ವಿಶ್ವಕಪ್‌ನಲ್ಲಿ ರಷ್ಯಾದ ಹಾಟೆಸ್ಟ್‌ ಫ್ಯಾನ್‌

ಮಾಸ್ಕೊ: ವಿಶ್ವಕಪ್‌ ಫುಟ್ಬಾಲ್‌ ಅಭಿಮಾನಿಗಳಿಗೆ ಹಬ್ಬವೇ ಸರಿ. ತಮ್ಮ ನೆಚ್ಚಿನ ಅಥವಾ ತಾಯ್ನಾಡಿನ ತಂಡವನ್ನು ಹುರಿದುಂಬಿಸಲು ವಿಶ್ವದ ಮೂಲೆ ಮೂಲೆಗಳಿಂದ ಟೂರ್ನಿ ನಡೆಯುವ ದೇಶಕ್ಕೆ ಮುತ್ತಿಗೆ ಹಾಕಿರುತ್ತಾರೆ. ಇಂತಹ ಕೋಟ್ಯಂತರ ಅಭಿಮಾನಿಗಳಲ್ಲಿ ಹಲವು ಕಾರಣಗಳಿಂದ ಕೆಲ ಮಂದಿ ಎಲ್ಲರ ಗೆಮನ ಸೆಳೆದುಬಿಡುತ್ತಾರೆ. ಅಂದಹಾಗೆ ಈ ಬಾರಿ ರಷ್ಯಾದಲ್ಲಿ ವಿಶ್ವಕಪ್‌ ನಡೆಯುತ್ತಿದ್ದು, ಆತಿಥೇಯ ರಾಷ್ಟ್ರದ ಹಾಟೆಸ್ಟ್‌ ಫ್ಯಾನ್‌ ಎಂಬ ಹೆಗ್ಗಳಿಕೆ ನತಾಲಿಯಾ ನೆಮಿಷಿನೊವಾ ಅವರದ್ದಾಗಿದೆ.

ಕಳೆದ ವಾರ ನಡೆದ ರಷ್ಯಾ ಮತ್ತು ಈಜಿಪ್ತ್‌ ನಡುವಣ ಹೈ ವೋಲ್ಟೇಜ್‌ ಪಂದ್ಯದಲ್ಲಿ ಆತಿಥೇಯ ತಂಡಕ್ಕೆ 3-1 ಗೋಲ್‌ಗಳ ಭರ್ಜರಿ ಜಯ ಸಿಕ್ಕಿತ್ತು. ಈ ಗೆಲುವಿನೊಂದಿಗೆ ರಷ್ಯಾ ನಾಕ್‌ಔಟ್‌ಗೆ ಮುನ್ನಡೆದ ಮೊದಲ ತಂಡವೆನಿಸಿ ಭಾರಿ ಸದ್ದು ಮಾಡಿತು. ಅಂತೆಯೇ ಪ್ರೇಕ್ಷಕರ ಗ್ಯಾಲರಿಯಲ್ಲಿ ಆತಿಥೇಯ ತಂಡವನ್ನು ಹುರಿ ದುಂಬಿಸುತ್ತಿದ್ದ ಅಭಿಮಾನಿ ಒಬ್ಬರು ಕೂಡ ರಾತ್ರೋ ರಾತ್ರಿ ಎಲ್ಲೆಡೆ ಚರ್ಚೆಯ ಕೇಂದ್ರ ಬಿಂದುವಾದರು.


ಟೆಲಿವಿಷನ್‌ ಪ್ರಸಾರದ ವೇಳೆ ಪ್ರೇಕ್ಷಕರ ಗ್ಯಾಲರಿಯಲ್ಲಿ ಅತ್ಯಾಕರ್ಷಕ ಉಡುಗೆ ತೊಟ್ಟು ರಷ್ಯಾದ ಧ್ವಜ ಹಿಡಿದು ಆತಿಥೇಯ ಅಟಗಾರರನ್ನು ಹುರಿದುಂಬಿಸುತ್ತಿದ್ದ ಹೂಡುಗಿಯತ್ತ ಎಲ್ಲರ ಗಮನ ನೆಟ್ಟಿತ್ತು. ಬಳಿಕ ಹಲವು ಆನ್‌ಲೈನ್‌ ಬಳಕೆದಾರರು ಕುತೂಹಲ ತಾಳಲಾರದೆ ನತಾಲಿಯಾ ಅವರ ಫೋಟೊಗಳಲ್ಲಿ ಕಾಣಿಸಿದ ಫ್ಯಾನ್‌ ಐಡೆಂಟಿಟಿ ಕಾರ್ಡನ್ನು ಜೂಮ್‌ ಮಾಡಿ, ಆಕೆ ರಷ್ಯಾದ ಜನಪ್ರಿಯ ಪೋರ್ನ್‌ ಸ್ಟಾರ್‌ (ನೀಲಿ ಚಿತ್ರಗಳ ತಾರೆ) ಎಂಬುದು ಪತ್ತೆ ಮಾಡಿದ್ದಾರೆ. ಇದರೊಂದಿಗೆ ಈ ಬಾರಿಯ ವಿಶ್ವಕಪ್‌ ಟೂರ್ನಿಯಲ್ಲಿ ರಷ್ಯಾ ತಂಡದ ಹಾಟೆಸ್ಟ್‌ ಫ್ಯಾನ್‌ ಹೆಗ್ಗಳಿಕೆ ನತಾಲಿಯಾಗೆ ಸಿಕ್ಕಿದೆ.

ರೂಪದರ್ಶಿ ಕೂಡ ಆಗಿರುವ 30 ವರ್ಷದ ನತಾಲಿಯಾ 2007ರಲ್ಲಿ ‘ಮಿಸ್‌ ಮಾಸ್ಕೊ’ ಸೌಂದರ್ಯ ಸ್ಪರ್ಧೆಯ ವಿಜೇತರಾಗಿದ್ದು, 2016ರಿಂದೀಚೆಗೆ ನೀಲಿ ಚಿತ್ರಗಳಲ್ಲಿ ವೃತ್ತಿ ಬದುಕು ಆರಂಭಿಸಿದ್ದಾರೆ.