ರಿಯೊ ಒಲಿಂಪಿಕ್ಸ್‌ಗೆ ಸಂಭ್ರಮದ ತೆರೆ, ಮುಂದಿನ ಯಶಸ್ಸಿಗೆ ಜಪಾನ್‌ ಕರೆ
ರಿಯೊ ಡಿ ಜನೈರೊ: ಬೆಳಕಿನ ಕಿರಣದಲ್ಲಿ ಮಿನುಗಿದ ಮಳೆ, ಸಾಂಬಾ ಸಾಂಸ್ಕೃತಿಕ ಲೋಕದಿಂದ ಮರಕಾನ ಕ್ರೀಡಾಂಗಣದಲ್ಲಿ ಸೃಷ್ಟಿಯಾಯಿತ ಹೊಸದೊಂದು ಇಳೆ. ಸಂಭ್ರಮ, ಸಂತಸ, ನೋವು, ಅಚ್ಚರಿ ಹಾಗೂ ಆಘಾತಗಳನ್ನು ನೀಡಿದ ರಿಯೊ ಒಲಿಂಪಿಕ್ಸ್‌ಗೆ ಸಂಭ್ರಮದ ತೆರೆ. ಅಮೇಜಾನ್‌ ತೀರದಿಂದ ಒಲಿಂಪಿಕ್ಸ್‌ ಧ್ವಜ ಜಪಾನಿನ ಸುಮಿದಾ ನದಿ ತಟದಲ್ಲಿರುವ ಟೋಕಿಯೊ ನಗರಕ್ಕೆ ತೆರಳಿತು. ಕಳೆದ ಹದಿನಾರು ದಿನಗಳಲ್ಲಿ ಒಲಿಂಪಿಕ್ಸ್‌ ಸ್ಫೂರ್ತಿಯಲ್ಲಿ ಸ್ಪರ್ಧಿಸಿದ 11,000ಕ್ಕೂ ಹೆಚ್ಚು ಕ್ರೀಡಾಪಟುಗಳು ಸೋಲು ಗೆಲುವಿನ ಮೆಲುಕು ಹಾಕುತ್ತ ರಿಯೊದಿಂದ ತಾಯ್ನಾಡಿನ ಕಡೆಗೆ ಹೆಜ್ಜೆ ಹಾಕಿದರು. ಇದರೊಂದಿಗೆ 31ನೇ ಒಲಿಂಪಿಕ್ಸ್‌ ಕ್ರೀಡಾಕೂಟ ಯಶಸ್ಸಿನೊಂದಿಗೆ ಮುಕ್ತಾಯಗೊಂಡಿತು.
ಖೇಲ್‌ ರತ್ನಗಳು
ಪಿ.ವಿ. ಸಿಂಧೂ, ಸಾಕ್ಷಿ ಮಲಿಕ್‌, ಜಿತು ರಾಯ್‌ ಹಾಗೂ ದೀಪಾ ಕರ್ಮಕಾರ್‌ಗೆ ಪ್ರತಿಷ್ಠಿತ ರಾಜೀವ್‌ ಗಾಂಧಿ ಖೇಲ್‌ ರತ್ನ ಗೌರವ
ವಿ.ಆರ್‌. ರಘುನಾಥ್‌ಗೆ ಅರ್ಜುನ ಗೌರವ
ಭಾರತ ಹಾಕಿ ತಂಡದ ಪ್ರಮುಖ ಆಟಗಾರ ಕನ್ನಡಿಗ ವಿ.ಆರ್‌.ರಘುನಾಥ್‌ ಅವರಿಗೆ ಪ್ರಸಕ್ತ ಸಾಲಿನ ಅರ್ಜುನ ಪ್ರಶಸ್ತಿ ನೀಡಲಾಗಿದೆ.
