ಹೊಸದಿಲ್ಲಿ : ಅಬುಧಾಬಿಯಲ್ಲಿ ನಡೆಯುತ್ತಿರುವ 15ನೇ ವಿಶೇಷ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಭಾರತ 50 ಚಿನ್ನ, 63 ಬೆಳ್ಳಿ ಮತ್ತು 75 ಕಂಚು ಸೇರಿದಂತೆ 188 ಪದಕಗಳನ್ನು ಮಡಿಲಿಗೆ ಹಾಕಿಕೊಂಡಿದೆ. ಟೇಬಲ್ ಟೆನಿಸ್ ವಿಭಾಗದಲ್ಲಿ ಇತಿಹಾಸ ನಿರ್ಮಿಸಿದ ಭಾರತೀಯ ಸ್ಪರ್ಧಿಗಳು ನಾಲ್ಕು ಚಿನ್ನ ಮತ್ತು ಒಂದು ಬೆಳ್ಳಿ ಪದಕ ಜಯಿಸಿದ್ದಾರೆ. ತಮ್ಮ ಶಿಷ್ಯರ ಸಾಧನೆಗೆ ಹರ್ಷ ವ್ಯಕ್ತಪಡಿಸಿರುವ ಕೋಚ್ ಶೀತಲ್ ನೇಗಿ, ''ಅಬುಧಾಬಿಯಲ್ಲಿ ಕೂಟ ಆರಂಭಕ್ಕೂ ಮುನ್ನ ಆಟಗಾರರಿಗೆ ಗುರುಗ್ರಾಮ, ಜೋಧ್ಪುರ, ಹರಿಯಾಣ ಮತ್ತು ಮುಂಬಯಿ ಸೇರಿದಂತೆ ನಾಲ್ಕು ಕಡೆ ಪೂರ್ವ ಸಿದ್ಧತಾ ಶಿಬಿರ ಆಯೋಜಿಸಲಾಗಿತ್ತು. ಹೀಗಾಗಿ ಉತ್ತಮ ಸಾಧನೆ ಹೊರಬಂದಿದೆ,'' ಎಂದಿದ್ದಾರೆ. ಭಾರತದಿಂದ 378 ಸ್ಪರ್ಧಿಗಳು ಪಾಲ್ಗೊಂಡಿದ್ದರು. ನಾಳೆ ಕ್ರೀಡಾಕೂಟದ ಕೊನೆಯ ದಿನ.
ವಿಶೇಷ ಒಲಿಂಪಿಕ್ಸ್: ಭಾರತಕ್ಕೆ 188 ಪದಕ
ಅಬುಧಾಬಿಯಲ್ಲಿ ನಡೆಯುತ್ತಿರುವ 15ನೇ ವಿಶೇಷ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಭಾರತ 50 ಚಿನ್ನ, 63 ಬೆಳ್ಳಿ ಮತ್ತು 75 ಕಂಚು ಸೇರಿದಂತೆ 188 ಪದಕಗಳನ್ನು ಮಡಿಲಿಗೆ ಹಾಕಿಕೊಂಡಿದೆ.
Agencies 20 Mar 2019, 5:00 am