ಭಾರತ ವಿಶ್ವಕಪ್‌ ಗೆಲ್ಲುವ ಫೇವರಿಟ್‌: ಪಾಂಟಿಂಗ್‌

ಮೆಲ್ಬೋರ್ನ್‌ : ಪ್ರಸ್ತುತ ಫಾರ್ಮ್‌ ಪರಿಗಣಿಸಿದರೆ ಭಾರತ ಮತ್ತು ಇಂಗ್ಲೆಂಡ್‌ ತಂಡಗಳು ಮುಂಬರುವ ವಿಶ್ವಕಪ್‌ ಗೆಲ್ಲುವ ಫೇವರಿಟ್‌ ತಂಡಗಳಾಗಿವೆ ಎಂದು ಆಸ್ಪ್ರೇಲಿಯಾ ತಂಡದ ಮಾಜಿ ನಾಯಕ ರಿಕಿ ಪಾಂಟಿಂಗ್‌ ಅಭಿಪ್ರಾಯಪಟ್ಟಿದ್ದಾರೆ. ಜತೆಗೆ ಆಸ್ಪ್ರೇಲಿಯಾ ತಂಡ ಸಹ 2015ರ ಪ್ರಶಸ್ತಿ ಉಳಿಸಿಕೊಳ್ಳುವ ಸಾಮರ್ಥ್ಯ‌ ಹೊಂದಿದೆ ಎಂದಿದ್ದಾರೆ.

ಅಮಾನತಿನಲ್ಲಿರುವ ಬ್ಯಾಟ್ಸ್‌ಮನ್‌ಗಳಾದ ಸ್ಟೀವನ್‌ ಸ್ಮಿತ್‌ ಮತ್ತು ಡೇವಿಡ್‌ ವಾರ್ನರ್‌ ತಂಡಕ್ಕೆ ಮರಳಿದರೆ, ಆಸ್ಪ್ರೇಲಿಯಾ ಪ್ರಶಸ್ತಿ ಗೆಲ್ಲುವ ಅವಕಾಶವಿದೆ ಎಂದು ಪಾಂಟಿಂಗ್‌ ಹೇಳಿದ್ದಾರೆ. ಇಂಗ್ಲೆಂಡ್‌ನಲ್ಲಿ ಮೇ 30ರಂದು ಟೂರ್ನಿ ಆರಂಭವಾಗಲಿದೆ.''ಸದ್ಯದ ಸ್ಥಿತಿಯಲ್ಲಿ ಭಾರತ ಮತ್ತು ಇಂಗ್ಲೆಂಡ್‌ ತಂಡಗಳು ಪ್ರಶಸ್ತಿ ಗೆಲ್ಲುವ ಸಂಭಾವ್ಯ ತಂಡಗಳಾಗಿವೆ. ಆದರೆ ವಾರ್ನರ್‌ ಮತ್ತು ಸ್ಮಿತ್‌ ಆಸೀಸ್‌ ತಂಡಕ್ಕೆ ಮರಳಿದರೆ ಆಸ್ಪ್ರೇಲಿಯಾ ಯಾವುದೇ ತಂಡವನ್ನು ಸೋಲಿಸುವ ಬಲ ಹೊಂದಲಿದೆ,''ಎಂದು ಪಾಂಟಿಂಗ್‌ ಕ್ರಿಕೆಟ್‌ ಆಸ್ಪ್ರೇಲಿಯಾ ವೆಬ್‌ಸೈಟ್‌ ಒಂದಕ್ಕೆ ಹೇಳಿದ್ದಾರೆ.