ಇಂದು ಆಲ್‌ಸ್ಟಾರ್‌ ಕಬಡ್ಡಿ ಪಂದ್ಯ

ಬೆಂಗಳೂರು : ಪ್ರೊ ಕಬಡ್ಡಿ ಲೀಗ್‌ನ ಏಳನೇ ಆವೃತ್ತಿ ಆರಂಭಗೊಳ್ಳುವುದಕ್ಕೆ ಇನ್ನೊಂದು ವಾರವಷ್ಟೇ ಬಾಕಿ ಉಳಿದಿದ್ದು, ಅದಕ್ಕೂ ಮುನ್ನ ಇಂದು ಹೈದರಾಬಾದ್‌ನ ಗಚ್ಚಿಬೌಲಿ ಕ್ರೀಡಾಂಗಣದಲ್ಲಿ ಅಜಯ್‌ ಠಾಕೂರ್‌ ನಾಯಕತ್ವದ ಇಂಡಿಯನ್‌ ಸೆವೆನ್‌ ಮತ್ತು ಇರಾನಿನ ಫಜಲ್‌ ಅತ್ರಾಚಲಿ ಮುಂದಾಳತ್ವದ ವರ್ಲ್ಡ್‌ ಸೆವೆನ್‌ ತಂಡಗಳ ನಡುವೆ ಪಿಕೆಎಲ್‌-ಆಲ್‌ ಸ್ಟಾರ್‌ ಕಬಡ್ಡಿ ಪಂದ್ಯ ನಡೆಯಲಿದೆ.

ಪಿಕೆಎಲ್‌ನ 7ನೇ ಆವೃತ್ತಿ ಜುಲೈ 20ರಂದು ಹೈದರಾಬಾದ್‌ನಲ್ಲಿ ಆರಂಭವಾಗಲಿದ್ದು, ಉದ್ಘಾಟನಾ ಪಂದ್ಯದಲ್ಲಿ ತೆಲುಗು ಟೈಟನ್ಸ್‌ ಮತ್ತು ಯು ಮುಂಬಾ ತಂಡಗಳು ಸೆಣಸಾಡಲಿವೆ. ಈ ಬಾರಿ ಮೊದಲ ಪಂದ್ಯಗಳು ರಾತ್ರಿ 7.30ಕ್ಕೆ ಆರಂಭವಾಗಲಿವೆ.