದೆಡೆ ನಾಕ್‌ಔಟ್‌ ರೇಸ್‌ನಲ್ಲಿ ಉಳಿಯಬೇಕಾದರೆ ಆಸ್ಟ್ರೇಲಿಯಾ ತಂಡ ತನ್ನ ಮುಂದಿನ ಪಂದ್ಯದಲ್ಲಿ ಟ್ಯುನೀಶಿಯಾ ಎದುರು ಗೆಲ್ಲಬೇಕಿದೆ.
ಅಂದಹಾಗೆ ಪಂದ್ಯದಲ್ಲಿ ಮೊದಲ ಗೋಲ್‌ ಬಾರಿಸಿದ್ದು ಆಸ್ಟ್ರೇಲಿಯಾ ತಂಡ. ಪಂದ್ಯದ ಮೊದಲಾರ್ಧದ 9ನೇ ನಿಮಿಷದಲ್ಲಿ ಆಸ್ಟ್ರೇಲಿಯಾ ತಂಡದ ಫಾರ್ವರ್ಡ್‌ ಆಟಗಾರ ಕ್ರೇಗ್‌ ಗುಡ್‌ವಿನ್‌ ಚೆಂಡನ್ನು ಗುರಿ ಮುಟ್ಟಿಸಿದರು. ಆರಂಭಿಕ ಪಂದ್ಯದಲ್ಲಿ ಸೌದಿ ಅರೇಬಿಯಾ ಎದುರು ಬಲಿಷ್ಠ ಅರ್ಜೆಂಟೀನಾ ಮುಗ್ಗರಿಸಿದ ರೀತಿ, ಫ್ರಾನ್ಸ್‌ ಕೂಡ ಆಸ್ಟ್ರೇಲಿಯಾ ಎದುರು ಮುಗ್ಗರಿಸುತ್ತದೆಯೋ? ಎಂಬ ಆತಂಕ ಫುಟ್ಬಾಲ್‌ ಪ್ರಿಯರಲ್ಲಿ ಕಾಡಿತ್ತು.
ಆದರೆ, ತಾನೇಕೆ ವಿಶ್ವ ಚಾಂಪಿಯನ್ಸ್‌ ಎಂಬುದನ್ನು ತೋರಿಸಿಕೊಟ್ಟ ಫ್ರಾನ್ಸ್‌ ನಂತರ ಗೋಲ್‌ ಮೇಲೆ ಗೋಲ್‌ ಬಾರಿಸಿತು. ಪಂದ್ಯದ 27ನೇ ನಿಮಿಷದಲ್ಲಿ ಏಡ್ರಿಯನ್‌ ರಾಬಿಯಟ್‌ ತಂಡಕ್ಕೆ ಮೊದಲ ಯಶಸ್ಸು ತಂದುಕೊಟ್ಟರು. ಲಭ್ಯವಾದ ಕಾರ್ನರ್‌ನಲ್ಲಿ ಥಿಯೋ ಹೆರ್ನಾಂಡಿಸ್‌ ಗೋಲ್‌ ಪೋಸ್ಟ್‌ ಕಡೆಗೆ ಕಳಿಸಿದ ಚೆಂಡನ್ನು ಮಿಡ್‌ಫೀಲ್ಡರ್‌ ಏಡ್ರಿಯನ್‌ ಅದ್ಭುತ ಹೆಡರ್‌ ಮೂಲಕ ಚೆಂಡನ್ನು ಗುರಿ ಮುಟ್ಟಿಸಿದರು.
ಇದಾದ ಐದೇ ನಿಮಿಷಗಳಲ್ಲಿ ಫ್ರಾನ್ಸ್‌ 2-1 ಅಂತರದ ಮುನ್ನಡೆ ಪಡೆಯಿತು. ಅನುಭವಿ ಸ್ಟ್ರೈಕರ್‌ ಒಲಿವಿಯರ್‌ ಗಿರಾಡ್‌, ಮಿಡ್‌ಫೀಲ್ಡರ್‌ ರಾಬಿಯಟ್‌ ನೀಡಿದ ಪಾಸ್‌ನ ಸಂಪೂರ್ಣ ಲಾಭ ಪಡೆದು ಸುಲಭ ರೀತಿಯಲ್ಲಿ ಚೆಂಡನ್ನು ಗುರಿ ಮುಟ್ಟಿಸಿದರು. ಮೊದಲಾರ್ಧದ ಅಂತ್ಯಕ್ಕೆ ಫ್ರಾನ್ಸ್‌ ತನ್ನ ಹಿನ್ನಡೆ ಬದಿಗೊತ್ತಿ ಮೇಲುಗೈ ಸಾಧಿಸುವಲ್ಲಿ ಯಶಸ್ವಿಯಾಯಿತು.
