ಸ್ಕ್ವಾಷ್: ದೀಪಿಕಾ, ಘೋಸಾಲ್‌ಗೆ ಜಯ

ಗ್ಲಾಸ್ಗೋ: ಕಾಮನ್‌ವೆಲ್ತ್ ಕ್ರೀಡಾಕೂಟದ ಸ್ಕ್ವಾಷ್ ಡಬಲ್ಸ್‌ನಲ್ಲಿ ಭಾರತದ ದೀಪಿಕಾ ಪಳ್ಳಿಕಲ್ ಹಾಗೂ ಸೌರವ್ ಘೋಸಾಲ್ ಶುಭಾರಂಭ ಕಂಡಿದ್ದಾರೆ,

ಸಿಂಗಲ್ಸ್ ವಿಭಾಗದಲ್ಲಿ ಭಾರತಕ್ಕೆ ಮೊದಲ ಪದಕ ತರುವಲ್ಲಿ ವಿಫಲರಾದ ಘೋಸಾಲ್ ಹಾಗೂ ಪಳ್ಳಿಕಲ್ ಮಿಶ್ರಡಬಲ್ಸ್‌ನಲ್ಲಿ ಶ್ರೀಲಂಕಾ ರವಿಂದು ಲಕ್ಸಿರಿ ಮತ್ತು ನದುನಿ ಗುಣವರ್ದನೆ ವಿರುದ್ಧ 11-3, 11-4 ಅಂತರದಲ್ಲಿ ಗೆದ್ದು ಮುನ್ನಡೆ ಕಂಡರು.

ಪುರುಷರ ಡಬಲ್ಸ್‌ನಲ್ಲಿ ಘೋಸಾಲ್ ಹಾಗೂ ಹರೀಂದರ್ ಪಾಲ್ ಸಂಧು ಜೋಡಿ 9-11, 11-3, 11-2 ಅಂತರದಲ್ಲಿ ಜಯ ಗಳಿಸಿತು.