ಫುಟ್ಬಾಲ್‌: ಎಡಿಇ ಎಫ್‌ಸಿಗೆ ಗೆಲುವು

ಬೆಂಗಳೂರು : ಮಣಿ ಮತ್ತು ರಾಜ್‌ಕಿರಣ್‌ ದಾಖಲಿಸಿದ ಗೋಲ್‌ಗಳಿಂದ ಎಡಿಇ ಎಫ್‌ಸಿ ಇಲ್ಲಿ ನಡೆಯುತ್ತಿರುವ ಸೂಪರ್‌ ಡಿವಿಜನ್‌ ತಂಡಗಳ ಫುಟ್ಬಾಲ್‌ ಚಾಂಪಿಯನ್‌ಷಿಪ್‌ನಲ್ಲಿ ಬೆಂಗಳೂರು ಡ್ರೀಮ್‌ ಯುನೈಟೆಡ್‌ ಎಫ್‌ಸಿ ವಿರುದ್ಧ ಏಕಪಕ್ಷೀಯ ಜಯ ಗಳಿಸಿದೆ.

ಅಶೋಕ ನಗರದಲ್ಲಿರುವ ಬೆಂಗಳೂರು ಫುಟ್ಬಾಲ್‌ ಮೈದಾನದಲ್ಲಿ ಶುಕ್ರವಾರ ನಡೆದ ಪಂದ್ಯದಲ್ಲಿ ಎಡಿಇ ತಂಡ 2-0 ಗೋಲ್‌ಗಳಿಂದ ಬೆಂಗಳೂರು ಡ್ರೀಮ್‌ ತಂಡಕ್ಕ ಸೋಲುಣಿಸಿತು. ಎಡಿಇ ಪರ ಮಣಿ (40ನೇ ನಿ.) ಮತ್ತು ರಾಜ್‌ಕಿರಣ್‌ (83ನೇ ನಿ.) ತಲಾ ಒಂದು ಗೋಲ್‌ ಗಳಿಸಿ ಜಯದ ರೂವಾರಿಯೆನಿಸಿದರು. 'ಎ' ಡಿವಿಜನ್‌ ತಂಡಗಳ ಲೀಗ್‌ನಲ್ಲಿ ಡಿವೈಇಎಸ್‌ ಎಫ್‌ಸಿ 3-2 ಗೋಲ್‌ಗಳಿಂದ ಪರಿಕ್ರಮ ಎಫ್‌ಸಿ ವಿರುದ್ಧ ಪ್ರಯಾಸದ ಜಯ ಸಾಧಿಸಿತು. ಪರಿಕ್ರಮ ಪರ ಸುನಿಲ್‌ (67ನೇ ನಿ.) ಮತ್ತು ತಾರುಣ್‌ (78ನೇ ನಿ.) ತಲಾ ಒಂದು ಗೋಲ್‌ ಗಳಿಸಿದರೆ, ಡಿವೈಇಎಸ್‌ ಪರ ಶಿವ (39, 40+1ನೇ ನಿ.) ಎರಡು ಹಾಗೂ ಧೀರಜ್‌(28ನೇ ನಿ.) ಒಂದು ಗೋಲ್‌ ದಾಖಲಿಸಿದರು.