ಸತತ 2ನೇ ಗೆಲುವಿನೊಂದಿಗೆ ನಾಕೌಟ್‌ನತ್ತ ಫ್ರಾನ್ಸ್ ಹೆಜ್ಜೆ

ಮಾಸ್ಕೊ: ರಷ್ಯಾದಲ್ಲಿ ಸಾಗುತ್ತಿರುವ ಫಿಫಾ ವಿಶ್ವಕಪ್ 2018 ಟೂರ್ನಮೆಂಟ್‌ನಲ್ಲಿ ಸತತ ಎರಡನೇ ಗೆಲುವು ದಾಖಲಿಸಿರುವ ಫ್ರಾನ್ಸ್ ನಾಕೌಟ್ ಹಂತದತ್ತ ದಿಟ್ಟ ಹೆಜ್ಜೆಯನ್ನಿಟ್ಟಿದೆ.

ಗುರುವಾರ ನಡೆದ ಸಿ ಗುಂಪಿನ ಮಗದೊಂದು ಮಹತ್ವದ ಪಂದ್ಯದಲ್ಲಿ ಪೆರು ವಿರುದ್ಧ ಫ್ರಾನ್ಸ್ 1-0 ಗೋಲುಗಳ ಅಂತರದ ಅಧಿಕಾರಯುತ ಗೆಲುವು ದಾಖಲಿಸಿದೆ.

ಈ ಗೆಲುವಿನೊಂದಿಗೆ ಆಡಿರುವ ಎರಡು ಪಂದ್ಯಗಳಲ್ಲಿ ಗೆಲುವಿನೊಂದಿಗೆ ಒಟ್ಟು ಆರು ಅಂಕಗಳನ್ನು ಸಂಪಾದಿಸಿರುವ ಫ್ರಾನ್ಸ್ ಪ್ರಿ ಕ್ವಾರ್ಟರ್ ಫೈನಲ್‌ನತ್ತ ದಾಪುಗಾಲನ್ನಿಟ್ಟಿದೆ.

ಅತ್ತ ಸತತ ಎರಡನೇ ಪಂದ್ಯದಲ್ಲೂ ಸೋಲು ಅನುಭವಿಸಿರುವ ಪೆರು ವಿಶ್ವಕಪ್ ಕನಸು ಬಹುತೇಕ ಅಂತ್ಯಗೊಂಡಿದೆ.

34ನೇ ನಿಮಿಷದಲ್ಲಿ ಗೋಲು ದಾಖಲಿಸಿದ 19ರ ಹರೆಯದ ಯುವ ತಾರೆ ಕೈಲ್ಯಾನ್ ಎಂಬಾಪ್ ವಿಜಯದ ರೂವಾರಿ ಎನಿಸಿದರು.