ಸೆಲ್ಫಿ ಗೋಲಿಗೆ ಸುಸ್ತಾದ ಸ್ವಿಜರ್‌ಲೆಂಡ್‌: ಸ್ವಿಸ್‌ ಚಾಲೆಂಜ್‌ ಗೆದ್ದ ಸ್ವೀಡನ್‌ ಕ್ವಾರ್ಟರ್‌ಗೆ ಲಗ್ಗೆ

ಸೇಂಟ್‌ ಪೀಟರ್ಸ್‌ಬರ್ಗ್‌: ವಿಶ್ವಕಪ್‌ ಫುಟ್ಬಾಲ್‌ 2018ರಲ್ಲಿ ತೀವ್ರ ಹಣಾಹಣಿ ಕಂಡ ಪಂದ್ಯದಲ್ಲಿ ಸ್ವೀಡನ್‌ ತಂಡ ಸ್ವಿಜರ್‌ಲೆಂಡ್‌ ವಿರುದ್ಧ ಅದೃಷ್ಟದ ಗೆಲುವು ದಾಖಲಿಸಿ ಕ್ವಾರ್ಟರ್‌ ಫೈನಲ್‌ಗೆ ಲಗ್ಗೆ ಹಾಕಿದೆ.

ಸೇಂಟ್‌ ಪೀಟರ್ಸ್‌ಬರ್ಗ್‌ನಲ್ಲಿ ನಡೆದ ಪ್ರೀ ಕ್ವಾರ್ಟರ್ ಫೈನಲ್‌ ಪಂದ್ಯದಲ್ಲಿ ಸ್ವೀಡನ್‌ ತಂಡ ಲಕ್ಕಿ ಗೋಲು ಗಳಿಸಿತು. ಸ್ವೀಡನ್‌ ಮುನ್ಪಡೆ ಆಟಗಾರ ಒದ್ದ ಚೆಂಡು ಸ್ವಿಜರ್‌ಲೆಂಡ್‌ ತಂಡದ ರಕ್ಷಣಾ ಆಟಗಾರನ ಕಾಲಿಗೆ ಬಡಿದು ಗೋಲು ಬಲೆ ಸೇರಿತು.

ಸ್ವಿಜರ್‌ಲೆಂಡ್‌ನ ಈ ಸೆಲ್ಫಿ ಗೋಲು ಸ್ವೀಡನ್‌ ಪಾಲಿಗೆ ಗೆಲುವು ದಕ್ಕಿಸಿಕೊಟ್ಟಿತು.

66ನೇ ನಿಮಿಷದಲ್ಲಿ ಎಮಿಲ್‌ ಫಾರ್ಸ್‌ಬರ್ಗ್‌ ಒದ್ದ ಚೆಂಡು ಸ್ವಿಜರ್‌ಲೆಂಡ್‌ನ ಮ್ಯಾನ್ಯುಯೆಲ್‌ ಅಕಂನಿ ಕಾಲಿಗೆ ಬಡಿದು ಗೋಲು ಬಲೆ ಸೇರಿತು. ಇದರಿಂದ ಸ್ವೀಡನ್‌ಗೆ ಜಯ ಖಚಿತವಾಯಿತು, ಸ್ವಿಜರ್‌ಲೆಂಡ್‌ ಮನೆಗೆ ತೆರಳಿತು.

ನಾಕೌಟ್‌ ಹಂತದಲ್ಲಿ ಸ್ವಿಜರ್‌ಲೆಂಡ್‌ ವಿಶ್ವಕಪ್‌ನಲ್ಲಿ ಇದುವರೆಗೂ ಒಂದೇ ಒಂದು ಪಂದ್ಯದಲ್ಲಿ ಜಯ ಸಾಧಿಸಿಲ್ಲ.