ಮೆಲ್ಬೋರ್ನ್: ವಿಶ್ವದ ನಂ.1 ಟೆನಿಸ್ ಆಟಗಾರ ನೊವಾಕ್ ಜೊಕೊವಿಕ್ ಅವರಿಗೆ ವೀಸಾ ನೀಡಲು ಆಸ್ಟ್ರೇಲಿಯಾ ಸರಕಾರ ಎರಡನೇ ಬಾರಿ ನಿರಾಕರಿಸಿದೆ. 2022ರ ಸಾಲಿನ ಆಸ್ಟ್ರೇಲಿಯನ್ ಓಪನ್ ಗ್ರ್ಯಾಂಡ್ ಸ್ಲ್ಯಾಮ್ ಟೂರ್ನಿಯಲ್ಲಿ ಪಾಲ್ಗೊಳ್ಳಲು ನೊವಾಕ್ ಕಾಂಗರೂ ನಾಡಿಗೆ ತೆರಳಿದ್ದರು. ಕೋವಿಡ್-19 ಸೋಂಕಿಗೆ ಲಸಿಕೆ ಪಡೆಯದೇ ತೆರಳಿದ್ದ ನೊವಾಕ್, ಇದಕ್ಕೆ ಸೂಕ್ತ ಕಾರಣ ಮತ್ತು ವೈದ್ಯಕೀಯ ದಾಖಲಾತಿಗಳನ್ನು ಒದಗಿಸಲು ವಿಫಲರಾಗಿ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ವರದಿಗಳ ಪ್ರಕಾರ ಸರ್ಬಿಯಾದ ಆಟಗಾರನ ವಿರುದ್ಧ ಆಸ್ಟ್ರೇಲಿಯಾ ಸರಕಾರ 3 ವರ್ಷಗಳ ನಿಷೇಧ ಹೇರುವ ಸಾಧ್ಯತೆಯೂ ಇದೆ ಎನ್ನಲಾಗಿದೆ.
ಈ ಬಗ್ಗೆ ಆಸ್ಟ್ರೇಲಿಯಾದ ಇಮಿಗ್ರೇಷನ್ ಮಿನಿಸ್ಟರ್ ಅಲೆಕ್ಸ್ ಹಾಕ್ಸ್ ಮಾತನಾಡಿದ್ದು, "ಆರೋಗ್ಯ ವಿಚಾರದಲ್ಲಿ ಸಾರ್ವಜನಿಕರ ಹಿತ ಕಾಪಾಡುವುದಕ್ಕೆ ಮೊದಲ ಆದ್ಯತೆ ನೀಡಲಾಗುವುದು. ಅದರಲ್ಲೂ ಈ ಕೋವಿಡ್-19 ಸಂಕಷ್ಟದ ಸಮಯದಲ್ಲಿ ಆಸ್ಟ್ರೇಲಿಯಾದ ಗಡಿಯನ್ನು ರಕ್ಷಿಸುವುದಕ್ಕೆ ನಾವು ಬದ್ಧರಾಗಿದ್ದೇವೆ," ಎಂದು ಹೇಳಿದ್ದಾರೆ.
ಆಸ್ಟ್ರೇಲಿಯನ್ ಓಪನ್: ವಿಶ್ವದ ನಂ.1 ಆಟಗಾರ ನೊವಾಕ್ ಜೊಕೊವಿಕ್ಗೆ 'ನೋ ಎಂಟ್ರಿ'!
