ಪಟನಾ ಪೈರೇಟ್ಸ್‌ ವಿರುದ್ಧ ದಬಾಂಗ್‌ ಡೆಲ್ಲಿಗೆ ವೀರೋಚಿತ ಗೆಲುವು

ಜೈಪುರ: ವಿಜಯ್‌ (13) ಮತ್ತು ನವೀನ್‌ ಕುಮಾರ್‌ (11) ದ್ವಯರ ಅದ್ಭುತ ರೇಡಿಂಗ್‌ ನೆರವಿನಿಂದ ದಬಾಂಗ್‌ ಡೆಲ್ಲಿ ತಂಡ 43-39 ಅಂಕಗಳ ಅಂತರದಿಂದ ಪಟನಾ ಪೈರೇಟ್ಸ್‌ ತಂಡಕ್ಕೆ ಸೋಲುಣಿಸಿದೆ.

ಗುರುವಾರ ಪ್ರೊ ಕಬಡ್ಡಿ ಲೀಗ್‌ನ ಏಳನೇ ಆವೃತ್ತಿಯ 108ನೇ ಪಂದ್ಯ ಜಿದ್ದಾಜಿದ್ದಿನಿಂದ ನಡೆಯಿತಾದರೂ, ಅಂತಿಮ ಹಂತದಲ್ಲಿಮೇಲುಗೈ ಸಾಧಿಸಿದ ಡೆಲ್ಲಿ, ಅಂಕಪಟ್ಟಿಯಲ್ಲಿಮೊದಲ ಸ್ಥಾನ ಕಾಪಾಡಿಕೊಳ್ಳುವಲ್ಲಿಯಶಸ್ವಿಯಾಯಿತು.

ಹೆರಿಗೆಯ ಬಳಿಕ 26 ಕೆ.ಜಿ ತೂಕ ಇಳಿಸಿದ ಟೆನಿಸ್ ತಾರೆ ಸಾನಿಯಾ ಮಿರ್ಜಾ

ಪಂದ್ಯ ಮುಕ್ತಾಯದ ಮೊದಲಿನ ಮೂರು ನಿಮಿಷಗಳ ತನಕ ಮುನ್ನಡೆ ಕಾಪಾಡಿಕೊಂಡು ಬಂದಿದ್ದ ಪಟನಾ ತಂಡದ ಆಟಗಾರರು ಕೊನೆಯ ಹಂತದಲ್ಲಿರೇಡಿಂಗ್‌ಗೆ ಬಂದ ವಿಜಯ್‌ಗೆ ಐದು ಅಂಕಗಳನ್ನು ಬಿಟ್ಟು ಕೊಡುವ ಮೂಲಕ ಸೋಲಿನ ಹಾದಿ ಹಿಡಿಯಿತು.

ಪಟನಾ ತಂಡದ ಸ್ಟಾರ್‌ ರೇಡರ್‌ ಪರ್ದೀಪ್‌ ನರ್ವಾಲ್‌ 19 ಅಂಕಗಳನ್ನು ಗಳಿಸಿ ತಂಡವನ್ನು ಗೆಲ್ಲಿಸಲು ಯತ್ನಿಸಿದರೂ ಅವರಿಗೆ ಸಾಫಲ್ಯ ದೊರೆಯಲಿಲ್ಲ.

ಗೌತಮ್‌ಗೆ ಐದರ ಗೊಂಚಲು; ಜಾರ್ಖಂಡ್ ವಿರುದ್ಧ 123 ರನ್ ಅಂತರದ ಭರ್ಜರಿ ಗೆಲುವು ದಾಖಲಿಸಿದ ಕರ್ನಾಟಕ

ಆಗಲೇ ಪ್ಲೇ ಆಫ್ ಪ್ರವೇಶಿಸಿರುವ ದಬಾಂಗ್ ಡೆಲ್ಲಿ ಈ ಗೆಲುವಿನೊಂದಿಗೆ ಆಡಿರುವ 18 ಪಂದ್ಯಗಳಲ್ಲಿ 14 ಗೆಲುವುಗಳೊಂದಿಗೆ ಒಟ್ಟು 77 ಅಂಕಗಳನ್ನು ಸಂಪಾದಿಸಿ ಮತ್ತೆ ಅಗ್ರಸ್ಥಾನಕ್ಕೆ ನೆಗೆದಿದೆ. ಇನ್ನೊಂದೆಡೆ ಈ ಸೋಲಿನೊಂದಿಗೆ ಆಡಿರುವ 19 ಪಂದ್ಯಗಳಲ್ಲಿ 40 ಅಂಕ ಮಾತ್ರ ಸಂಪಾದಿಸಿರುವ ಪಟನಾ ಪೈರೇಟ್ಸ್ ಒಂಬತ್ತನೇ ಸ್ಥಾನದಲ್ಲಿದೆ.