ರೋಚಕ ಕ್ಷಣದ ನಿರೀಕ್ಷೆಯಲ್ಲಿ ಪಿಕೆಎಲ್‌: ಎಲಿಮಿನೇಟರ್‌ ಹಂತದ ಹೋರಾಟಕ್ಕೆ ವೇದಿಕೆ ಸಜ್ಜು

ಹೊಸದಿಲ್ಲಿ: ಏಳನೇ ಆವೃತ್ತಿಯ ಪ್ರೊ ಕಬಡ್ಡಿ ಲೀಗ್‌ ರೋಚಕ ಹಂತವನ್ನು ಎದುರು ನೋಡುತ್ತಿದ್ದು, ಆರು ತಂಡಗಳು ಪ್ಲೇಆಫ್‌ ಹಂತದ ಹೋರಾಟಕ್ಕೆ ಅಣಿಯಾಗಿದ್ದು 'ಬಿಗ್‌ ಫೈಟ್‌' ನಡೆಯುವ ನಿರೀಕ್ಷೆಯಿದೆ.

ಅಕ್ಟೋಬರ್‌ 14ರಿಂದ ಅಹಮದಾಬಾದ್‌ನ ಇಕೆ ಅರೆನಾ ಬೈ ಟ್ರಾನ್ಸ್‌ಸ್ಟೇಡಿಯಾ ಸ್ಟೇಡಿಯಂನಲ್ಲಿಎಲಿಮಿನೇಟರ್‌, ಸೆಮೀಸ್‌ ಹಾಗೂ ಫೈನಲ್‌ ಪಂದ್ಯಗಳು ನಡೆಯಲಿವೆ.

ಪವನ್ ಸೆಹ್ರಾವತ್ ಮ್ಯಾಜಿಕ್; ಪ್ಲೇ ಆಫ್ ಪ್ರವೇಶಿಸಿದ ಹಾಲಿ ಚಾಂಪಿಯನ್ ಬೆಂಗಳೂರು ಬುಲ್ಸ್

ಅಂಕಪಟ್ಟಿಯಲ್ಲಿಕ್ರಮವಾಗಿ ಮೊದಲೆರಡು ಸ್ಥಾನ ಪಡೆದುಕೊಂಡಿರುವ ದಬಾಂಗ್‌ ಡೆಲ್ಲಿಹಾಗೂ ಬೆಂಗಾಲ್‌ ವಾರಿಯರ್ಸ್‌ ಸೆಮೀಸ್‌ಗೆ ನೇರ ಟಿಕೆಟ್‌ ಪಡೆದುಕೊಂಡಿದೆ. ಹೀಗಾಗಿ ಹರಿಯಾಣ ಸ್ಟೀಲರ್ಸ್‌, ಯು.ಪಿ ಯೋಧಾ, ಯು. ಮುಂಬಾ ಹಾಗೂ ಬೆಂಗಳೂರು ಬುಲ್ಸ್‌ ನಡುವಣ ಎಲಿಮಿನೇಟರ್‌ ಹೋರಾಟಗಳು ನಿಕ್ಕಿಯಾಗಿವೆ.

ಸದ್ಯ ಅಂಕಪಟ್ಟಿಯಲ್ಲಿ ಮೊದಲೆರಡು ಸ್ಥಾನಗಳಲ್ಲಿರುವ ತಂಡಗಳು, 3ನೇ ಸ್ಥಾನದಲ್ಲಿರುವ ಸ್ಟೀಲರ್ಸ್‌ ಹಾಗೂ 6ನೇ ಸ್ಥಾನದಲ್ಲಿರುವ ಬುಲ್ಸ್‌ಗೆ ಲೀಗ್‌ ಹಂತದಲ್ಲಿ ತಲಾ ಒಂದು ಪಂದ್ಯ ಬಾಕಿಯಿದ್ದು, ನಾಲ್ಕರಲ್ಲಿರುವ ಯೋಧಾ ಹಾಗೂ ಐದರಲ್ಲಿರುವ ಮುಂಬಾಗೆ ಎರಡೆರಡು ಹಣಾಹಣಿಗಳು ಉಳಿದಿವೆ. ಹೀಗಾಗಿ ಅಂಕಪಟ್ಟಿಯಲ್ಲಿಸ್ಥಾನಗಳು ಇನ್ನೂ ಖಚಿತವಾಗಿಲ್ಲ.

ವಿಶ್ವ ಬಾಕ್ಸಿಂಗ್ ಚಾಂಪಿಯನ್‌ಶಿಪ್‌ನಲ್ಲಿ ಕ್ವಾರ್ಟರ್‌ಗೆ ಲಗ್ಗೆಯಿಟ್ಟ ಮೇರಿ ಕೋಮ್

ಪಂದ್ಯಗಳು ಹೀಗಿವೆ:
ಅಕ್ಟೋಬರ್‌ 14ರ ಸೋಮವಾರ ನಡೆಯಲಿರುವ ಮೊದಲ ಎಲಿಮಿನೇಟರ್‌ ಪಂದ್ಯದಲ್ಲಿ3 ಹಾಗೂ 6ನೇ ಸ್ಥಾನದಲ್ಲಿರುವ ತಂಡಗಳ ನಡುವೆ ಕಾದಾಟ ನಡೆಯಲಿದ್ದರೆ, ದಿನದ 2ನೇ ಪಂದ್ಯದಲ್ಲಿನಾಲ್ಕು ಮತ್ತು ಐದನೇ ಸ್ಥಾನ ಪಡೆದ ತಂಡಗಳ ನಡುವೆ ಪಂದ್ಯ ನಡೆಯಲಿವೆ.