ಎರಡನೇ ಬಾರಿ ವೀಸಾ ತಿರಸ್ಕೃತಗೊಂಡಿರುವ ಹಿನ್ನೆಲೆಯಲ್ಲಿ ನೊವಾಕ್ ಮತ್ತೆ ವೀಸಾ ತೆಗೆದುಕೊಳ್ಳಲು ಮೂರು ವರ್ಷಗಳು ಕಾಯಬೇಕು. ತೀರಾ ಅನಿವಾರ್ಯದ ಪ್ರಕರಣಗಳಲ್ಲಿ ಕೆಲ ವಿನಾಯಿಸಿ ಸಿಗಬಹುದಷ್ಟೇ. ಆದರೆ ಈಗ ಪ್ರಸಕ್ತ ಆಸ್ಟ್ರೇಲಿಯನ್ ಓಪನ್ ಟೂರ್ನಿಯಲ್ಲಿ ನೊವಾಕ್ ಪಾಲ್ಗೊಳ್ಳುವುದು ಬಹುತೇಕ ಅನುಮಾನ ಎಂಬಂತ್ತಾಗಿದೆ. ತಮ್ಮ ವೃತ್ತಿಬದುಕಿನ 10ನೇ ಆಸ್ಟ್ರೇಲಿಯನ್ ಓಪನ್ ಮತ್ತು 21ನೇ ಗ್ರ್ಯಾಂಡ್ ಸ್ಲ್ಯಾಮ್ ಗೆಲುವನ್ನು ಅವರು ಎದುರು ನೋಡುತ್ತಿದ್ದರು.
ಟೂರ್ನಿಯಲ್ಲಿ ಅಗ್ರ ಶ್ರೇಯಾಂಕ ಪಡೆದಿರುವ ನೊವಾಕ್ ಇತ್ತೀಚೆಗೆ ಮೆಲ್ಬೋರ್ನ್ ಪಾರ್ಕ್ನಲ್ಲಿ ಕೆಲ ಗಂಟೆಗಳ ಕಾಲ ಅಭ್ಯಾಸವನ್ನೂ ನಡೆಸಿದ್ದಾರೆ. ಆದರೆ, ವೀಸಾ ತಿರಸ್ಕೃತವಾಗಿರುವುದು ಬರ ಸಿಡಿಲಿನಂತೆ ಬಂದು ಅಪ್ಪಳಿಸಿದ್ದು, ಈ ಸಲುವಾಗಿ ಕಾನೂನು ಹೋರಾಟ ಒಂದೇ ಅವರೆದುರು ಇರುವ ಅಂತಿಮ ಮಾರ್ಗವಾಗಿದೆ.
ಕಳೆದ ಡಿಸೆಂಬರ್ 16ರಂದು ಕೊರೊನಾ ವೈರಸ್ ಸೋಂಕಿನ ಪರೀಕ್ಷಿಯಲ್ಲಿ ಪಾಸಿಟಿವ್ ಫಲಿತಾಂಶ ಬಂದಿದೆ. ಹೀಗಾಗಿ ಈವರೆಗೆ ಲಸಿಕೆ ಪಡೆಯಲು ಸಾಧ್ಯವಾಗಲಿಲ್ಲ ಎಂದು ಕಾರಣ ಕೊಟ್ಟು ಜ.5ರಂದು ಆಸ್ಟ್ರೇಲಿಯಾ ಪ್ರವೇಶಿಸಲು ನೊವಾಕ್ ಪ್ರಯತ್ನ ಮಾಡಿದ್ದರು. ಅವರನ್ನು ಮೆಲ್ಬೋರ್ನ್ ವಿಮಾನ ನಿಲ್ದಾಣದಲ್ಲೇ ತಡೆದು ನಿಲ್ಲಿಸಲಾಗಿತ್ತು. ವೀಸಾ ತಿರಸ್ಕೃತಗೊಂಡ ಕಾರಣ ನೊವಾಕ್ ವಿಮಾನ ನಿಲ್ದಾಣದ ಬಂಧನ ಕೇಂದ್ರದಲ್ಲಿ ನಾಲ್ಕು ರಾತ್ರಿ ಕಳೆಯುವಂತ್ತಾಗಿತ್ತು.
ಅಡಿಲೇಡ್ ಎಟಿಪಿ ಟೂರ್ನಿಯ ಫೈನಲ್ ಪ್ರವೇಶಿಸಿದ ಬೋಪಣ್ಣ ಜೋಡಿ!
