ಸಿಂಧೂಗೆ ಸೋಲು; ಸತತ 2ನೇ ಬಾರಿಗೆ ಸೈನಾ ಮುಡಿಗೆ ಕಿರೀಟ
ಹಿರಿಯರ ರಾಷ್ಟ್ರೀಯ ಬ್ಯಾಡ್ಮಿಂಟನ್ ಚಾಂಪಿಯನ್ಶಿಪ್ ಮಹಿಳೆಯರ ಸಿಂಗಲ್ಸ್ ಫೈನಲ್ ಪಂದ್ಯದಲ್ಲಿ ಪಿವಿ ಸಿಂಧೂ ಮಣಿಸಿರುವ ಸೈನಾ ನೆಹ್ವಾಲ್, ಸತತ ಎರಡನೇ ಬಾರಿಗೆ ಕಿರೀಟ ಮುಡಿಗೇರಿಸಿಕೊಂಡಿದ್ದಾರೆ.
Vijaya Karnataka Web 16 Feb 2019, 5:40 pm
ಹೈಲೈಟ್ಸ್:
- ಸೈನಾಗೆ ಸವಾಲಾಗದ ಸಿಂಧೂ.
- ಸತತ ಎರಡನೇ ಸಾಲಿನಲ್ಲೂ ಸಿಂಧೂ ವಿರುದ್ಧವೇ ಜಯಭೇರಿ.
- ಸೈನಾ ಅನುಭವದ ಮುಂದೆ ನಡೆಯದ ಸಿಂಧೂ ಆಟ.
ಹೊಸದಿಲ್ಲಿ: ಭಾರತದ ಹಿರಿಯ ಅನುಭವಿ ಆಟಗಾರ್ತಿ ಸೈನಾ ನೆಹ್ವಾಲ್, ಹಿರಿಯರ ರಾಷ್ಟ್ರೀಯ ಬ್ಯಾಡ್ಮಿಂಟನ್ ಚಾಂಪಿಯನ್ಶಿಪ್ ಮಹಿಳೆಯರ ಸಿಂಗಲ್ಸ್ ಕಿರೀಟ ಮುಡಿಗೇರಿಸಿಕೊಂಡಿದ್ದಾರೆ. ಶನಿವಾರ ನಡೆದ 83ನೇ ಹಿರಿಯರ ರಾಷ್ಟ್ರೀಯ ಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ನ ಮಹಿಳಾ ಸಿಂಗಲ್ಸ್ ವಿಭಾಗದ ಫೈನಲ್ ಪಂದ್ಯದಲ್ಲಿ ಒಲಿಂಪಿಕ್ ಹಾಗೂ ವಿಶ್ವ ಚಾಂಪಿಯನ್ ಬೆಳ್ಳಿ ಪದಕ ವಿಜೇತೆ ಪಿವಿ ಸಿಂಧೂ ವಿರುದ್ಧ ಅಮೋಘ ಆಟದ ಪ್ರದರ್ಶನ ನೀಡಿದ ಸೈನಾ ಗೆಲುವನ್ನು ದಾಖಲಿಸಿದರು.
21-18, 21-15ರ ನೇರ ಸೆಟ್ ಅಂತರದಲ್ಲಿ ಸೈನಾ ಫೈನಲ್ನಲ್ಲಿ ಸವಾರಿ ಮಾಡಿದರು. ಈ ಮೂಲಕ ಸತತ ಎರಡನೇ ಸಾಲಿನಲ್ಲೂ ಸಿಂಧೂ ಮಣಿಸಿದ ಸೈನಾ ರಾಷ್ಟ್ರೀಯ ಚಾಂಪಿಯನ್ ಎನಿಸಿಕೊಂಡರು.
ಕಳೆದ ವರ್ಷ ನಾಗ್ಪುರದಲ್ಲಿ ನಡೆದ ಫೈನಲ್ ಪಂದ್ಯದಲ್ಲಿ ಸೈನಾ ನೆಹ್ವಾಲ್ ಜಿದ್ದಾಜಿದ್ದಿನ ಹೋರಾಟ ನಡೆಸಿ ಸಿಂಧೂ ವಿರುದ್ಧ ಜಯ ದಾಖಲಿಸಿದ್ದರು.
21-18, 21-15ರ ನೇರ ಸೆಟ್ ಅಂತರದಲ್ಲಿ ಸೈನಾ ಫೈನಲ್ನಲ್ಲಿ ಸವಾರಿ ಮಾಡಿದರು. ಈ ಮೂಲಕ ಸತತ ಎರಡನೇ ಸಾಲಿನಲ್ಲೂ ಸಿಂಧೂ ಮಣಿಸಿದ ಸೈನಾ ರಾಷ್ಟ್ರೀಯ ಚಾಂಪಿಯನ್ ಎನಿಸಿಕೊಂಡರು.
ಕಳೆದ ವರ್ಷ ನಾಗ್ಪುರದಲ್ಲಿ ನಡೆದ ಫೈನಲ್ ಪಂದ್ಯದಲ್ಲಿ ಸೈನಾ ನೆಹ್ವಾಲ್ ಜಿದ್ದಾಜಿದ್ದಿನ ಹೋರಾಟ ನಡೆಸಿ ಸಿಂಧೂ ವಿರುದ್ಧ ಜಯ ದಾಖಲಿಸಿದ್ದರು.