ದ್ವಿತಿಯಾರ್ಧದಲ್ಲೂ ಫ್ರಾನ್ಸ್‌ ಪ್ರಾಬಲ್ಯ
ಮೊದಲಾರ್ಧದಲ್ಲಿ ಸಿಕ್ಕ ಮುನ್ನಡೆಯ ಲಾಭ ಪಡೆದ ಫ್ರಾನ್ಸ್‌ ತಂಡ ದ್ವಿತೀಯಾರ್ಧದಲ್ಲಿ ಆಕ್ರಮಣಕಾರಿ ಆಟವಾಡಿತು. ಪಂದ್ಯದಲ್ಲಿ ಒಟ್ಟಾರೆ 23 ಬಾರಿ ಫ್ರಾನ್ಸ್‌ ತಂಡ ಗೋಲ್‌ ಬಾರಿಸುವ ಪ್ರಯತ್ನ ನಡೆಸಿದ್ದೇ ಇದಕ್ಕೆ ಸಾಕ್ಷಿ. ಇದರಿಂದ ಒಟ್ಟು 8 ಕಾರ್ನರ್‌ ಕಿಕ್‌ಗಳನ್ನು ಕೂಡ ಪಡೆದುಕೊಂಡಿತು. ಶೇ. 63 ರಷ್ಟು ಚೆಂಡಿನ ಮೇಲೆ ನಿಯಂತ್ರಣ ಸಾಧಿಸಿದ್ದ ಫ್ರಾನ್ಸ್‌ ಪರ ದ್ವಿತೀಯಾರ್ಧದಲ್ಲಿ ಸ್ಟಾರ್‌ ಮಿಡ್‌ಫೀಲ್ಡರ್‌ ಕಿಲಿಯನ್‌ ಎಮ್ಬಾಪೆ ಮೊದಲ ಯಶಸ್ಸು ತಂದರು. 63ನೇ ನಿಮಿಷದಲ್ಲಿ ಹೆಡರ್‌ ಮೂಲಕ ಎಮ್ಬಾಪೆ ಗೋಲ್‌ ಗಳಿಸಿದರು.
ಗೋಲ್‌ ಬಾರಿಸಿದ ಬಳಿಕ ಮತ್ತಷ್ಟು ಆತ್ಮವಿಶ್ವಾಸದಲ್ಲಿ ಆಟವಾಡಿದ ಎಮ್ಬಾಪೆ, 71ನೇ ನಿಮಿಷದಲ್ಲಿ ಒಲಿವಿಯರ್‌ ಗಿರಾಡ್‌ಗೆ ಎರಡನೇ ಗೋಲ್‌ ಬಾರಿಸಲು ನೆರವಾದರು. ಪಂದ್ಯದಲ್ಲಿ ಎರಡನೇ ಗೋಲ್‌ ಬಾರಿಸಿದ ಗಿರಾಡ್‌ ತಂಡದ ಗೆಲುವಿನ ಅಂತರವನ್ನು 4-1ಕ್ಕೆ ವಿಸ್ತರಿಸಿದರು.
ಫ್ರಾನ್ಸ್‌ ತಂಡ ತನ್ನ ಮುಂದಿನ ಪಂದ್ಯದಲ್ಲಿ ಅಪಾಯಕಾರಿ ಡೆನ್ಮಾರ್ಕ್‌ ಸವಾಲು ಎದುರಿಸಲಿದೆ. ಮತ್ತೊಂದೆಡೆ ನಾಕ್‌ಔಟ್‌ ರೇಸ್‌ನಲ್ಲಿ ಉಳಿಯಬೇಕಾದರೆ ಆಸ್ಟ್ರೇಲಿಯಾ ತಂಡ ತನ್ನ ಮುಂದಿನ ಪಂದ್ಯದಲ್ಲಿ ಟ್ಯುನೀಶಿಯಾ ಎದುರು ಗೆಲ್ಲಬೇಕಿದೆ.