ಬಾಕ್ಸಿಂಗ್ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ 8ನೇ ಪದಕ ಖಚಿತಪಡಿಸಿದ ಮೇರಿ ಕೋಮ್ ಐತಿಹಾಸಿಕ ಸಾಧನೆ

ಉಲಾನ್ ಉಡೆ (ರಷ್ಯಾ): ಆರು ಬಾರಿಯ ವಿಶ್ವ ಚಾಂಪಿಯನ್ ಮೇರಿ ಕೋಮ್, ಮಹಿಳಾ ಬಾಕ್ಸಿಂಗ್ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಸೆಮಿಫೈನಲ್‌ಗೇರಿದ ಸಾಧನೆ ಮಾಡಿದ್ದಾರೆ. ಇದರೊಂದಿಗೆ ಪದಕವೊಂದನ್ನು ಖಚಿತಪಡಿಸಿದ್ದಾರೆ. ಈ ಮೂಲಕ ಮಹಿಳಾ ಬಾಕ್ಸಿಂಗ್ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಎಂಟು ಪದಕಗಳನ್ನು ಗೆದ್ದಿರುವ ಏಕೈಕ ಬಾಕ್ಸಿಂಗ್ ಪಟು ಎಂಬ ಹಿರಿಮೆಗೆ ಭಾಜನವಾಗಿದ್ದಾರೆ.

ಮಹಿಳೆಯರ 51 ಕೆ.ಜಿ ಫ್ಲೈವೇಟ್ ವಿಭಾಗದಲ್ಲಿ ಮೇರಿ ಕೋಮ್, ಅಂತಿಮ ನಾಲ್ಕರ ಘಟ್ಟವನ್ನು ಪ್ರವೇಶಿಸಿದ್ದಾರೆ. ಈ ಮೂಲಕ 51 ಕೆ.ಜಿ ಫ್ಲೇವೇಟ್ ವಿಭಾಗದಲ್ಲೂ ಮೊದಲ ಪದಕ ಖಚಿತಪಡಿಸಿದ್ದಾರೆ.

ನರೇಂದ್ರ ಮೋದಿ ಬಳಿಕ ದೇಶದಲ್ಲಿ ಅತಿ ಹೆಚ್ಚು ಪ್ರೀತಿಸುವ ವ್ಯಕ್ತಿ ಯಾರು ಗೊತ್ತಾ?

ಈ ಮೂಲಕ ತಮ್ಮದೇ ದಾಖಲೆಯನ್ನು ಉತ್ತಮಪಡಿಸಿದ್ದಾರೆ. ಮೇರಿ ಕೋಮ್ ಮಹಿಳಾ ಬಾಕ್ಸಿಂಗ್ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಇದುವರೆಗೆ ಆರು ಚಿನ್ನ ಹಾಗೂ ಕಂಚಿನ ಪದಕವನ್ನು ಗೆದ್ದಿದ್ದಾರೆ. ಇದೀಗ ಮಗದೊಂದು ಪದಕ ಖಚಿತಪಡಿಸುವ ಮೂಲಕ ಬಾಕ್ಸಿಂಗ್ ಇತಿಹಾಸದಲ್ಲೇ ಸಾರ್ವಕಾಲಿಕ ಶ್ರೇಷ್ಠ ಬಾಕ್ಸರ್ ಎಂಬುದನ್ನು ನಿರೂಪಿಸಿದ್ದಾರೆ.

ಕೊಲಂಬಿಯಾದ ವಲೆನ್ಸಿಯಾ ವಿಕ್ಟೋರಿಯಾ ವಿರುದ್ದ 5-0 ಅಂತರದ ಗೆಲುವು ದಾಖಲಿಸಿರುವ 36ರ ಹರೆಯದ ಮೇರಿ ಕೋಮ್, ಐತಿಹಾಸಿಕ ಸಾಧನೆ ಮೆರೆದರು.

ಒಲಿಂಪಿಕ್‌ ಬಳಿಕ ನಿವೃತ್ತಿ : ಮೇರಿ ಕೋಂ

ಟೂರ್ನಿಯಲ್ಲಿ ಮೂರನೇ ಶ್ರೇಯಾಂಕ ಪಡೆದಿರುವ ಮೇರಿ ಕೋಮ್, ಭರ್ಜರಿ ಫಾರ್ಮ್ ಮುಂದುವರಿಸಿ ಎದುರಾಳಿಗೆ ಯಾವುದೇ ಅವಕಾಶವನ್ನು ನೀಡಲಿಲ್ಲ. ಇದೀಗ ಶನಿವಾರ ನಡೆಯಲಿರುವ ಸಮಿಫೈನಲ್ ಮುಖಾಮುಖಿಯಲ್ಲಿ ಯುರೋಪಿಯನ್ ಚಾಂಪಿಯನ್‌ಶಿಪ್ ಹಾಗೂ ಯುರೋಪಿಯನ್ ಗೇಮ್ಸ್ ಚಿನ್ನದ ಪದಕದಾರಿ ಎರಡನೇ ಶ್ರೇಯಾಂಕಿತೆ ಟರ್ಕ್ ಬುಸೆನಾಜ್ ಕ್ಯಾಕಿರೊಗ್ಲು ಸವಾಲನ್ನು ಎದುರಿಸಲಿದ್ದಾರೆ .

ಅಜರುದ್ದೀನ್‌ ಪುತ್ರನ ವರಿಸಲಿರುವ ಸಾನಿಯಾ ಮಿರ್ಜಾ ತಂಗಿ

ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಮೇರಿ ಚಿನ್ನ ಸಾಧನೆಗಳು:
2002 ಅಂಟಲ್ಯ, ವಿಭಾಗ: ಪಿನ್‌ವೇಟ್
2005 ಪೊಡೊಲ್ಸ್ಕ್, ವಿಭಾಗ: ಪಿನ್‌ವೇಟ್
2006 ಹೊಸದಿಲ್ಲಿ, ವಿಭಾಗ: ಪಿನ್‌ವೇಟ್
2008 ನಿಂಗ್ಬೊ ಸಿಟಿ, ವಿಭಾಗ: ಪಿನ್‌ವೇಟ್
2010 ಬ್ರಿಡ್ಜ್‌ಟೌನ್, ವಿಭಾಗ: ಲೈಟ್ ಫ್ಲೈ‌ವೇಟ್
2018 ಹೊಸದಿಲ್ಲಿ, ವಿಭಾಗ: ಲೈಟ್ ಫ್ಲೈ‌ವೇಟ್
2019 ಉಲಾನ್ ಉಡೆ, ವಿಭಾಗ: ಫ್ಲೈ‌ವೇಟ್ (ಕಂಚಿನ ಪದಕ ಖಚಿತ)

ವರ್ಲ್ಡ್ ಅಮೆಚೂರ್ ಬಾಕ್ಸಿಂಗ್ ಚಾಂಪಿಯನ್‌ಶಿಪ್‌ನಲ್ಲಿ ಆರು ಬಾರಿ ಚಿನ್ನ ಗೆದ್ದಿರುವ ಮೇರಿ ಕೋಮ್, 2014ರ ಏಷ್ಯನ್ ಗೇಮ್ಸ್‌ನಲ್ಲಿ ಸ್ವರ್ಣ ಸಾಧನೆ ಬರೆದಿದ್ದರು.