ಪ್ರೊ ಕಬಡ್ಡಿ ಲೀಗ್‌: ಸೋಷಿಯಲ್‌ ಮೀಡಿಯಾಗಳಲ್ಲಿ ಹೊಸ ದಾಖಲೆ ಬರೆದ ಬೆಂಗಳೂರು ಬುಲ್ಸ್‌!

ಹೊಸದಿಲ್ಲಿ: ಹಾಲಿ ಚಾಂಪಿಯನ್ಸ್‌ ಬೆಂಗಳೂರು ಬುಲ್ಸ್‌ ತಂಡ ಪ್ರೋ ಕಬಡ್ಡಿ ಲೀಗ್‌ನ ಉಳಿದೆಲ್ಲಾ ತಂಡಗಳಿಗಿಂತಲೂ ಸೋಷಿಯಲ್‌ ಮೀಡಿಯಾದಲ್ಲಿ ಅತ್ಯಂತ ಜನಪ್ರಿಯ ತಂಡವಾಗಿ ಹೊರಹೊಮ್ಮುವ ಮೂಲಕ ಹೊಸ ದಾಖಲೆ ಬರೆದಿದೆ.

ಎಲ್ಲಾ ಮಾದರಿಯ ಸೋಷಿಯಲ್‌ ಮೀಡಿಯಾಗಳಲ್ಲಿ ಬೆಂಗಳೂರು ಬುಲ್ಸ್‌ ತಂಡದ ಕುರಿತಾಗಿ 2019ರಲ್ಲಿ ಸರಾಸರಿ 84,347 ಬಾರಿ ಹುಡುಕಾಟ ನಡೆಸಲಾಗಿದೆ. ಆದರೆ, ಪ್ರತ್ಯೇಕ ಆಟಗಾರರ ಹುಡುಕಾಟದಲ್ಲಿ ಪಟನಾ ಪೈರೇಟ್ಸ್‌ ತಂಡದ ಸ್ಟಾರ್‌ ರೇಡರ್‌ ಪರ್ದೀಪ್‌ ನರ್ವಾಲ್‌ ಅತ್ಯಂತ ಜನಪ್ರಿಯ ಆಟಗಾರನಾಗಿ ಹೊರಹೊಮ್ಮಿದ್ದಾರೆ.

ಟೀಮ್‌ ಇಂಡಿಯಾ ವಿರುದ್ಧ 9 ವಿಕೆಟ್‌ ಭರ್ಜರಿ ಗೆಲುವಿನ ರಹಸ್ಯ ಬಿಚ್ಚಿಟ್ಟ ಕ್ವಿಟಂನ್‌ ಡಿ'ಕಾಕ್‌!

ಪರ್ದೀಪ್‌ ನರ್ವಾಲ್‌ ಅವರ ಕುರಿತಾಗಿ ಕಳೆದ ವರ್ಷ ಸೋಷಿಯಲ್‌ ಮೀಡಿಯಾಗಳಲ್ಲಿ 37,292 ಬಾರಿ ಹುಡುಕಾಟ ನಡೆದರೆ, ಈ ವರ್ಷ 30,814 ಬಾರಿ ಹುಡುಕಾಟ ನಡೆದಿದೆ ಎಂದು ಆನ್‌ಲೈನ್‌ ಕಂಟೆಂಟ್‌ ಮಾರ್ಕೆಟಿಂಗ್‌ ಸಂಸ್ಥೆಯಾದ ಎಸ್‌ಇಎಮ್‌ರಷ್‌ ತನ್ನ ಅಧ್ಯಯನದಲ್ಲಿ ತಿಳಿಸಿದೆ.

ಪರ್ದೀಪ್‌ ನರ್ವಾಲ್‌ ಅವರ ಬಳಿಕ ಅತಿ ಹೆಚ್ಚು ಹುಡುಕಲ್ಪಟ್ಟ ಆಟಗಾರ ತೆಲುಗು ಟೈಟನ್ಸ್‌ ತಂಡದ ಯುವ ಡಿಫೆಂಡರ್‌ ವಿಶಾಲ್‌ ಭಾರದ್ವಜ್‌ ಇದ್ದು, ಬೆಂಗಳೂರು ಬುಲ್ಸ್‌ ತಂಡದ ಸ್ಟಾರ್‌ ರೇಡರ್‌ ಪವನ್‌ ಕುಮಾರ್‌ ಸೆಹ್ರಾವತ್‌ ಮೂರನೇ ಸ್ಥಾನದಲ್ಲಿದ್ದಾರೆ.

ಮ್ಯಾಚ್‌ ಫಿಕ್ಸಿಂಗ್‌ ಬಗ್ಗೆ ಮಾತನಾಡಿದ ಗವಾಸ್ಕರ್‌!

ಟ್ವಿಟರ್‌ನಲ್ಲೂ ಲೀಗ್‌ಗೆ ಹೆಚ್ಚು ಪ್ರತಿಕ್ರಿಯೆ ಲಭ್ಯವಾಗುತ್ತಿದ್ದು, ಭಾರತ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ 'ಇಂಥದ್ದೊಂದು ವಿಶೇಷ ಸಂಜೆಯಲ್ಲಿ ಪಾಲ್ಗೊಂಡದ್ದು ನನ್ನ ಪಾಲಿಗೆ ಗೌರವ' ಎಂದು ಮಾಡಿದ್ದ ಟ್ವೀಟ್‌ ಅತಿ ಹೆಚ್ಚು ಟ್ವೀಟಿಗರನ್ನು ಆಕರ್ಷೀಸಿದ್ದು, ಒಟ್ಟಾರೆ 90,254 ಎಂಗೇಜ್ಮೆಂಟ್‌ ಮತ್ತು 86,108 ಫೇವರಿಟ್ಸ್‌ಗಳನ್ನು ಒಳಗೊಂಡಿದೆ.

ಇನ್ನೂ 2 ತಿಂಗಳು ಧೋನಿ ಕ್ರಿಕೆಟ್‌ ಆಡೋಲ್ಲ ಯಾಕೆ ಗೊತ್ತಾ?!

ಸೋಷಿಯಲ್‌ ಮೀಡಿಯಾಗಳಲ್ಲಿ ಬುಲ್ಸ್‌ ಪಡೆಯನ್ನು ಅತಿ ಹೆಚ್ಚು ಬಾರಿ ಹುಡುಕಾಡಲಾಗಿದೆ ಆದರೆ, ಲೀಗ್‌ನಲ್ಲಿ ಸ್ಥಿರ ಪ್ರದರ್ಶನ ಕಾಯ್ದುಕೊಳ್ಳುವಲ್ಲಿ ವಿಫಲವಾಗುತ್ತಿರುವ ಬುಲ್ಸ್‌ ಒಟ್ಟಾರೆ 50 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ 6ನೇ ಸ್ಥಾನದಲ್ಲಿ ಉಳಿದಿದ್ದು, ನಾಕ್‌ಔಟ್‌ ಪ್ರವೇಶ ಪಡೆಯುವುದನ್ನು ಎದುರು ನೋಡುತ್ತಿದೆ.