ದೇಶದಲ್ಲಿ ಟೆನಿಸ್‌ ಅಭಿವೃದ್ಧಿಗಾಗಿ ಎಸಿಕ್ಸ್‌ ಜೊತೆ ಕೈ ಜೋಡಿಸಿದ ರೋಹನ್‌ ಬೋಪಣ್ಣ

ಬೆಂಗಳೂರು: ಗ್ರ್ಯಾನ್‌ ಸ್ಲ್ಯಾಮ್‌ ಡಬಲ್ಸ್‌ ಪ್ರಶಸ್ತಿ ಗೆದ್ದ ಏಕಮಾತ್ರ ಕನ್ನಡಿಗ ರೋಹನ್‌ ಬೋಪಣ್ಣ, ದೇಶದಲ್ಲಿ ಅದರಲ್ಲೂ ಕರ್ಣಾಟದಲ್ಲಿ ಭವಿಷ್ಯದ ಟೆನಿಸ್‌ ಆಟಗಾರರನ್ನು ರೂಪಿಸಲು ಅಂತಾರಾಷ್ಟ್ರೀಯ ಗುಣಮಟ್ಟದ ತರಬೇತಿ ಸವಲತ್ತುಗಳನ್ನು ಒದಗಿಸುವ ನಿಟ್ಟಿನಲ್ಲಿ ಎಸಿಕ್ಸ್‌ ಇಂಡಿಯಾ ಸಂಸ್ಥೆಯೊಟ್ಟಿಗೆ ಒಪ್ಪಂದ ಮಾಡಿಕೊಂಡಿದ್ದಾರೆ.

ಇಲ್ಲಿನ ಕರ್ನಾಟಕ ರಾಜ್ಯ ಟೆನಿಸ್‌ ಸಂಸ್ಥೆ ಆವರಣದಲ್ಲಿ ಶುಕ್ರವಾರ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ರೋಹನ್‌, 2020ರ ಟೋಕಿಯೊ ಒಲಿಂಪಿಕ್ಸ್‌ಗೆ ಏಸಿಕ್ಸ್‌ ಸಹಯೋಗದಲ್ಲಿ ಸಿದ್ದತೆ ಕೈಗೊಳ್ಳುತ್ತಿರುವುದಾಗಿಯೂ ಹೇಳಿದರು.

ಭಾರತ v/s ದ. ಆಫ್ರಿಕಾ: ಬೆಂಗಳೂರು ಪಂದ್ಯಕ್ಕೂ ಮುನ್ನ ಟೀಮ್‌ ಇಂಡಿಯಾ ಜೊತೆ ಕಾಲ ಕಳೆದ ದ್ರಾವಿಡ್‌

ಇದೇ ವೇಳೆ ಏಸಿಕ್ಸ್‌ ಇಂಡಿಯಾ ಜೊತೆಗಿನ ಒಪ್ಪಂದದೊಂದಿಗೆ ಬೆಂಗಳೂರಿನ ಯಲಹಂಕದಲ್ಲಿರುವ ರೋಹನ್‌ ಬೋಪಣ್ಣ ಟೆನಿಸ್‌ ಅಕಾಡೆಮಿಯಲ್ಲಿ ಯುವ ಪ್ರತಿಭೆಗಳಿಗೆ ಪರಿಣತ ಹಾಗೂ ನುರಿತ ಕೋಚ್‌ಗಳ ಅಡಿಯಲ್ಲಿ ಮತ್ತು ಅತ್ಯಾಧುನಿಕ ಟ್ರೇನಿಂಗ್‌ ಸೌರ್ಕಯಗಳೊಟ್ಟಿಗೆ ಉಚಿತ ತರಬೇತಿ ಒದಗಿಸುವ ಕಾರ್ಯಕ್ರಮ ಹಮ್ಮಿಕೊಂಡಿರುವುದಾಗಿಯೂ ಅವರು ಹೇಳಿದರು. ಇದೇ ವೇಳೆ ಭಾರತದ ಅಗ್ರಮಾನ್ಯ ಟೆನಿಸ್‌ ಆಟಗಾರ್ತಿಯರಲ್ಲಿ ಒಬ್ಬರಾದ ಕರ್ಮನ್‌ ಕೌರ್‌ ಥಂಡಿ ಅವರ ಜೊತೆಗೂ ಎಸಿಕ್ಸ್‌ ಒಪ್ಪಂದ ಮಾಡಿಕೊಂಡಿರುವುದಾಗಿ ಘೋಷಿಸಿತು.

ಅಕ್ಟೋಬರ್‌ನಲ್ಲಿ ಈ ಕಾರ್ಯಕ್ರಮ ಆರಂಭವಾಗಲಿದ್ದು, ಪತ್ರಿ ಭಾನುವಾರ ಬೆಳಗ್ಗೆ 9ಕ್ಕೆ ರೋಹನ್‌ ಅಕಾಡೆಮಿಯಲ್ಲಿ 'ಎಸಿಕ್ಸ್‌ ಟೆನಿಸ್‌ ಸಮಯ'ದ ಮೂಲಕ ಪ್ರತಿಭಾನ್ವಿತ ಆಟಗಾರರು ಟೆನಿಸ್‌ ತಂತ್ರಗಾರಿಕೆಯ ಪಾಠ ಕಲಿತುಕೊಳ್ಳಬಹುದಾಗಿದೆ. ಬೆಂಗಳೂರಿನ ಎಲ್ಲಾ ಎಸಿಕ್ಸ್‌ ಮಳಿಗೆಗಳಲ್ಲಿ ಈ ತರಬೇತಿ ಕಾರ್ಯಕ್ರಮಕ್ಕೆ ನೋಂದಣಿ ಮಾಡಿಸಿಕೊಳ್ಳಬಹುದಾಗಿದೆ.

