ಸಲಿಂಗ ಸಂಬಂಧ ಬಹಿರಂಗಪಡಿಸಿದ ದುತೀ

ಭುವನೇಶ್ವರ: ಭಾರತದ 100 ಮತ್ತು 200 ಮೀಟರ್‌ ಓಟಗಾರ್ತಿ ದುತೀ ಚಂದ್‌, ತಾವು ತಮ್ಮದೇ ರಾಜ್ಯದ ಹುಡುಗಿಯೊಂದಿಗೆ ಸಲಿಂಗ ಸಂಬಂಧ ಹೊಂದಿರುವುದಾಗಿ ಹೇಳಿಕೊಂಡಿದ್ದಾರೆ. ಒಡಿಶಾ ಮೂಲದ 23 ವರ್ಷದ ದುತೀ 2018ರ ಏಷ್ಯನ್‌ ಗೇಮ್ಸ್‌ನಲ್ಲಿ ಎರಡು ಬೆಳ್ಳಿ ಪದಕ ಜಯಿಸಿದ್ದೂ ಸೇರಿ ಏಷ್ಯಾ ಮಟ್ಟದ ಅನೇಕ ಅಥ್ಲೆಟಿಕ್‌ ಸ್ಪರ್ಧೆಗಳಲ್ಲಿ ಭಾರತವನ್ನು ಪ್ರತಿನಿಧಿಸಿ ಒಟ್ಟು 8 ಪದಕ ಜಯಿಸಿದ್ದಾರೆ. ಭಾನುವಾರ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿದ ದುತೀ, ''ನಾನು ಒಡಿಶಾ ಮೂಲದ ಯುವತಿಯೊಂದಿಗೆ ಸಂಬಂಧ ಹೊಂದಿದ್ದೇನೆ. ಆದರೆ, ಅವರ ಹೆಸರನ್ನು ಬಹಿರಂಗಪಡಿಸಲು ಇಚ್ಚಿಸುವುದಿಲ್ಲ,'' ಎಂದು ಹೇಳಿದ್ದಾರೆ.