ಆಸ್ಟ್ರೇಲಿಯಾದ ಸರಕಾರದ ಪ್ರಕಾರ ತಮ್ಮ ದೇಶಕ್ಕೆ ಆಗಮಿಸುವವರು ಇತ್ತೀಚೆಗೆ ಸೋಂಕಿಗೆ ತುತ್ತಾಗಿದ್ದೇವೆ ಎಂದು ಕಾರಣ ಕೊಟ್ಟು ಲಸಿಕೆ ಪಡೆಯದೇ ಗಡಿ ಒಳಗೆ ಕಾಲಿಡಲು ಅವಕಾಶ ಇಲ್ಲ ಎಂದು ಹೇಳಿದೆ.
ನೊವಾಕ್ ವರ್ತನೆ ಟೀಕಿಸಿದ ಸಿಟ್ಸಿಪಾಸ್
ನೊವಾಕ್ ಅವರ ಈ ಬೇಜವಾಬ್ದಾರಿಯುತ ವರ್ತನೆಯಲ್ಲಿ ಕೆಲ ಹಾಲಿ ಟೆನಿಸ್ ಆಟಗಾರರು ಕೂಡ ಟೀಕಿಸಿದ್ದಾರೆ. ವಿಶ್ವದ 4ನೇ ಶ್ರೇಯಾಂಕಿತ ಆಟಗಾರ ಗ್ರೀಸ್ನ ಸ್ಟೆಫಾನೋಸ್ ಸಿಟ್ಸಿಪಾಸ್, "ನೊವಾಕ್ ತಮ್ಮದೇ ನಿಯಮಗಳೊಂದಿಗೆ ಆಟವಾಡುತ್ತಾರೆ," ಎಂದು ಟೀಕಿಸಿದ್ದಾರೆ.
"ಆಸ್ಟ್ರೇಲಿಯನ್ ಓಪನ್ ಟೂರ್ನಿಯಲ್ಲಿ ಈ ಬಾರಿ ಪಾಲ್ಗೊಂಡಿರುವ ಬಹುತೇಕ ಎಲ್ಲ ಆಟಗಾರರು ಕೂಡ ಲಸಿಕೆ ಪಡೆದಿದ್ದಾರೆ. ಆದರೆ, ಕೆಲವರು ತಮ್ಮದೇ ನಿಯಮಗಳನ್ನು ಅನುಸರಿಸುತ್ತಾರೆ. ಈ ಮೂಲಕ ಲಸಿಕೆ ಪಡೆದ ಬಹುತೇಕರನ್ನು ಮುಟ್ಟಾಳರಂತೆ ಕಾಣುವಂತೆ ಮಾಡುವ ಪ್ರಯತ್ನ ಮಾಡುತ್ತಾರೆ," ಎಂದು ಸಿಟ್ಸಿಪಾಸ್ ಟೀಕಿಸಿದ್ದಾರೆ. 2022ರ ಸಾಲಿನ ಆಸ್ಟ್ರೇಲಿಯನ್ ಓಪನ್ ಜ.17ರಂದು ಶುರುವಾಗಲಿದೆ.
ಈ ಬಗ್ಗೆ ಆಸ್ಟ್ರೇಲಿಯಾದ ಇಮಿಗ್ರೇಷನ್ ಮಿನಿಸ್ಟರ್ ಅಲೆಕ್ಸ್ ಹಾಕ್ಸ್ ಮಾತನಾಡಿದ್ದು, "ಆರೋಗ್ಯ ವಿಚಾರದಲ್ಲಿ ಸಾರ್ವಜನಿಕರ ಹಿತ ಕಾಪಾಡುವುದಕ್ಕೆ ಮೊದಲ ಆದ್ಯತೆ ನೀಡಲಾಗುವುದು. ಅದರಲ್ಲೂ ಈ ಕೋವಿಡ್-19 ಸಂಕಷ್ಟದ ಸಮಯದಲ್ಲಿ ಆಸ್ಟ್ರೇಲಿಯಾದ ಗಡಿಯನ್ನು ರಕ್ಷಿಸುವುದಕ್ಕೆ ನಾವು ಬದ್ಧರಾಗಿದ್ದೇವೆ," ಎಂದು ಹೇಳಿದ್ದಾರೆ.