ಆರ್‌ಸಿಬಿ ನಾಯಕತ್ವ ಬದಲಾವಣೆ ಪ್ರಶ್ನೆಗೆ ಉತ್ತರಿಸಿದ ನೂತನ ಟೀಮ್‌ ಡೈರೆಕ್ಟರ್‌ ಮೈಕ್‌ ಹೇಸನ್‌!

ದೇಶದ ಅಗ್ರಮಾನ್ಯ ಡಬಲ್ಸ್‌ ಆಟಗಾರ ರೋಹನ್‌, 2017ರಲ್ಲಿ ಫ್ರೆಂಚ್‌ ಓಪನ್‌ ಟೂರ್ನಿಯ ಮಿಶ್ರ ಡಬಲ್ಸ್‌ ವಿಭಾಗದಲ್ಲಿ ಚೊಚ್ಚಲ ಗ್ರ್ಯಾನ್‌ ಸ್ಲ್ಯಾಮ್‌ ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದರು. 2018ರ ಏಷ್ಯನ್‌ ಗೇಮ್ಸ್‌ನ ಪುರುಷರ ಡಬಲ್ಸ್‌ ವಿಭಾಗದಲ್ಲಿ ಚಿನ್ನ ಗೆದ್ದಿರುವ ರೋಹನ್‌ ಅವರಿಗೆ ಅರ್ಜುನ ಪ್ರಶಸ್ತಿ ಗೌರವವೂ ಒಲಿದಿದೆ.

"ಟೆನಿಸ್‌ ಕ್ರೀಡೆಯಲ್ಲಿ ಆಟಕ್ಕೆ ಪೂರಕವಾದ ಶೂ ಮತ್ತು ವಸ್ತ್ರಗಳು ಕೂಡ ಅಷ್ಟೇ ಮುಖ್ಯವಾಗುತ್ತದೆ. ಎಸಿಕ್ಸ್‌ ಅತ್ಯಾಧುನಿಕ ತಂತ್ರಜ್ಞಾನದ ಶೂಗಳನ್ನು ಒದಗಿಸುತ್ತಿದೆ. ಈ ನೂತನ ಒಪ್ಪಂದದೊಂದಿಗೆ ನನ್ನ ಪ್ರದರ್ಶನ ಮಟ್ಟವನ್ನು ಮತ್ತಷ್ಟು ಸುಧಾರಿಸಿಕೊಳ್ಳುವುದನ್ನು ಎದುರು ನೋಡುತ್ತಿದ್ದೇನೆ. ಜೊತೆಗೆ ಎಸಿಕ್ಸ್‌ ಪಾಲುದಾರಿಕೆಯಲ್ಲಿ ಯುವ ಪ್ರತಿಭೆಗಳಿಗೂ ಉತ್ತಮ ಅವಕಾಶ ಕಲ್ಪಿಸಿಕೊಡುವ ಪ್ರಯತ್ನ ನಡೆಸಲಿದ್ದೇವೆ," ಎಂದು ರೋಹನ್‌ ಹೇಳಿದ್ದಾರೆ.

ಆರ್‌ಸಿಬಿ ಆಟಗಾರರ ಬಲ ಹೆಚ್ಚಿಸಲು ಬಂದಿರುವ ಫಿಟ್ನೆಸ್‌ ಗುರು ಯಾರು ಗೊತ್ತಾ?

"ಒಲಿಂಪಿಕ್ಸ್‌ನಲ್ಲಿ ಸ್ಪರ್ಧಿಸಬಲ್ಲ ಅಥ್ಲೀಟ್‌ಗಳನ್ನು ಬೆಂಬಲಿಸುವ ಕಡೆಗೆ ನಮ್ಮ ಮತ್ತೊಂದು ಹೆಜ್ಜೆ ಇದಾಗಿದೆ. ನಾವು ಈಗಾಗಲೇ ಟೆನಿಸ್‌ನ ನಂ.1 ಆಟಗಾರ ನೊವಾಕ್‌ ಜೊಕೊವಿಚ್‌ ಅವರನ್ನು ನಮ್ಮ ಜಾಗತಿಕ ರಾಯಭಾರಿಯಾಗಿ ಹೊಂದಿದ್ದೇವೆ. ಇದೀಗ ಈ ಪಟ್ಟಿಗೆ ರೋಹನ್ ಬೋಪಣ್ಣ ಮತ್ತು ಕರ್ಮನ್‌ ಕೌರ್‌ ಥಂಡಿ ಸೇರ್ಪಡೆಯಾಗಿದ್ದಾರೆ," ಎಂದು ಎಸಿಕ್ಸ್ ಇಂಡಿಯಾ ಪ್ರೈ ಲಿ.ನ ವ್ಯವಸ್ಥಾಪಕ ನಿರ್ದೇಶಕ ರಜತ್‌ ಖುರಾನ ತಿಳಿಸಿದ್ದಾರೆ.