ದಾಖಲೆಯ 10ನೇ ಬಾರಿಗೆ ಫ್ರೆಂಚ್ ಓಪನ್ ಗೆದ್ದ ನಡಾಲ್

ಪ್ಯಾರಿಸ್: ಇಲ್ಲಿನ ರೋಲ್ಯಾಂಡ್ ಗ್ಯಾರೋಸ್ ಮೈದಾನದಲ್ಲಿ ನಡೆದ ಫ್ರೆಂಚ್ ಓಪನ್ ಗ್ರ್ಯಾನ್ ಸ್ಲ್ಯಾಮ್ ಟೆನಿಸ್ ಟೂರ್ನಮೆಂಟ್‌ನಲ್ಲಿ ಸ್ಪೇನ್‌ನ ರಾಫೆಲ್ ನಡಾಲ್ ಜಯಭೇರಿ ಬಾರಿಸಿದ್ದಾರೆ.

ಭಾನುವಾರ ನಡೆದ ಫೈನಲ್ ಪಂದ್ಯದಲ್ಲಿ ಎದುರಾಳಿ ಸ್ವಿಜರ್ಲೆಂಡ್‌ನ ಸ್ಟಾನ್ ವಾವ್‌ರಿಂಕಾ ವಿರುದ್ಧ ಸುಲಭ ಗೆಲುವು ದಾಖಲಿಸಿದ ನಡಾಲ್, ದಾಖಲೆಯ 10ನೇ ಬಾರಿಗೆ ಫ್ರೆಂಚ್ ಓಪನ್ ಕಿರೀಟಕ್ಕೆ ಮುತ್ತಿಕ್ಕಿದರು.

ಒಟ್ಟಿನಲ್ಲಿ ನಡಾಲ್ ಇದು ತನ್ನ ವೃತ್ತಿ ಜೀವನದಲ್ಲಿ ಗೆಲ್ಲುತ್ತಿರುವ 15ನೇ ಗ್ರ್ಯಾನ್ ಸ್ಲ್ಯಾಮ್ ಪ್ರಶಸ್ತಿಯಾಗಿದೆ.

ಆವೆಯಂಗಣದಲ್ಲಿ ಸದಾ ಕಬ್ಬಿಣದ ಕಡಲೆಯಾಗಿರುವ ನಡಾಲ್ ಫೈನಲ್ ಮುಖಾಮುಖಿಯಲ್ಲಿ ವಾವ್‌ರಿಂಕಾ ವಿರುದ್ಧ 6-2, 6-3, 6-1 ರ ನೇರ ಅಂತರದಲ್ಲಿ ಗೆಲುವು ದಾಖಲಿಸುವ ಮೂಲಕ ಇತಿಹಾಸ ರಚಿಸಿದರು.

ಸದಾ ಗಾಯದ ಸಮಸ್ಯೆಯಿಂದ ನರಳಾಡುತ್ತಿರುವ ನಡಾಲ್ ಫ್ರೆಂಚ್ ಓಪನ್‌ಗೆ ನಡೆಸಿದ ಸಿದ್ಧತೆ ಅದ್ಭುತವಾಗಿತ್ತು. ಒಟ್ಟಿನಲ್ಲಿ 22ನೇ ಬಾರಿಗೆ ಗ್ರ್ಯಾನ್ ಸ್ಲ್ಯಾಮ್ ಫೈನಲ್ ಆಡಿದ ಸಾಧನೆ ಮಾಡಿದ್ದಾರೆ.

ನಡಾಲ್ ಈಗ ಅತಿ ಹೆಚ್ಚು ಗ್ರ್ಯಾನ್ ಸ್ಲ್ಯಾಮ್ ವಿಜೇತರ ಸಾಲಿನಲ್ಲಿ ಸ್ವಿಜರ್ಲೆಂಡ್‌ನ ರೋಜರ್ ಫೆಡರರ್ ಅವರಿಗಿಂತಲೂ ಕೇವಲ ಪ್ರಶಸ್ತಿಗಳ ಹಿನ್ನಡೆಯಲ್ಲಿದ್ದಾರೆ.