ಆಸ್ಟ್ರೇಲಿಯನ್ ಓಪನ್: ವಿಶ್ವದ ನಂ.1 ಆಟಗಾರ ನೊವಾಕ್ ಜೊಕೊವಿಕ್ಗೆ 'ನೋ ಎಂಟ್ರಿ'!
ಎರಡನೇ ಬಾರಿ ವೀಸಾ ತಿರಸ್ಕೃತಗೊಂಡಿರುವ ಹಿನ್ನೆಲೆಯಲ್ಲಿ ನೊವಾಕ್ ಮತ್ತೆ ವೀಸಾ ತೆಗೆದುಕೊಳ್ಳಲು ಮೂರು ವರ್ಷಗಳು ಕಾಯಬೇಕು. ತೀರಾ ಅನಿವಾರ್ಯದ ಪ್ರಕರಣಗಳಲ್ಲಿ ಕೆಲ ವಿನಾಯಿಸಿ ಸಿಗಬಹುದಷ್ಟೇ. ಆದರೆ ಈಗ ಪ್ರಸಕ್ತ ಆಸ್ಟ್ರೇಲಿಯನ್ ಓಪನ್ ಟೂರ್ನಿಯಲ್ಲಿ ನೊವಾಕ್ ಪಾಲ್ಗೊಳ್ಳುವುದು ಬಹುತೇಕ ಅನುಮಾನ ಎಂಬಂತ್ತಾಗಿದೆ. ತಮ್ಮ ವೃತ್ತಿಬದುಕಿನ 10ನೇ ಆಸ್ಟ್ರೇಲಿಯನ್ ಓಪನ್ ಮತ್ತು 21ನೇ ಗ್ರ್ಯಾಂಡ್ ಸ್ಲ್ಯಾಮ್ ಗೆಲುವನ್ನು ಅವರು ಎದುರು ನೋಡುತ್ತಿದ್ದರು.
ಟೂರ್ನಿಯಲ್ಲಿ ಅಗ್ರ ಶ್ರೇಯಾಂಕ ಪಡೆದಿರುವ ನೊವಾಕ್ ಇತ್ತೀಚೆಗೆ ಮೆಲ್ಬೋರ್ನ್ ಪಾರ್ಕ್ನಲ್ಲಿ ಕೆಲ ಗಂಟೆಗಳ ಕಾಲ ಅಭ್ಯಾಸವನ್ನೂ ನಡೆಸಿದ್ದಾರೆ. ಆದರೆ, ವೀಸಾ ತಿರಸ್ಕೃತವಾಗಿರುವುದು ಬರ ಸಿಡಿಲಿನಂತೆ ಬಂದು ಅಪ್ಪಳಿಸಿದ್ದು, ಈ ಸಲುವಾಗಿ ಕಾನೂನು ಹೋರಾಟ ಒಂದೇ ಅವರೆದುರು ಇರುವ ಅಂತಿಮ ಮಾರ್ಗವಾಗಿದೆ.
ಕಳೆದ ಡಿಸೆಂಬರ್ 16ರಂದು ಕೊರೊನಾ ವೈರಸ್ ಸೋಂಕಿನ ಪರೀಕ್ಷಿಯಲ್ಲಿ ಪಾಸಿಟಿವ್ ಫಲಿತಾಂಶ ಬಂದಿದೆ. ಹೀಗಾಗಿ ಈವರೆಗೆ ಲಸಿಕೆ ಪಡೆಯಲು ಸಾಧ್ಯವಾಗಲಿಲ್ಲ ಎಂದು ಕಾರಣ ಕೊಟ್ಟು ಜ.5ರಂದು ಆಸ್ಟ್ರೇಲಿಯಾ ಪ್ರವೇಶಿಸಲು ನೊವಾಕ್ ಪ್ರಯತ್ನ ಮಾಡಿದ್ದರು. ಅವರನ್ನು ಮೆಲ್ಬೋರ್ನ್ ವಿಮಾನ ನಿಲ್ದಾಣದಲ್ಲೇ ತಡೆದು ನಿಲ್ಲಿಸಲಾಗಿತ್ತು. ವೀಸಾ ತಿರಸ್ಕೃತಗೊಂಡ ಕಾರಣ ನೊವಾಕ್ ವಿಮಾನ ನಿಲ್ದಾಣದ ಬಂಧನ ಕೇಂದ್ರದಲ್ಲಿ ನಾಲ್ಕು ರಾತ್ರಿ ಕಳೆಯುವಂತ್ತಾಗಿತ್ತು.
