ಬೆಂಗಳೂರು ಬುಲ್ಸ್‌ಗೆ ಸೋಲು: ತೆಲುಗು ಟೈಟನ್ಸ್‌-ಪಟನಾ ಪೈರೇಟ್ಸ್‌ ಪಂದ್ಯ ಟೈ

ಪುಣೆ: ಪ್ರೊ ಕಬಡ್ಡಿ ಲೀಗ್‌ನ ಪುಣೆ ಚರಣದ ಕೊನೆಯ ಪಂದ್ಯದಲ್ಲಿಆತಿಥೇಯ ಪುಣೇರಿ ಪಲ್ಟನ್‌ ತಂಡ ಕಳೆದ ಬಾರಿಯ ಚಾಂಪಿಯನ್‌ ಬೆಂಗಳೂರು ಬುಲ್ಸ್‌ಗೆ 42-38 ಅಂಕಗಳ ಅಂತರದಿಂದ ಸೋಲುಣಿಸಿ ಸ್ಥಳೀಯ ಅಭಿಮಾನಿಗಳಿಗೆ ಸಂಭ್ರಮದ ವಿದಾಯ ಹೇಳಿದರು.

ಶ್ರೀ ಶಿವ ಛತ್ರಪತಿ ಕ್ರೀಡಾ ಸಂಕೀರ್ಣದಲ್ಲಿನಡೆದ 99ನೇ ಪಂದ್ಯದಲ್ಲಿಇತ್ತಂಡಗಳು ಜಿದ್ದಾಜಿದ್ದಿನ ಪ್ರದರ್ಶನ ನೀಡಿದರೂ, ಕೊನೆಯ ಹಂತದವರೆಗೆ ಮುನ್ನಡೆ ಕಾಪಾಡಿಕೊಂಡು ಬಂದ ಪುಣೇರಿ ತಂಡ ಗೆಲುವನ್ನು ತನ್ನದಾಗಿಸಿಕೊಂಡಿತು.

ಇತಿಹಾಸ ರಚಿಸಿದ ಅಮಿತ್ ಫಂಗಲ್; ವಿಶ್ವ ಬಾಕ್ಸಿಂಗ್ ಚಾಂಪಿಯನ್‌ಶಿಪ್‌ ಫೈನಲ್ ತಲುಪಿದ ಭಾರತದ ಮೊದಲ ಪುರುಷ ಬಾಕ್ಸರ್!

ಈ ಸೋಲಿನ ಹೊರತಾಗಿಯೂ ಆಡಿರುವ 17 ಪಂದ್ಯಗಳಲ್ಲಿ9ರಲ್ಲಿಗೆದ್ದು 54 ಅಂಕಗಳನ್ನು ಗಳಿಸಿರುವ ಬುಲ್ಸ್‌ ಪಡೆ ಅಂಕಪಟ್ಟಿಯಲ್ಲಿ ನಾಲ್ಕನೆ ಸ್ಥಾನ ಕಾಪಾಡಿಕೊಂಡಿದೆ.

ಪುಣೇರಿ ಪರ ಪಂಕಜ್‌ ಮೋಹಿತೆ 17 ರೇಡ್‌ ಅಂಕಗಳನ್ನು ತರುವ ಮೂಲಕ ತಂಡದ ಗೆಲುವಿಗೆ ಸಹಕಾರ ಕೊಟ್ಟರೆ, ಸಾಗರ್‌ ಕೃಷ್ಣ ಏಳು ಟ್ಯಾಕಲ್‌ ಅಂಕಗಳ ಕೊಡುಗೆ ನೀಡಿದರು. ಬೆಂಗಳೂರು ಪರ ನಾಯಕ ರೋಹಿತ್‌ ಕುಮಾರ್‌ 14 ರೇಡ್‌ ಅಂಕಗಳೊಂದಿಗೆ ಉತ್ತಮ ಸ್ಪರ್ಧೆ ಒಡ್ಡಿದರೂ ಗೆಲುವನ್ನು ತಮ್ಮದಾಗಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಪವನ್‌ ಕುಮಾರ್‌ 12 ರೇಡ್‌ ಅಂಕಗಳನ್ನು ಪಡೆದರು.

ತನ್ನ ದೇಹ ತೂಕಕ್ಕಿಂತಲೂ ನಾಲ್ಕು ಪಟ್ಟು ಹೆಚ್ಚು ಭಾರ ಎತ್ತಿ ದಾಖಲೆ ಬರೆದ ಮೀರಾಬಾಯಿ ಚಾನು!


ಟೈಟನ್ಸ್‌, ಪಟನಾ ಪಂದ್ಯ ಟೈ
ಈ ಮೊದಲು ನಡೆದ ತೆಲುಗು ಟೈಟನ್ಸ್‌ ಹಾಗೂ ಪಟನಾ ಪೈರೇಟ್ಸ್‌ ನಡುವಿನ ಪಂದ್ಯ 42-42 ಅಂಕಗಳೊಂದಿಗೆ ಟೈ ಆಗುವ ಮೂಲಕ ಇತ್ತಂಡಗಳು ಸಮಾನ ಅಂಕಗಳನ್ನು ಬಾಚಿಕೊಂಡವು. ಟೈಟನ್ಸ್‌ ಪರ ಸಿದ್ಧಾರ್ಥ ದೇಸಾಯಿ 12 ಅಂಕಗಳನ್ನು ಗಳಿಸಿದರೆ, ಪಟನಾ ಪರ ಪರ್ದೀಪ್‌ ನರ್ವಾಲ್‌ 17 ಅಂಕಗಳನ್ನು ಬಾಚಿಕೊಂಡರು.