ಕ್ಯಾಲಿಫೋರ್ನಿಯಾ: ಇಂಡಿಯನ್‌ ವೆಲ್ಸ್‌ನಲ್ಲಿ ನಡೆಯುತ್ತಿರುವ ಮಾಸ್ಟರ್ಸ್‌ ಟೆನಿಸ್‌ ಚಾಂಪಿಯನ್‌ಷಿಪ್‌ನ ಡಬಲ್ಸ್‌ನಲ್ಲಿ ಭಾರತದ ರೋಹನ್‌ ಬೋಪಣ್ಣ ಹಾಗೂ ಉರುಗ್ವೆಯ ಜತೆಗಾರ ಪಾಬ್ಲೊ ಕ್ಯೂವಾಸ್‌ ಸರ್ಬಿಯಾದ ನೊವಾಕ್‌ ಜೊಕೊವಿಕ್‌ ಮತ್ತು ವಿಕ್ಟರ್‌ ಟ್ರಾಯ್‌ಸ್ಕಿ ಜೋಡಿಯ ವಿರುದ್ಧ 6-2, 3-6, 7-10 ಅಂತರದಲ್ಲಿ ಸೋಲಿಗೆ ಶಣರಾಗಿದೆ.
ಪ್ರಶಸ್ತಿ ಗೆಲ್ಲುವ ಫೇವರಿಟ್‌ ಎನಿಸಿದ್ದ ಇಂಡೋ-ಉರುಗ್ವೆ ಜೋಡಿ ಮೊದಲ ಸೆಟ್‌ನಲ್ಲಿ ಜಯ ಗಳಿಸುವ ಮೂಲಕ ಆತ್ಮವಿಶ್ವಾಸದ ಆರಂಭ ಕಂಡಿತ್ತು.
ಆದರೆ ಎರಡು ಮತ್ತು ಮೂರನೇ ಸೆಟ್‌ನಲ್ಲಿ ಸರ್ಬಿಯಾದ ಜೋಡಿ ತಕ್ಕ ತಿರುಗೇಟು ನೀಡಿತು. ಎರಡನೇ ಸೆಟ್‌ ಟೈ ಬ್ರೇಕರ್‌ ಮೂಲಕ ಸರ್ಬಿಯಾದ ಜೋಡಿ ಜಯ ಗಳಿಸಿತು.
ಮೂರನೇ ಸೆಟ್‌ನಲ್ಲಿ ಇಂಡೋ-ಉರುಗ್ವೆ ಜೋಡಿ ಒಂದು ಹಂತದಲ್ಲಿ 4-2ರ ಅಂತರದಲ್ಲಿ ಮುನ್ನಡೆ ಕಂಡಿತ್ತು, ಆದರೆ ಚಾಂಪಿಯನ್‌ ಆಟಗಾರ ಜೊಕೊವಿಕ್‌ ಅವರಿಂದ ಕೂಡಿದ ಎದುರಾಳಿ ತಂಡವನ್ನು ಮತ್ತೆ ಹಿಂದಿಕ್ಕುವಲ್ಲಿ ಬೋಪಣ್ಣ ಜೋಡಿ ವಿಫಲವಾಯಿತು. 7-10 ಅಂತರದಲ್ಲಿ ಸರ್ಬಿಯಾದ ಜೋಡಿ ಸೆಟ್‌ ಗೆದ್ದುಕೊಂಡಿತು.