ಕ್ಲೇ ಕೋರ್ಟ್‌ಗೆ ಫೆಡರರ್‌

ಮ್ಯಾಡ್ರಿಡ್‌: ಸ್ವಿಸ್‌ ಮಾಸ್ಟರ್‌ ರೋಜರ್‌ ಫೆಡರರ್‌ 2015ರ ಬಳಿಕ ಇದೇ ಮೊದಲ ಬಾರಿ ಮ್ಯಾಡ್ರಿಡ್‌ ಓಪನ್‌ ಟೆನಿಸ್‌ ಟೂರ್ನಿಯಲ್ಲಿ ಆಡುವುದಾಗಿ ಖಾತ್ರಿ ಪಡಿಸಿದ್ದಾರೆ.

ಗಾಯದ ಸಮಸ್ಯೆಗಳಿಂದ ದೂರ ಉಳಿಯಲು 2 ವರ್ಷಗಳಿಂದ ಅವೆ ಮಣ್ಣಿನ ಟೂರ್ನಿಗಳಿಂದ ಸಂಪೂರ್ಣವಾಗಿ ದೂರ ಉಳಿದಿದ್ದ 20 ಗ್ರ್ಯಾನ್‌ ಸ್ಪ್ಯಾಮ್‌ ಸಿಂಗಲ್ಸ್‌ ಪ್ರಶಸ್ತಿಗಳ ಒಡೆಯ ರೋಜರ್‌ ಫೆಡರರ್‌, ಮ್ಯಾಡ್ರಿಡ್‌ನಲ್ಲಿ ಕಣಕ್ಕಿಳಿಯುವ ಮೂಲಕ ಫ್ರೆಂಚ್‌ ಓಪನ್‌ ಗೆಲುವಿನತ್ತ ಕಣ್ಣಿಟ್ಟಿರುವ ಸಂದೇಶ ಸಾರಲು ಮುಂದಾಗಿದ್ದಾರೆ.

2006, 2009 ಮತ್ತು 2012ರಲ್ಲಿ ಮ್ಯಾಡ್ರಿಡ್‌ ಓಪನ್‌ ಗೆದ್ದಿರುವ ರೋಜರ್‌, 2015ರಲ್ಲಿ ಆಸ್ಪ್ರೇಲಿಯಾದ ನಿಕ್‌ ಕಿರಿಯೋಸ್‌ ಎದುರು ಮೊದಲ ಸುತ್ತಿನಲ್ಲೇ ಆಘಾತ ಅನುಭವಿಸಿದ್ದರು. ಮ್ಯಾಡ್ರಿಡ್‌ ಓಪನ್‌ ಮೇ 3ರಿಂದ ಆರಂಭವಾಗಲಿದೆ.