ಬಾಕ್ಸಿಂಗ್‌; ಭಾರತಕ್ಕೆ 1 ಚಿನ್ನ ಸಹಿತ 9 ಪದಕ

ಹೊಸದಿಲ್ಲಿ: ಭಾರತದ ಮಂದೀಪ್‌ ಜಾಂಗ್ರಾ ಮಂಗೋಲಿಯಾದ ರಾಜಧಾನಿ ಉಲಾನ್‌ಬಾತರ್‌ ಕಪ್‌ ಬಾಕ್ಸಿಂಗ್‌ ಟೂರ್ನಿಯ ಪುರುಷರ 69 ಕೆಜಿ ವಿಭಾಗದಲ್ಲಿ ಸ್ವರ್ಣ ಪದಕ ಜಯಿಸಿದ್ದಾರೆ. ಜಾಂಗ್ರಾ ಅವರ ಸ್ವರ್ಣ ಸೇರಿದಂತೆ ಭಾರತ ಒಟ್ಟು 9 ಪದಕಗಳನ್ನು ಬಗಲಿಗೆ ಹಾಕಿಕೊಂಡಿದೆ.

ಸೋನಿಯಾ ಲಾಥರ್‌(57ಕೆಜಿ), ಲೊವ್ಲಿನಾ ಬೊರ್ಗೊಹೈನ್‌(69ಕೆಜಿ), ಹಿಮಾನ್ಶು ಶರ್ಮಾ(49ಕೆಜಿ) ಮತ್ತು ಈತಾಶ್‌ ಖಾನ್‌(57ಕೆಜಿ) ಫೈನಲ್‌ನಲ್ಲಿ ಕ್ರಮವಾಗಿ ತಮ್ಮ ಎದುರಾಳಿಗಳ ವಿರುದ್ಧ ಸೋತು ಬೆಳ್ಳಿ ಪದಕ ಜಯಿಸಿದ್ದಾರೆ.

ಇದರೊಂದಿಗೆ ಭಾರತ ಒಂದು ಸ್ವರ್ಣ, ನಾಲ್ಕು ಬೆಳ್ಳಿ ಮತ್ತು ನಾಲ್ಕು ಕಂಚಿನೊಂದಿಗೆ ತನ್ನ ಹೋರಾಟ ಕೊನೆಗೊಳಿಸಿದೆ. ಭಾರತೀಯ ಬಾಕ್ಸರ್‌ಗಳ ಸಾಧನೆ ಕುರಿತು ಪ್ರತಿಕ್ರಿಯಿಸಿದ ಪುರುಷರ ಕೋಚ್‌ ಜೈದೇವ್‌ ಬಿಷ್ಟ್‌ ಇದೊಂದು ಅತ್ಯಾದ್ಬುತ ಪ್ರದರ್ಶನವಾಗಿತ್ತು. ಫೈನಲ್‌ ಪ್ರವೇಶಿಸಿದ್ದ ಎಲ್ಲರು ಅಮೋಘ ಪ್ರದರ್ಶನ ನೀಡಿದರು. ಇವರಲ್ಲದೆ ಸೆಮಿಫೈನಲ್‌ನಲ್ಲಿ ಸೋತವರೂ ಗಮನ ಸೆಳೆದರು. ಯಾರ ವಿರುದ್ಧವು ನಾನು ಯಾವುದೇ ದೂರು ನೀಡುವುದಿಲ್ಲ ಎಂದಿದ್ದಾರೆ.