ಅಡಿಲೇಡ್ ಎಟಿಪಿ ಟೂರ್ನಿಯ ಫೈನಲ್ ಪ್ರವೇಶಿಸಿದ ಬೋಪಣ್ಣ ಜೋಡಿ!
ಆಸ್ಟ್ರೇಲಿಯಾದ ಸರಕಾರದ ಪ್ರಕಾರ ತಮ್ಮ ದೇಶಕ್ಕೆ ಆಗಮಿಸುವವರು ಇತ್ತೀಚೆಗೆ ಸೋಂಕಿಗೆ ತುತ್ತಾಗಿದ್ದೇವೆ ಎಂದು ಕಾರಣ ಕೊಟ್ಟು ಲಸಿಕೆ ಪಡೆಯದೇ ಗಡಿ ಒಳಗೆ ಕಾಲಿಡಲು ಅವಕಾಶ ಇಲ್ಲ ಎಂದು ಹೇಳಿದೆ.
ನೊವಾಕ್ ವರ್ತನೆ ಟೀಕಿಸಿದ ಸಿಟ್ಸಿಪಾಸ್
ನೊವಾಕ್ ಅವರ ಈ ಬೇಜವಾಬ್ದಾರಿಯುತ ವರ್ತನೆಯಲ್ಲಿ ಕೆಲ ಹಾಲಿ ಟೆನಿಸ್ ಆಟಗಾರರು ಕೂಡ ಟೀಕಿಸಿದ್ದಾರೆ. ವಿಶ್ವದ 4ನೇ ಶ್ರೇಯಾಂಕಿತ ಆಟಗಾರ ಗ್ರೀಸ್ನ ಸ್ಟೆಫಾನೋಸ್ ಸಿಟ್ಸಿಪಾಸ್, "ನೊವಾಕ್ ತಮ್ಮದೇ ನಿಯಮಗಳೊಂದಿಗೆ ಆಟವಾಡುತ್ತಾರೆ," ಎಂದು ಟೀಕಿಸಿದ್ದಾರೆ.
"ಆಸ್ಟ್ರೇಲಿಯನ್ ಓಪನ್ ಟೂರ್ನಿಯಲ್ಲಿ ಈ ಬಾರಿ ಪಾಲ್ಗೊಂಡಿರುವ ಬಹುತೇಕ ಎಲ್ಲ ಆಟಗಾರರು ಕೂಡ ಲಸಿಕೆ ಪಡೆದಿದ್ದಾರೆ. ಆದರೆ, ಕೆಲವರು ತಮ್ಮದೇ ನಿಯಮಗಳನ್ನು ಅನುಸರಿಸುತ್ತಾರೆ. ಈ ಮೂಲಕ ಲಸಿಕೆ ಪಡೆದ ಬಹುತೇಕರನ್ನು ಮುಟ್ಟಾಳರಂತೆ ಕಾಣುವಂತೆ ಮಾಡುವ ಪ್ರಯತ್ನ ಮಾಡುತ್ತಾರೆ," ಎಂದು ಸಿಟ್ಸಿಪಾಸ್ ಟೀಕಿಸಿದ್ದಾರೆ. 2022ರ ಸಾಲಿನ ಆಸ್ಟ್ರೇಲಿಯನ್ ಓಪನ್ ಜ.17ರಂದು ಶುರುವಾಗಲಿದೆ.