ಭೀಕರ ರಸ್ತೆ ಅಪಘಾತದಲ್ಲಿ ನಾಲ್ವರು ಹಾಕಿ ಆಟಗಾರರ ದುರ್ಮರಣ

ಹೋಶಂಗಬಾದ್ (ಮಧ್ಯ ಪ್ರದೇಶ): ಭೀಕರ ರಸ್ತೆ ಅಪಘಾತವೊಂದರಲ್ಲಿ ನಾಲ್ವರು ಹಾಕಿ ಆಟಗಾರರು ದುರ್ಮರಣಕ್ಕೀಡಾಗಿರುವ ದುಖ:ಕರ ಘಟನೆ ಮಧ್ಯಪ್ರದೇಶದ ಹೋಶಂಗಬಾದ್ ಜಿಲ್ಲೆಯಿಂದ ವರದಿಯಾಗಿದೆ.

ನಿಯಂತ್ರಣ ತಪ್ಪಿದ ಕಾರು ಪಲ್ಟಿ ಹೊಡೆಯುತ್ತಾ ಮರಕ್ಕೆ ಢಿಕ್ಕಿ ಹೊಡೆದ ಪರಿಣಾಮ ದುರಂತ ಸಂಭವಿಸಿದೆ. ಈ ದಾರುಣ ಘಟನೆಯಲ್ಲಿ ನಾಲ್ವರು ಸಾವೀಗೀಡಾಗಿದ್ದು, ಮೂವರು ಪರಿಸ್ಥಿತಿ ಗಂಭೀರವಾಗಿದೆ.

ಸೆಮಿಫೈನಲ್‌ನಲ್ಲಿ ವಿವಾದಾತ್ಮಕ ತೀರ್ಪು; ಕಂಚಿನ ಪದಕಕ್ಕೆ ತೃಪ್ತಿಪಟ್ಟ ಮೇರಿ ಕೋಮ್

ರೈಸಲ್‌ಪುರ ಜಿಲ್ಲೆಯಲ್ಲಿ ರಾಷ್ಟ್ರೀಯ ಹೆದ್ದಾರಿ 69ರಲ್ಲಿ ಸೋಮವಾರ ಬೆಳಗ್ಗಿನ ಜಾವ 7ಕ್ಕೆ ಘಟನೆ ಸಂಭವಿಸಿತ್ತು. ಇವರೆಲ್ಲರೂ ಅಖಿಲ ಭಾರತ ಮೇಜರ್ ಧ್ಯಾನ್ ಚಂದ್ ಟ್ರೋಫಿ ಪಂದ್ಯದಲ್ಲಿ ಆಡಲು ತೆರಳುತ್ತಿದ್ದರು.

ಮುಂಭಾಗದಿಂದ ಬರುತ್ತಿದ್ದ ವಾಹನವನ್ನು ತಪ್ಪಿಸುವ ಸಂದರ್ಭದಲ್ಲಿ ಚಾಲಕನ ನಿಯಂತ್ರಣ ತಪ್ಪಿ ಕಾರು ಪಲ್ಟಿ ಹೊಡೆದು ಮರಕ್ಕೆ ಢಿಕ್ಕಿ ಹೊಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

2 ತಾಸಿನೊಳಗೆ ಮ್ಯಾರಥಾನ್ ಕ್ರಮಿಸಿದ ಎಲ್ಯೂಡ್ ಕಿಪ್ಜೊಜ್ ಐತಿಹಾಸಿಕ ಸಾಧನೆ; ಆದರೂ ವಿಶ್ವ ದಾಖಲೆಯಲ್ಲ!

ಇಟಾರ್ಸಿಯಲ್ಲಿ ಸ್ನೇಹಿತರೊಬ್ಬರ ಹುಟ್ಟುಹಬ್ಬವನ್ನು ಆಚರಿಸಿದ ಬಳಿಕ ಧ್ಯಾನ್ ಚಂದ್ ಟ್ರೋಫಿಯಲ್ಲಿ ಭಾಗವಹಿಸಲು ಹೋಶಂಗಬಾದ್‌ಗೆ ತೆರಳುತ್ತಿದ್ದ ವೇಳೆ ದುರಂತ ಸಂಭವಿಸಿದೆ.

ಮೃತಪಟ್ಟವರನ್ನು ಶಹನವಾಜ್ ಹುಸೇನ್ (ಇಂದೋರ್), ಹರ್ದುವಾ (ಇಟಾರ್ಸಿ), ಆಶಿಶ್ ಲಾಲ್ (ಜಬಲ್‌ಪುರ) ಮತ್ತು ಅನಿಕೇತ್ ವರುಣ್ (ಗ್ವಾಲಿಯರ್) ಎಂದು ಗುರುತಿಸಲಾಗಿದೆ. ಇವೆರಲ್ಲರೂ 18ರಿಂದ 22 ವಯಸ್ಸಿನ ಪ್ರಾಯ ಪರಿಧಿಗೆ ಒಳಪಟ್ಟವರಾಗಿದ್ದಾರೆ.

ಬಿಸಿಸಿಐ ಬಾಸ್ ಆಗಲಿರುವ ದಾದಾ ಏನೆಲ್ಲ ಬದಲಾವಣೆ ತರಲಿದ್ದಾರೆ?

ಗಾಯಾಳುಗಳಾದ ಶಾನ್ ಗ್ಲಾಡ್ವಿನ್ (ಇತಾರ್ಸಿ), ಸಾಹಿಲ್ ಚೌರೆ (ಇತಾರ್ಸಿ) ಮತ್ತು ಅಕ್ಷಯ್ ಅವಸ್ಥಿಗೆ (ಗ್ವಾಲಿಯರ್) ಹತ್ತಿರದ ನರ್ಮದಾ ಅಪ್ನ ಆಸ್ಪತ್ರೆಯೆಲ್ಲಿ ಚಿಕಿತ್ಸೆ ಒದಗಿಸಲಾಗುತ್ತಿದೆ.

ಈ ಎಲ್ಲ ಆಟಗಾರರು ಭೋಪಾಲದಲ್ಲಿರುವ ಮಧ್ಯ ಪ್ರದೇಶ ಹಾಕಿ ಅಕಾಡೆಮಿಗೆ ಸೇರಿದವರಾಗಿದ್ದಾರೆ. ಮಧ್ಯ ಪ್ರದೇಶ ಮುಖ್ಯಮಂತ್ರಿ ಕಮಲ್‌ನಾಥ್ ಸಹ ಸಂತಾಪ ಸೂಚಿಸಿದ್ದು, ಗಾಯಾಳುಗಳಿಗೆ ಸೂಕ್ತ ಚಿಕಿತ್ಸೆ ಒದಗಿಸುವಂತೆ ಅಧಿಕಾರಿಗಳಿಗೆ ಆದೇಶಿಸಿದ್ದಾರೆ.