ಹಾಕಿ: ಕೊರಿಯಾಗೆ ಶರಣಾದ ಭಾರತ

ಜಿಂಚಿಯಾನ್‌ : ಭಾರತದ ಮಹಿಳಾ ಹಾಕಿ ತಂಡ ದಕ್ಷಿಣ ಕೊರಿಯಾ ವಿರುದ್ಧದ ದ್ವಿಪಕ್ಷೀಯ ಹಾಕಿ ಸರಣಿಯ 3ನೇ ಹಾಗೂ ಕೊನೆಯ ಪಂದ್ಯದಲ್ಲಿ ಸೋತಿದೆ. ಆದರೆ, ಇದರಿಂದ ರಾಣಿ ರಾಂಪಾಲ್‌ ನೇತೃತ್ವದ ಭಾರತ ತಂಡದ ಸರಣಿ ಗೆಲುವಿಗೇನೂ ಅಡ್ಡಿಯಾಗಲಿಲ್ಲ. ಇದಕ್ಕೂ ಮೊದಲು ನಡೆದ 2 ಪಂದ್ಯಗಳಲ್ಲಿ ಭಾರತ ಗೆದ್ದಿತ್ತು.

ಆತಿಥೇಯ ದಕ್ಷಿಣ ಕೊರಿಯಾ ತಂಡ ಶುಕ್ರವಾರ ನಡೆದ 3ನೇ ಪಂದ್ಯದಲ್ಲಿ ಭಾರತ ತಂಡವನ್ನು 4-0 ಗೋಲ್‌ಗಳ ಅಂತರದಿಂದ ಹಿಮ್ಮೆಟ್ಟಿಸಿ ಸರಣಿ ಸೋಲಿನ ಅಂತರವನ್ನು 1-2ಕ್ಕೆ ತಗ್ಗಿಸಿಕೊಂಡಿತು. ರಾಣಿ ರಾಂಪಾಲ್‌ ಬಳಗ ಪಂದ್ಯದ ಆರಂಭದಿಂದಲೇ ಆತಿಥೇಯರ ದಾಳಿಗೆ ತುತ್ತಾಯಿತು. ಪ್ರವಾಸಿ ತಂಡದ ನಿರ್ಲಕ್ಷ ್ಯ ಮನೋಭಾವ ಮತ್ತು ರಕ್ಷ ಣಾ ನ್ಯೂನತೆಗಳನ್ನು ಸಮರ್ಥವಾಗಿ ಬಳಸಿಕೊಂಡ ಕೊರಿಯಾ 29, 41, 41 ಮತ್ತು 53ನೇ ನಿಮಿಷದಲ್ಲಿ 4 ಗೋಲ್‌ ಬಾರಿಸಿತು.