ಮುಂಬಾಗೆ ಮಣಿದ ಗುಜರಾತ್; ಪ್ಯಾಂಥರ್ಸ್ ವಿರುದ್ಧ ವಾರಿಯರ್ಸ್‌ಗೆ ರೋಚಕ ಗೆಲುವು

ಜೈಪುರ: ಆಲ್‌ರೌಂಡ್ ಪ್ರದರ್ಶನ ತೋರಿದ ಮಾಜಿ ಚಾಂಪಿಯನ್ ಯು ಮುಂಬಾ ತಂಡ ಪ್ರೊ ಕಬಡ್ಡಿ ಲೀಗ್‌ನ 7ನೇ ಆವೃತ್ತಿಯ 102ನೇ ಹಣಾಹಣಿಯಲ್ಲಿ ಗುಜರಾತ್ ಫಾರ್ಚೂನ್ ಜಯಂಟ್ಸ್ ವಿರುದ್ಧ ಜಯ ಗಳಿಸಿ ಪೂರ್ಣ ಐದು ಅಂಕಗಳೊಂದಿಗೆ ತನ್ನ ಪ್ಲೇ ಆಫ್ ಸಾಧ್ಯತೆಯನ್ನು ಭದ್ರಪಡಿಸಿಕೊಳ್ಳುವತ್ತ ದಾಪುಗಾಲಿಟ್ಟಿತು.

ಇಲ್ಲಿನ ಸವಾಯಿ ಮಾನ್ ಸಿಂಗ್ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಮುಂಬಾ 31-25 ಅಂಕಗಳಿಂದ ಗುಜರಾತ್ ತಂಡಕ್ಕೆ ಸೋಲಿನ ಆಘಾತ ನೀಡಿತು. ಇದರೊಂದಿಗೆ ಮುಂಬಾ ತಂಡ ಒಟ್ಟಾರೆ 17 ಪಂದ್ಯಗಳಿಂದ 53 ಅಂಕಗಳನ್ನು ಕಲೆ ಹಾಕಿತು.

ಭಾರತ ವಿರುದ್ಧ ವಿಶಿಷ್ಟ ದಾಖಲೆ ಬರೆದ ದ.ಆಫ್ರಿಕಾ ಕ್ಯಾಪ್ಟನ್ ಕ್ವಿಂಟನ್ ಡಿ ಕಾಕ್

ಭಾರತ ವಿರುದ್ಧ ವಿಶಿಷ್ಟ ದಾಖಲೆ ಬರೆದ ದ.ಆಫ್ರಿಕಾ ಕ್ಯಾಪ್ಟನ್ ಕ್ವಿಂಟನ್ ಡಿ ಕಾಕ್


18 ಪಂದ್ಯಗಳನ್ನಾಡಿರುವ ಗುಜರಾತ್ 39 ಅಂಕ ಸಂಪಾದಿಲಷ್ಟೇ ಶಕ್ತಗೊಂಡಿದ್ದು, ಪ್ಲೇ ಆಫ್‌ನಿಂದ ಬಹುತೇಕ ಹೊರಬಿದ್ದಿದೆ. ಸೂಪರ್ 10 ಜತೆಗೆ ಒಟ್ಟು 11 ಅಂಕ ಗಳಿಸಿದ ಅಭಿಷೇಕ್ ಸಿಂಗ್ ಮುಂಬಾ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಿದರು.
ಸುರೇಂದರ್ ಸಿಂಗ್, ಹರೇಂದ್ರ ಕುಮಾರ್ ತಲಾ ಮೂರು ಅಂಕಗಳ ಕೊಡುಗೆ ನೀಡಿದರು. ಗುಜರಾತ್ ಪರ ರೋಹಿತ್ ಗುಲಿಯಾ 9 ಅಂಕ ಗಳಿಸಿ ತಂಡದ ಹೋರಾಟಕ್ಕೆ ಸಾಕ್ಷಿಯಾದರೆ, ಜಿಬಿ ಮೋರೆ 5 ಅಂಕಗಳ ಕಾಣಿಕೆ ನೀಡಿದರು.


ಭಾರತ v/s ದ. ಆಫ್ರಿಕಾ 3ನೇ ಟಿ20: ಧೋನಿ ದಾಖಲೆ ಸರಿಗಟ್ಟಿದ 'ಹಿಟ್‌ಮ್ಯಾನ್‌' ರೋಹಿತ್‌!

ಪ್ಯಾಂಥರ್ಸ್ ವಿರುದ್ದ ವಾರಿಯರ್ಸ್‌ಗೆ ಥ್ರಿಲ್ಲಿಂಗ್ ಗೆಲುವು...
ದಿನದ ಎರಡನೇ ಪಂದ್ಯದಲ್ಲಿ ಕಂಗೊಳಿಸಿದ ಬೆಂಗಾಲ್ ವಾರಿಯರ್ಸ್ 41-40 ಅಂಕಗಳಿಂದ ಜೈಪುರ ಪಿಂಕ್ ಪ್ಯಾಂಥರ್ಸ್ ವಿರುದ್ಧ ರೋಚಕ ಗೆಲುವು ದಾಖಲಿಸಿತು. ಎರಡು ಬಾರಿ ಟ್ಯಾಕಲ್ ಪಾಯಿಂಟ್ಸ್ ಗಿಟ್ಟಿಸಿದ ಬೆಂಗಾಲ್ ಉಭಯ ಅವಧಿಗಳಲ್ಲೂ ಪಾರಮ್ಯ ಸಾಧಿಸಿತು. ವಾರಿಯರ್ಸ್ ಪರ ಮಣಿಂದರ್ ಸಿಂಗ್ 19 ಅಂಕ ಗಳಿಸಿ ತಂಡದ ಗೆಲುವಿನ ರೂವಾರಿಯೆನಿಸಿದರು.