ಬೋಪಣ್ಣ ಮುನ್ನಡೆ; ಸಾನಿಯಾ ಸವಾಲು ಅಂತ್ಯ

ಲಂಡನ್: ವಿಂಬಲ್ಡನ್ ಗ್ರ್ಯಾನ್ ಸ್ಲಾಮ್ ಟೆನಿಸ್ ಟೂರ್ನಮೆಂಟ್‌ನಲ್ಲಿ ತಮ್ಮ ವೈಯಕ್ತಿಕ ವಿಭಾಗದಲ್ಲಿ ಭಾರತದ ರೋಹನ್ ಬೋಪಣ್ಣ ಮುನ್ನಡೆದರೆ ಅತ್ತ ಸೋಲಿನ ಆಘಾತಕ್ಕೊಳಗಾಗಿರುವ ಸಾನಿಯಾ ಮಿರ್ಜಾ ಹೋರಾಟ ಅಂತ್ಯಗೊಂಡಿದೆ.

ಕೆನೆಡಾದ ತಮ್ಮ ಜೊತೆಗಾರ ಗ್ಯಾಬ್ರಿಯಾಲಾ ಗಾಬ್ರಿಯೆಲಾ ಡಬ್ರೊಸ್ಕಿ ಜೊತೆ ಕಣಕ್ಕಿಳಿಯುತ್ತಿರುವ ಬೋಪಣ್ಣ, ಕ್ರೋವೆಶಿಯಾದ ನಿಕೊಲಾ ಮೆಕ್ಟಿಕ್ ಹಾಗೂ ಅನಾ ಕುಂಜು ಜೋಡಿಯನ್ನು 7-6 6-2ರ ಅಂತರದಲ್ಲಿ ಮಣಿಸಿ ಕೊನೆಯ ಎಂಟರ ಹಂತಕ್ಕೆ ಮುನ್ನಡೆಯಿತು.

10ನೇ ಶ್ರೇಯಾಂಕಿತರಾಗಿರುವ ಬೋಪಣ್ಣ ಜೋಡಿ ಕೇವಲ 59 ನಿಮಿಷಗಳಲ್ಲಿ ಎದುರಾಳಿಯ ಸವಾಲನ್ನು ಅಂತ್ಯಗೊಳಿಸಿತ್ತು. ಇದೀಗ ನಡೆಯಲಿರುವ ಕ್ವಾರ್ಟರ್ ಫೈನಲ್ ಹೋರಾಟದಲ್ಲಿ ಬೋಪಣ್ಣ ಜೋಡಿಯು ಕೊಂಟಿನೆನ್ ಹಾಗೂ ವಾಟ್ಸನ್ ಸವಾಲನ್ನು ಎದುರಿಸಲಿದ್ದಾರೆ.

ಅತ್ತ ಮಿಶ್ರ ಡಬಲ್ಸ್ ವಿಭಾಗದಲ್ಲಿ 4ನೇ ಶ್ರೇಯಾಂಕಿತರಾಗಿರುವ ಸಾನಿಯಾ ಹಾಗೂ ಕ್ರೋವೆಶಿಯಾದ ಇವಾನ್ ದೊಡಿಗ್ ಜೋಡಿಯು ಹಾಲಿ ಚಾಂಪಿಯನ್ ಫಿನ್‌ಲ್ಯಾಂಡ್‌ನ ಹೆನ್ರಿ ಕೊಂಟಿನೆನ್ ಹಾಗೂ ಬ್ರಿಟನ್‌ನ ಹೀದರ್ ವಾಟ್ಸನ್ ವಿರುದ್ಧ 53 ನಿಮಿಷಗಳ ಹೋರಾಟದ ಅಂತ್ಯದಲ್ಲಿ 6-7 4-6 ರ ಅಂತರದಲ್ಲಿ ಸೋಲು ಅನುಭವಿಸಿದ್ದರು.

ಮಹಿಳಾ ಡಬಲ್ಸ್ ವಿಭಾಗದಲ್ಲಿ ಸೋಲು ಅನುಭವಿಸಿರುವ ಸಾನಿಯಾ ಸವಾಲು ಇದರೊಂದಿಗೆ ಅಂತ್ಯ ಕಂಡಿದೆ.