ಮೊದಲ ರೌಂಡ್‌ನಲ್ಲೇ ಮುಗ್ಗರಿಸಿದ ಪೇಸ್‌-ಬೋಪಣ್ಣ, ಸಾನಿಯಾ-ಪ್ರಾರ್ಥನಾ

ರಿಯೊ ಡಿ ಜೆನೈರೊ: ಭಾರತ ಟೆನ್ನಿಸ್‌ ತಂಡ ಆರಂಭದಲ್ಲೇ ಮುಗ್ಗರಿಸಿದೆ.

ಲಿಯಾಂಡರ್‌ ಪೇಸ್‌-ರೋಹನ್‌ ಬೋಪಣ್ಣ ಹಾಗೂ ಸಾನಿಯಾ ಮಿರ್ಜಾ-ಪ್ರಾರ್ಥನಾ ತೊಂಬಾರೆ ಕ್ರಮವಾಗಿ ಪುರುಷರ ಹಾಗೂ ಮಹಿಳೆಯರು ಮೊದಲ ಸುತ್ತಿನ ಡಬಲ್ಸ್‌ನಲ್ಲಿ ಸೋತಿದ್ದಾರೆ.

ಏಳು ಬಾರಿ ಒಲಿಂಪಿಕ್ಸ್‌ನಲ್ಲಿ ಆಡಿರುವ ಪೇಸ್‌ , ಮೊದಲ ಸುತ್ತಿನ ಸೋಲಿನಿಂದಾಗಿ ಕೂಟದಿಂದ ಹೊರಬಿದ್ದಿದ್ದಾರೆ. 1996ರ ಅಂಟ್ಲಾಟಾ ಒಲಿಂಪಿಂಕ್‌ನಲ್ಲಿ ಪುರುಷರ ಸಿಂಗಲ್ಸ್‌ನಲ್ಲಿ ಕಂಚಿನ ಪದಕ ಗೆದ್ದಿದ್ದ ಪೇಸ್‌ಗೆ ಈ ಸೋಲು ಭಾರಿ ನಿರಾಸೆ ತಂದಿದೆ. 2012ರಲ್ಲಿ ಪುರುಷರ ಡಬಲ್ಸ್‌ನಲ್ಲಿ ಮಹೇಶ್‌ ಭೂಪತಿ, ಬೋಪಣ್ಣನಿಗೆ ಸಾಥ್‌ ನೀಡಿದ್ದರು.

'ಸೋಲಿಗೆ ನನ್ನನ್ನು ಹೊಣೆ ಮಾಡುವುದು ಸರಿ ಅಲ್ಲ. ಏಳು ಬಾರಿ ಒಲಿಂಪಿಕ್ಸ್‌ನಲ್ಲಿ ಆಡಿರುವುದು ಸಾಮಾನ್ಯ ಸಂಗತಿ ಅಲ್ಲ. ಸೌಮ್ಯ ಸ್ವಭಾವದವರ ಮೇಲೆ ಗೂಬೆ ಕೂರಿಸುವುದು ಸುಲಭ. 2020 ಟೋಕಿಯೋ ಅವಕಾಶಕ್ಕೆ ಎದುರು ನೋಡುತ್ತೇನೆ,'ಎಂದು ಪೇಸ್‌ ಅಸಮಾಧಾನ ಹೊರಹಾಕಿದ್ದಾರೆ.

ಪೊಲೆಂಡ್‌ನ ಲುಕಾಸ್‌ ಕುಬೊಟ್‌ ಹಾಗೂ ಮ್ಯಾಕ್ರಿನ್‌ ಮಟ್ಕೋವ್‌ಸ್ಕಿ ಎದುರು ಮೊದಲ ಸುತ್ತಿನಲ್ಲಿ ಪೇಸ್‌ ಹಾಗೂ ಬೋಪಣ್ಣ 6-4, 7-6 (8/6) ಅಂಕಗಳಿಂದ ಸೋಲು ಕಂಡಿದ್ದಾರೆ.

ಚೀನಾದ ಶುವೈ ಪೆಂಗ್‌ ಹಾಗೂ ಜಾಂಗ್‌ ಶುವೈ ಎದುರು ಸಾನಿಯಾ, ಪ್ರಾರ್ಥನಾ 6 (6)-7, 7-5,5-7 ರಿಂದ ಸೋತ್ತಿದ್ದಾರೆ. ಆದರೆ, ಬೋಪಣ್ಣ ಜತೆ ಮಿಕ್ಸಡ್‌ ಡಬಲ್‌ನಲ್ಲಿ ಆಡುವ ಅವಕಾಶ ಸಾನಿಯಾಗೆ ಇದೆ.