ISL ಮತ್ತೊಮ್ಮೆ ಫೈನಲ್; ಬೆಂಗಳೂರಿಗೆ ಚೊಚ್ಚಲ ಕಿರೀಟ ಗುರಿ

ಮುಂಬಯಿ: ಇಂಡಿಯನ್ ಸೂಪರ್ ಲೀಗ್ ಫುಟ್ಬಾಲ್ ಚಾಂಪಿಯನ್‌ಶಿಪ್‌ನಲ್ಲಿ ಸತತ ಎರಡನೇ ಬಾರಿಗೆ ಫೈನಲ್‌ಗೆ ಪ್ರವೇಶಿಸಿರುವ ಬೆಂಗಳೂರು ಎಫ್‌ಸಿ, ಚೊಚ್ಚಲ ಕಿರೀಟವನ್ನು ಎದುರು ನೋಡುತ್ತಿದೆ.

2018ನೇ ಸಾಲಿನಲ್ಲಿ ಬೆಂಗಳೂರು ರನ್ನರ್ ಅಪ್ ಪ್ರಶಸ್ತಿಯನ್ನು ಪಡೆದಿತ್ತು. ಇದೀಗ ಸುನಿಲ್ ಛೆತ್ರಿ ಮುಂದಾಳತ್ವದಲ್ಲಿ ಮತ್ತೊಮ್ಮೆ ಫೈನಲ್ ಪ್ರವೇಶಿಸಿದ್ದು, ಇತಿಹಾಸದ ಹೊಸ್ತಿಲಲ್ಲಿದೆ.

ಭಾನುವಾರ ನಡೆಯಲಿರುವ ರೋಚಕ ಫೈನಲ್‌ನಲ್ಲಿ ಗೋವಾ ಎಫ್‌ಸಿ ಸವಾಲನ್ನು ಬಿಎಫ್‌ಸಿ ಎದುರಿಸಲಿದೆ. 2015ನೇ ಸಾಲಿನಲ್ಲಿ ಗೋವಾ ಪ್ರಶಸ್ತಿಯನ್ನು ಗೆದ್ದಿತ್ತು.

ಇಲ್ಲಿ ಗಮನಾರ್ಹ ಅಂಶವೆಂದರೆ ಇತ್ತಂಡಗಳು ಫೈನಲ್‌ನಲ್ಲಿ ಚೆನ್ನೈಯಿನ್ ಎಫ್‌ಸಿ ವಿರುದ್ಧವೇ ಸೋಲು ಅನುಭವಿಸಿತ್ತು. ಆದರೆ ಈ ಬಾರಿ ಇತ್ತಂಡಗಳಲ್ಲಿ ಯಾವುದಾದರೂ ಒಂದು ತಂಡ ಚೊಚ್ಚಲ ಕಿರೀಟ ಧರಿಸಲಿದೆ ಎಂಬುದರಲ್ಲಿ ಸಂಶಯವೇ ಇಲ್ಲ.

ನಾಯಕ ಛೆತ್ರಿ ಜತೆಗೆ ವೆನೆಜುವೆಲಾ ಆಟಗಾರ ಮಿಕು ಹಾಗೂ ಉದಾಂತ ಸಿಂಗ್ ಬೆಂಗಳೂರು ಪಾಲಿಗೆ ನೆಚ್ಚಿನ ಆಟಗಾರರಾಗಿದ್ದಾರೆ. ಗೋಲ್‌ಕೀಪರ್ ಗುರ್‌ಪ್ರೀತ್ ಸಿಂಗ್ ಸಂಧು ನಿರ್ವಹಣೆ ಸಹ ನಿರ್ಣಾಯಕವೆನಿಸಲಿದೆ.