ಪ್ರಧಾನಿ ಮೋದಿ 'ಭಾರತ್ ಕಿ ಲಕ್ಷ್ಮೀ' ಅಭಿಯಾನಕ್ಕೆ ಸಿಂಧೂ ಬೆಂಬಲ

ಹೊಸದಿಲ್ಲಿ: ಹೊಸ ಹೊಸ ಅಭಿಯಾನಗಳೊಂದಿಗೆ ಸದಾ ಗಮನ ಸೆಳೆಯುತ್ತಿರುವ ಭಾರತ ಪ್ರಧಾನ ಮಂತ್ರಿ ನರೇಂದ್ರ ಮೋದಿ, ಬೆಳಕಿನ ಹಬ್ಬ ದೀಪಾವಳಿ ಸಂಭ್ರಮದ ವೇಳೆಯಲ್ಲಿ "ಭಾರತ್ ಕಿ ಲಕ್ಷ್ಮೀ" ಅಭಿಯಾನವನ್ನು ಆರಂಭಿಸಿದ್ದಾರೆ.

ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ದೇಶದ ಹೆಣ್ಣು ಮಕ್ಕಳನ್ನು ಗುರುತಿಸುವ ಸಲುವಾಗಿ ಮನ್ ಕೀ ಬಾತ್‌ನಲ್ಲಿ ನರೇಂದ್ರ ಮೋದಿ ಭಾರತ್ ಕಿ ಲಕ್ಷ್ಮೀ ಅಭಿಯಾನವನ್ನು ಆರಂಭಿಸಿದ್ದರು.

ನಾರ್ತ್‌ಈಸ್ಟ್ ಎಫ್‌ಸಿ ವಿರುದ್ಧ ಡ್ರಾದೊಂದಿಗೆ ಬಿಎಫ್‌ಸಿ ಅಭಿಯಾನ ಆರಂಭ

ಸಾಮಾಜಿಕ ಜಾಲತಾಣಗಳಲ್ಲಿ ಭಾರತ್ ಕಿ ಲಕ್ಷ್ಮೀ ಎಂಬ ವಿಶೇಷ ಹ್ಯಾಶ್‌ಟ್ಯಾಗ್ ಬಳಕೆ ಮಾಡುವಂತೆ ಪ್ರಧಾನಿ ಮನವಿ ಮಾಡಿಕೊಂಡಿದ್ದರು.

ಇದಕ್ಕೀಗ ಭಾರತದ ಅಗ್ರಮಾನ್ಯ ಬ್ಯಾಡ್ಮಿಂಟನ್ ತಾರೆ ಪಿವಿ ಸಿಂಧೂ ಬೆಂಬಲ ಸೂಚಿಸಿದ್ದಾರೆ. ಅಲ್ಲದೆ ಟ್ವಿಟರ್‌ನಲ್ಲಿ ವಿಶೇಷ ವೀಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ.

ಮಹಿಳೆಯರಿಗೆ ಅಧಿಕಾರ ನೀಡಿದಾಗ ಮತ್ತು ಅವರ ಸ್ಥಾನಗಳಿಗೆ ಹೆಮ್ಮೆಯ ಸ್ಥಾನವನ್ನು ನೀಡಿದಾಗ ಸಮಾಜಗಳು ಬೆಳೆಯುತ್ತವೆ. ನಾನು ಪ್ರಧಾನಿ ಮೋದಿ ಅವರ ಭಾರತ್ ಕಿ ಲಕ್ಷ್ಮೀ ಅಂದೋಲನವನ್ನು ಬೆಂಬಲಿಸುತ್ತೇನೆ. ಭಾರತದ ಅಸಾಧಾರಣ ಮಹಿಳೆಯರ ಅಸಾಧಾರಣ ಸಾಧನೆಗಳನ್ನು ಸಂಭ್ರಮಿಸೋಣ. ಈ ದೀಪಾವಳಿಗೆ ನಾವೆಲ್ಲರೂ ಸ್ತ್ರೀತ್ವವನ್ನು ಆಚರಿಸೋಣ ಎಂದಿದ್ದಾರೆ.

32 ವರ್ಷ ಹಳೇ ಫೋಟೊ ಪ್ರಕಟಿಸಿ ಆಶ್ಚರ್ಯಕರ ಕಥೆ ಹೇಳಿದ 'ದಿ ರಾಕ್‌'!

ಸಾಮಾಜಿಕ ಜಾಲತಾಣಗಳ ಮೂಲಕ ಹೆಣ್ಣು ಮಕ್ಕಳ ಸಾಧನೆಯನ್ನು ಗುರುತಿಸಲು ಪ್ರಧಾನಿ ಮೋದಿ ವಿಶೇಷ ಅಭಿಯಾನ ಆರಂಭಿಸಿದ್ದಾರೆ. ಭಾರತ್ ಕೀ ಲಕ್ಷ್ಮೀ ಅಂದರೆ ದೇಶ ಹಾಗೂ ಜನರ ಯಶಸ್ಸಿನ ಹಾದಿಯನ್ನು ಬಲಪಡಿಸುವುದಾಗಿದೆ ಎಂದು ಮೋದಿ ತಮ್ಮ ಸಂದೇಶದಲ್ಲಿ ತಿಳಿಸಿದ್ದರು.

ಪ್ರಸಕ್ತ ಸಾಲಿನಲ್ಲಷ್ಟೇ ಬ್ಯಾಡ್ಮಿಂಟನ್ ವಿಶ್ವ ಚಾಂಪಿಯನ್‌ಶಿಪ್ ಗೆದ್ದಿರುವ ಪಿವಿ ಸಿಂಧೂ, ವಿಶ್ವ ದಾಖಲೆ ಬರೆದಿದ್ದರು. ಪ್ರಸ್ತುತ ಸಿಂಧೂ ಫ್ರೆಂಚ್ ಓಪನ್ ಮೇಲೆ ಗಮನ ಕೇಂದ್ರಿಕರಿಸಿದ್ದಾರೆ.