16ರ ಬುಧವಾರ ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನ ಪಡೆದ ತಂಡ ಹಾಗೂ ಮೊದಲ ಎಲಿಮಿನೇಟರ್‌ನ ವಿಜಯೀ ತಂಡದ ನಡುವೆ ಮೊದಲ ಸೆಮಿಫೈನಲ್‌ ನಡೆಯಲಿದ್ದರೆ, ಎರಡನೇ ಪಂದ್ಯದಲ್ಲಿಅಂಕಪಟ್ಟಿಯಲ್ಲಿನಾಲ್ಕನೇ 2ನೇ ಸ್ಥಾನದಲ್ಲಿರುವ ತಂಡ ಹಾಗೂ ಎರಡನೇ ಎಲಿಮಿನೇಟರ್‌ನ ಜಯಶಾಲಿ ನಡುವೆ ಹೋರಾಟ ನಿಗದಿಯಾಗಿದೆ. ಅಕ್ಟೋಬರ್‌ 19ರಂದು ಫೈನಲ್‌ ನಡೆಯಲಿದ್ದು, ಸೆಮಿಫೈನಲ್ಸ್‌ನ ವಿಜೇತ ತಂಡಗಳು ಪ್ರಶಸ್ತಿಗಾಗಿ ಕಾದಾಡಲಿವೆ.

ಅಜರುದ್ದೀನ್‌ ಪುತ್ರನ ವರಿಸಲಿರುವ ಸಾನಿಯಾ ಮಿರ್ಜಾ ತಂಗಿ

ಪಂದ್ಯ 127ರ ಅಂತ್ಯಕ್ಕೆ ಅಂಕಪಟ್ಟಿ ಇಂತಿದೆ:

ಪ್ಲೇ-ಆಫ್‌ಗೆ ತೇರ್ಗಡೆ ಹೊಂದಿದ ತಂಡಗಳು:
1. ದಬಾಂಗ್ ಡೆಲ್ಲಿ: ಪಂದ್ಯ: 21, ಗೆಲುವು: 15, ಸೋಲು: 4, ಟೈ: 2, ಒಟ್ಟು ಅಂಕ: 82, ಅಂಕ ವ್ಯತ್ಯಾಸ: 66
2. ಬೆಂಗಾಲ್ ವಾರಿಯರ್ಸ್: ಪಂದ್ಯ: 21, ಗೆಲುವು: 13, ಸೋಲು: 5, ಟೈ: 3, ಒಟ್ಟು ಅಂಕ: 78, ಅಂಕ ವ್ಯತ್ಯಾಸ: 67
3. ಹರಿಯಾಣ ಸ್ಟೀಲರ್ಸ್: ಪಂದ್ಯ: 21, ಗೆಲುವು: 13, ಸೋಲು: 7, ಟೈ: 1, ಒಟ್ಟು ಅಂಕ: 70, ಅಂಕ ವ್ಯತ್ಯಾಸ: 21
4. ಯುಪಿ ಯೋಧಾ: ಪಂದ್ಯ: 20, ಗೆಲುವು: 12, ಸೋಲು: 6, ಟೈ: 2, ಒಟ್ಟು ಅಂಕ: 68, ಅಂಕ ವ್ಯತ್ಯಾಸ: 2
5. ಯು ಮುಂಬಾ: ಪಂದ್ಯ: 20, ಗೆಲುವು: 11, ಸೋಲು: 8, ಟೈ: 1, ಒಟ್ಟು ಅಂಕ: 64, ಅಂಕ ವ್ಯತ್ಯಾಸ: 41
6. ಬೆಂಗಳೂರು ಬುಲ್ಸ್: ಪಂದ್ಯ: 21, ಗೆಲುವು: 11, ಸೋಲು: 9, ಟೈ: 1, ಒಟ್ಟು ಅಂಕ: 28, ಅಂಕ ವ್ಯತ್ಯಾಸ: 64

ಹೊರಬಿದ್ದ ತಂಡಗಳು:
ಜೈಪುರ ಪಿಂಕ್ ಪ್ಯಾಂಥರ್ಸ್
ಪಟನಾ ಪೈರೇಟ್ಸ್
ಗುಜರಾತ್ ಫಾರ್ಚೂನ್ ಜಯಂಟ್ಸ್
ಪುಣೇರಿ ಪಲ್ಟನ್
ತೆಲುಗು ಟೈಟನ್ಸ್
ತಮಿಳ್ ತಲೈವಾಸ್