US Open 2019: ರೋಜರ್ ಫೆಡರರ್ ಕ್ವಾರ್ಟರ್‌ಗೆ ಲಗ್ಗೆ; ಗಾಯಾಳು ನೊವಾಕ್ ಜೊಕೊವಿಚ್ ನಿರ್ಗಮನ

ನ್ಯೂಯಾರ್ಕ್: ಪ್ರತಿಷ್ಠಿತ ಅಮೆರಿಕನ್ ಓಪನ್ ಗ್ರ್ಯಾನ್‌ಸ್ಲಾಮ್ ಟೆನಿಸ್ ಟೂರ್ನಮೆಂಟ್‌ನಲ್ಲಿ ಚಾಂಪಿಯನ್ ಆಟಗಾರ ಸ್ವಿಜರ್ಲೆಂಡ್‌ನ ರೋಜರ್ ಫೆಡರರ್ ಕ್ವಾರ್ಟರ್ ಫೈನಲ್‌ಗೆ ಪ್ರವೇಶಿಸಿದ್ದಾರೆ.

ಭಾನುವಾರ ನಡೆದ ಪುರುಷ ಸಿಂಗಲ್ಸ್ ವಿಭಾಗದ ಪ್ರಿ-ಕ್ವಾರ್ಟರ್ ಮುಖಾಮುಖಿಯಲ್ಲಿ ಡೇವಿಡ್ ಗಫಿನ್ ವಿರುದ್ಧ 6-2, 6-2, 6-0ರ ಅಂತರದ ಗೆಲುವು ದಾಖಲಿಸಿದ ಅಂತಿಮ ಎಂಟರ ಘಟ್ಟಕ್ಕೆ ಮುನ್ನಡೆದರು.

ಇನ್ನೊಂದೆಡೆ ಹಾಲಿ ಚಾಂಪಿಯನ್ ನೊವಾಕ್ ಜೊಕೊವಿಚ್ ಗಾಯದ ಸಮಸ್ಯೆಯಿಂದಾಗಿ ಹಿಂದೆ ಸರಿದ ಹಿನ್ನಲೆಯಲ್ಲಿ ಕೂಟದಿಂದಲೇ ನಿರ್ಗಮನದ ಹಾದಿ ಹಿಡಿದಿದ್ದಾರೆ.

ನಾಲ್ಕನೇ ಸುತ್ತಿನ ಪಂದ್ಯದಲ್ಲಿ ಸ್ಟಾನ್ ವಾವರಿಂಕ ವಿರುದ್ಧ ಜೊಕೊವಿಚ್ 6-4, 7-5, 2-1ರ ಅಂತರದ ಹಿನ್ನಡೆ ಅನುಭವಿಸಿದ್ದರು. ಈ ಸಂದರ್ಭದಲ್ಲಿ ಗಂಭೀರವಾದ ಭುವ ನೋವಿಗೊಳಗಾದ ಪರಿಣಾಮ ಪಂದ್ಯದಿಂದಲೇ ಹಿಂದೆ ಸರಿದರು.

ವಿಶ್ವ ನಂ. 1 ಶ್ರೇಯಾಂಕದ ನೊವಾಕ್ ಜೊಕೊವಿಚ್, ಕಳೆದ ಐದು ಗ್ರ್ಯಾ್ ಸ್ಲಾಮ್ ಟೂರ್ನಿಗಳ ಪೈಕಿ ನಾಲ್ಕರಲ್ಲಿ ಗೆಲುವು ದಾಖಲಿಸಿದ್ದರು. ಆದರೆ ಗಾಯದ ಸಮಸ್ಯೆಯಿಂದಾಗಿ ಗ್ರ್ಯಾನ್ ಸ್ಲಾಮ್ ಕನಸು ಭಗ್ನಗೊಂಡಿದೆ.