ಯುಎಸ್ ಓಪನ್; ಸಾನಿಯಾ, ಬೋಪಣ್ಣ ಮುನ್ನಡೆ

ನ್ಯೂಯಾರ್ಕ್: ಅಮೆರಿಕನ್ ಓಪನ್ ಟೆನಿಸ್ ಟೂರ್ನಮೆಂಟ್‌ನಲ್ಲಿ ಭಾರತದ ಸಾನಿಯಾ ಮಿರ್ಜಾ ಹಾಗೂ ರೋಹನ್ ಬೋಪಣ್ಣ ತಮ್ಮ ತಮ್ಮ ವೈಯಕ್ತಿಕ ವಿಭಾಗಗಳಲ್ಲಿ ದ್ವಿತೀಯ ಸುತ್ತಿಗೆ ಪ್ರವೇಶ ಮಾಡಿದ್ದಾರೆ.

ಪುರುಷರ ಡಬಲ್ಸ್ ವಿಭಾಗದಲ್ಲಿ ಉರುಗ್ವೆಯದ ಫ್ಯಾಬ್ಲೊ ಕ್ಯೂವಾಸ್ ಜೊತೆ ಕಣಕ್ಕಿಳಿದಿರುವ ಬೋಪಣ್ಣ ಮೊದಲ ಸೆಟ್ ಕಳೆದುಕೊಂಡರೂ ಅಂತಿಮವಾಗಿ ಅಮೋರಿಕದಾ ಬ್ರಾಡ್ಲಿ ಕ್ಲಾನ್ ಹಾಗೂ ಸ್ಕಾಟ್ ಲಿಪ್ಸ್ಕಿ ವಿರುದ್ಧ 1-6, 6-3, 6-4ರ ಅಂತರದಲ್ಲಿ ಪಂದ್ಯವನ್ನು ವಶಪಡಿಸಿಕೊಂಡರು.

ಎರಡನೇ ಸುತ್ತಿನಲ್ಲಿ ಬೋಪಣ್ಣ-ಫ್ಯಾಬ್ಲೊ ಜೋಡಿಯೀಗ ಇಟಲಿಯ ಸೈಮನ್ ಬೊಲೆಲ್ಲಿ ಮತ್ತು ಫ್ಯಾಬಿಯೊ ಫಾಗ್ನಿನಿ ಸವಾಲನ್ನು ಎದುರಿಸಲಿದ್ದಾರೆ.

ಅತ್ತ ಮಹಿಳಾ ಡಬಲ್ಸ್ ವಿಭಾಗದಲ್ಲಿ ಚೀನಾದ ಶೂಯ್ ಪೆಂಗ್ ಜೊತೆ ಕಣಕ್ಕಿಳಿದಿರುವ ಸಾನಿಯಾ ಕ್ರೋವೆಶಿಯಾದ ಪೆಟ್ರಾ ಮ್ಯಾಟ್ರಿಕ್ ಮತ್ತು ಡೋನಾ ವೆಕಿಕ್ ವಿರುದ್ಧ 6-4, 6-1ರ ಅಂತರದಲ್ಲಿ ಮಣಿಸಿ ಮುನ್ನಡೆದರು.

ಕೇವಲ 55 ನಿಮಿಷಗಳಲ್ಲಿ ಭಾರತ-ಚೀನಾ ಜೋಡಿಯು ಪಂದ್ಯವನ್ನು ಕೊನೆಗೊಳಿಸಿತ್ತು. ಹಾಗೆಯೇ ಮುಂದಿನ ಸುತ್ತಿನಲ್ನಲಿ ಜಾನ ಸೆಪೆಲೋವಾ ಹಾಗೂ ಮಗ್ದಲೆನಾ ರೈಬರಿಕೋವಾ ಸವಾಲನ್ನು ಎದುರಿಸಲಿದ್ದಾರೆ.