ಚಿನ್ನ ಗೆದ್ದ 102 ವರ್ಷದ ಅಜ್ಜಿಗೆ ಅಭಿನಂದನೆಗಳ ಮಹಾಪೂರ

ಸ್ಪೇನ್‌: ವಯಸ್ಸು ಎಂಬುದು ಕೇವಲ ಸಂಖ್ಯೆಯಷ್ಟೇ ಎಂಬುದನ್ನು ಈ ವರ್ಷವೂ ಸಾಭೀತು ಪಡಿಸಿದ್ದಾರೆ ಭಾರತದ ಹಿರಿಯ ಓಟಗಾರ್ತಿ ಮನ್‌ ಕೌರ್‌.

ಪಂಜಾಬ್‌ನ ಪಟಿಯಾಲದವರಾದ 102 ವರ್ಷದ ಮನ್‌ ಕೌರ್‌ ಸ್ಪೇನ್‌ನ ಮಲಗದಲ್ಲಿ ನಡೆಯುತ್ತಿರುವ ವಿಶ್ವ ಮಾಸ್ಟರ್ಸ್‌ ಅಥ್ಲೇಟಿಕ್ಸ್‌ ಚಾಂಪಿಯನ್‌ಶಿಪ್‌ನಲ್ಲಿ ಚಿನ್ನ ಗೆದ್ದಿದ್ದಾರೆ. ಕಳೆದ ವರ್ಷ ನ್ಯೂಜಿಲ್ಯಾಂಡ್‌ನಲ್ಲಿ ನಡೆದ ವಿಶ್ವ ಮಾಸ್ಟರ್ಸ್‌ ಗೇಮ್ಸ್‌ನಲ್ಲೂ ಚಿನ್ನ ಗೆದ್ದಿದ್ದರು. ಅಜ್ಜಿಯ ಸಾಧನೆಗೆ ಫಿದಾ ಆದ ನೆಟ್ಟಿಗರು ಸಾಮಾಜಿಕ ತಾಣಗಳಲ್ಲಿ ಅಭಿನಂದನೆಗಳ ಮಹಾಪೂರವನ್ನೇ ಹರಿಸುತ್ತಿದ್ದಾರೆ.

100-104 ವರ್ಷ ವಯೋಮಿತಿಯ 200 ಮೀಟರ್‌ ಓಟದ ಸ್ಪರ್ಧೆಯಲ್ಲಿ ಮನ್‌ ಕೌರ್‌ ಭಾರತಕ್ಕೆ ಚಿನ್ನ ಗೆದ್ದು ಕೊಟ್ಟಿದ್ದಾರೆ.

ಮನ್‌ ಕೌರ್‌ ಓಡಲು ಆರಂಭಿಸಿದ್ದು 93ನೇ ವಯಸ್ಸಿನಲ್ಲಿ. ಮೊದಲ ಬಾರಿಗೆ ಓಡಿದಾಗ 1 ನಿಮಿಷ ಮತ್ತು 1 ಸೆಕೆಂಡ್‌ನಲ್ಲಿ 100 ಮೀಟರ್‌ ಪೂರೈಸಿದ್ದರಂತೆ. ಮನ್‌ ಕೌರ್‌ಗೆ ಸ್ಫೂರ್ತಿ ತುಂಬುತ್ತಿರುವುದು 78 ವರ್ಷದ ಮಗ ಗುರು ದೇವ್‌. ಇವರೂ ವಿಶ್ವ ಮಾಸ್ಟರ್‌ ಗೇಮ್‌ನಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ.