ಹೊಸದಿಲ್ಲಿ: ಪ್ರಾಯೋಜಕತ್ವದ ಹಣವನ್ನು ಲಂಡನ್ ಒಲಿಂಪಿಕ್‌ಗೆ ಅರ್ಹತೆ ಪಡೆದ ಆಟಗಾರರಿಗೆ ನೀಡಲಾಗುವುದು ಎಂಬ ಮಾತಿಗೆ ಬದ್ಧವಾಗಿರುವ ಭಾರತೀಯ ಒಲಿಂಪಿಕ್ ಸಂಸ್ಥೆ (ಐಒಎ) ಲಂಡನ್ ಒಲಿಂಪಿಕ್‌ಗೆ ಆಯ್ಕೆಯಾಗಿರುವ 16 ಮಂದಿ ಹಾಕಿ ಆಟಗಾರರಿಗೆ ತಲಾ 1 ಲಕ್ಷ ರೂ.ಗಳನ್ನು ಮುಂಗಡವಾಗಿ ನೀಡಿದೆ.
ಭಾರತೀಯ ಹಾಕಿ ತಂಡ ಯೂರೋಪಿಯನ್ ಪ್ರವಾಸ ಮುಗಿಸಿ ಅಲ್ಲಿಂದ ಲಂಡನ್‌ಗೆ ತೆರಳಲಿದೆ.
‘ಲಂಡನ್ ಒಲಿಂಪಿಕ್‌ಗೆ ಆಯ್ಕೆಯಾಗಿರುವ ಎಲ್ಲ ಕ್ರೀಡಾಪಟುಗಳಿಗೂ ತಲಾ 1 ಲಕ್ಷ ರೂ.ಗಳನ್ನು ಮುಂಗಡವಾಗಿ ನೀಡಲಾಗುವುದು. ಉಳಿದ ಹಣವನ್ನು ನಂತರ ನೀಡುತ್ತೇವೆ’ ಎಂದು ಐಒಎ ಹಂಗಾಮಿ ಅಧ್ಯಕ್ಷ ವಿಜಯ ಕುಮಾರ್ ಮಲ್ಹೋತ್ರಾ ಹೇಳಿದ್ದಾರೆ.
ಲಂಡನ್ ಒಲಿಂಪಿಕ್‌ಗೆ ಆಯ್ಕೆಯಾಗಿರುವ ಪ್ರತಿಯೊಬ್ಬ ಕ್ರೀಡಾಪಟುಗಳು ಒಲಿಂಪಿಕ್ ಸಂಸ್ಥೆಯಿಂದ 2.5 ರಿಂದ 3 ಲಕ್ಷ ರೂ. ಪಡೆಯಲಿದ್ದಾರೆ, ಒಂದು ವೇಳೆ ಐಒಎ ಹೆಚ್ಚಿನ ಪ್ರಾಯೋಜಕತ್ವವನ್ನು ಪಡೆದರೆ ಅದನ್ನೂ ಹಂಚಿಕೆ ಮಾಡಲಾಗುವುದು ಎಂದು ಮಲ್ಹೋತ್ರಾ ಹೇಳಿದರು.
ಒಲಿಂಪಿಕ್ ಇತಿಹಾಸದಲ್ಲೇ ಮೊದಲ ಬಾರಿಗೆ ಭಾರತ ಅತಿ ಹೆಚ್ಚು ಕ್ರೀಡಾಪಟುಗಳನ್ನು ಒಲಿಂಪಿಕ್‌ಗೆ ಕಳುಹಿಸುತ್ತಿದೆ. ಈಗಾಗಲೇ 82 ಮಂದಿ ಆಯ್ಕೆಯಾಗಿದ್ದು, ಇನ್ನೂ ಒಬ್ಬಿಬ್ಬರು ಆಯ್ಕೆಯಾಗುವ ಸಾಧ್ಯತೆ ಇದೆ ಎಂದರು.
ಭಾರತೀಯ ಹಾಕಿ ತಂಡ ಯೂರೋಪಿಯನ್ ಪ್ರವಾಸ ಮುಗಿಸಿ ಅಲ್ಲಿಂದ ಲಂಡನ್‌ಗೆ ತೆರಳಲಿದೆ.
‘ಲಂಡನ್ ಒಲಿಂಪಿಕ್‌ಗೆ ಆಯ್ಕೆಯಾಗಿರುವ ಎಲ್ಲ ಕ್ರೀಡಾಪಟುಗಳಿಗೂ ತಲಾ 1 ಲಕ್ಷ ರೂ.ಗಳನ್ನು ಮುಂಗಡವಾಗಿ ನೀಡಲಾಗುವುದು. ಉಳಿದ ಹಣವನ್ನು ನಂತರ ನೀಡುತ್ತೇವೆ’ ಎಂದು ಐಒಎ ಹಂಗಾಮಿ ಅಧ್ಯಕ್ಷ ವಿಜಯ ಕುಮಾರ್ ಮಲ್ಹೋತ್ರಾ ಹೇಳಿದ್ದಾರೆ.
ಲಂಡನ್ ಒಲಿಂಪಿಕ್‌ಗೆ ಆಯ್ಕೆಯಾಗಿರುವ ಪ್ರತಿಯೊಬ್ಬ ಕ್ರೀಡಾಪಟುಗಳು ಒಲಿಂಪಿಕ್ ಸಂಸ್ಥೆಯಿಂದ 2.5 ರಿಂದ 3 ಲಕ್ಷ ರೂ. ಪಡೆಯಲಿದ್ದಾರೆ, ಒಂದು ವೇಳೆ ಐಒಎ ಹೆಚ್ಚಿನ ಪ್ರಾಯೋಜಕತ್ವವನ್ನು ಪಡೆದರೆ ಅದನ್ನೂ ಹಂಚಿಕೆ ಮಾಡಲಾಗುವುದು ಎಂದು ಮಲ್ಹೋತ್ರಾ ಹೇಳಿದರು.
ಒಲಿಂಪಿಕ್ ಇತಿಹಾಸದಲ್ಲೇ ಮೊದಲ ಬಾರಿಗೆ ಭಾರತ ಅತಿ ಹೆಚ್ಚು ಕ್ರೀಡಾಪಟುಗಳನ್ನು ಒಲಿಂಪಿಕ್‌ಗೆ ಕಳುಹಿಸುತ್ತಿದೆ. ಈಗಾಗಲೇ 82 ಮಂದಿ ಆಯ್ಕೆಯಾಗಿದ್ದು, ಇನ್ನೂ ಒಬ್ಬಿಬ್ಬರು ಆಯ್ಕೆಯಾಗುವ ಸಾಧ್ಯತೆ ಇದೆ ಎಂದರು.
