ಹೊಸ ವರ್ಷದಲ್ಲೂ ಅದೇ ರಾಗ ಅದೇ ಹಾಡು, ಮಲೇಷ್ಯಾ ಮಾಸ್ಟರ್ಸ್‌ನಲ್ಲಿ ಮುಗ್ಗರಿಸಿದ ಸೈನಾ, ಸಿಂಧೂ

ಕೌಲಾಲಂಪುರ: ಒಲಿಂಪಿಕ್‌ ಪದಕ ವಿಜೇತ ಭಾರತೀಯ ಬ್ಯಾಡ್ಮಿಂಟನ್‌ ತಾರೆಗಳಾದ ಸೈನಾ ನೆಹ್ವಾಲ್‌ ಮತ್ತು ಪಿವಿ ಸಿಂಧು, ಹೊಸ ವರ್ಷದಲ್ಲೂ ಅದೇ ರಾಗ ಅದೇ ಹಾಡು ಎಂಬಂತೆ ಪ್ರದರ್ಶನ ನೀಡಿದ್ದಾರೆ.

ಕಳೆದ ವರ್ಷ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸಾಲು ಸಾಲು ಟೂರ್ನಿಗಳಲ್ಲಿ ಪ್ರಶಸ್ತಿ ಬರ ಎದುರಿಸಿದರಲ್ಲದೆ, ಹಲವು ಪ್ರಮುಖ ಟೂರ್ನಿಗಳಲ್ಲಿ ಮೊದಲ ಸುತ್ತಿನಲ್ಲೇ ಮುಗ್ಗರಿಸಿದ್ದ ಸೈನಾ ಮತ್ತು ಸಿಂಧೂ ಇದೀಗ ಮಲೇಷ್ಯಾ ಮಾಸ್ಟರ್ಸ್‌ ಟೂರ್ನಿಯ ಪ್ರತ್ಯೇಕ ಮಹಿಳಾ ಸಿಂಗಲ್ಸ್‌ ವಿಭಾಗದ ಸ್ಪರ್ಧೆಯಲ್ಲಿ ವೈಫಲ್ಯ ಅನುಭವಿಸಿದ್ದಾರೆ.

ಕಳೆದ ವರ್ಷ ವಿಶ್ವ ಚಾಂಪಿಯನ್‌ಷಿಪ್‌ನಲ್ಲಿ ಪ್ರಶಸ್ತಿ ಗೆದ್ದದ್ದನ್ನು ಬಿಟ್ಟರೆ ಉಳಿದೆಲ್ಲಾ ಟೂರ್ನಿಗಳಲ್ಲಿ ಸೋತು ಸುಣ್ಣವಾಗಿದ್ದ ಸಿಂಧೂ, 2020ರ ಮೊದಲ ಟೂರ್ನಿ ಮಲೇಷ್ಯಾ ಮಾಸ್ಟರ್ಸ್‌ನಲ್ಲಿ ಚೀನಾ ತೈಪೆಯ ಆಟಗಾರ್ತಿ ತಾಯ್‌ ತ್ಸು ಯಿಂಗ್‌ ವಿರುದ್ಧ ಕ್ವಾರ್ಟರ್‌ಫೈನಲ್‌ ಕದನದಲ್ಲಿ ನೇರ ಗೇಮ್‌ಗಳ ಅಂತರದ ಸೋಲುಂಡರು.

ಬಿಲ್ಲುಗಾರಿಕೆ ಅಭ್ಯಾಸದ ವೇಳೆ ಭುಜಕ್ಕೆ ಚುಚ್ಚಿದ ಬಾಣ; ಬಾಲಕಿ ಪ್ರಾಣಾಪಾಯದಿಂದ ಪಾರು

ತಮ್ಮ ಸಾಮರ್ಥ್ಯಕ್ಕೆ ತಕ್ಕ ಆಟವಾಡುವಲ್ಲಿ ವಿಫಲರಾದ ಸಿಂಧೂ, 21-16 21-16 ಅಂತರದ ನೇರ ಗೇಮ್‌ಗಳಿಂದ ವಿಶ್ವದ 2ನೇ ಶ್ರೇಯಾಂಕಿತೆ ಯಿಂಗ್‌ಗೆ ಶರಣಾದರು. ಯಿಂಗ್‌ ಈ ಜಯದೊಂದಿಗೆ ಸಿಂಧೂ ವಿರುದ್ಧದ ಮುಖಾಮುಖಿ ದಾಖಲೆಯಲ್ಲಿ ತಮ್ಮ ಮುನ್ನಡೆಯನ್ನು 12-5ಕ್ಕೆ ವಿಸ್ತರಿಸಿಕೊಂಡಿದ್ದಾರೆ. ಕಳೆದ ಅಕ್ಟೋಬರ್‌ನಲ್ಲಿ ನಡೆದ ಫ್ರೆಂಚ್‌ ಓಪನ್‌ ಟೂರ್ನಿಯ ಕ್ವಾರ್ಟರ್‌ ಫೈನಲ್ಸ್‌ನಲ್ಲೂ ಯಿಂಗ್‌ ಎದುರು ಸಿಂಧೂ ಸೋತಿದ್ದರು.

ನಟ ವಿಷ್ಣು ವಿಶಾಲ್ ಜೊತೆ ಜ್ವಾಲಾ ಗುಟ್ಟಾ 'ಕಿಸ್ಸಿಂಗ್' ಚಿತ್ರಗಳು ವೈರಲ್!

ಮತ್ತೊಂದೆಡೆ ಲಂಡನ್‌ ಒಳಿಂಪಿಕ್ಸ್‌ನಲ್ಲಿ ಕಂಚಿನ ಸಾಧನೆ ಮೆರೆದ ಆಟಗಾರ್ತಿ ಸೈನಾ ನೆಹ್ವಾಲ್‌, ಅಂತಿಮ 8ರ ಘಟ್ಟದ ಪಂದ್ಯದಲ್ಲಿ ಕಿಂಚಿತ್ತೂ ಹೋರಾಟ ಪ್ರದರ್ಶಿಸದೆ 8-21 7-21 ಅಂತರದ ನೇರ ಗೇಮ್‌ಗಳಿಂದ ರಿಯೊ ಒಲಿಂಪಿಕ್ ಚಾಂಪಿಯನ್‌ ಸ್ಪೇನ್‌ನ ಕ್ಯಾರೊಲಿನಾ ಮರಿನ್‌ ವಿರುದ್ಧ ಸೋತರು. ಇದರೊಂದಿಗೆ ಟೂರ್ನಿಯಲ್ಲಿ ಭಾರತದ ಸವಾಲು ಅಂತ್ಯಗೊಂಡಿದೆ.