ಚೀನಾ ಓಪನ್‌ನಲ್ಲಿ ಮುಗ್ಗರಿಸಿದ ಭಾರತೀಯ ಜೋಡಿ ಸಾತ್ವಿಕ್‌ಸಾಯ್‌ರಾಜ್-ಚಿರಾಗ್ ಶೆಟ್ಟಿ ನಿರ್ಗಮನ

ಚೀನಾ: ಭಾರತದ ಯುವ ಭರವಸೆಯ ಪುರುಷ ಡಬಲ್ಸ್ ಪಟುಗಳಾದ ಸಾತ್ವಿಕ್‌ಸಾಯ್‌ರಾಜ್ ರಾಂಕಿರೆಡ್ಡಿ ಹಾಗೂ ಚಿರಾಗ್ ಶೆಟ್ಟಿ ಜೋಡಿಯು ಪ್ರತಿಷ್ಠಿತ ಚೀನಾ ಓಪನ್ ಸೂಪರ್ 1000 ಬ್ಯಾಡ್ಮಿಂಟನ್ ಟೂರ್ನಮೆಂಟ್‌ನಲ್ಲಿ ಸೋಲಿನ ಆಘಾತ ಎದುರಿಸಿದ್ದಾರೆ.

ಗುರುವಾರ ನಡೆದ ಪುರುಷ ಸಿಂಗಲ್ಸ್ ಎರಡನೇ ಸುತ್ತಿನ ಹೋರಾಟದಲ್ಲಿ ಸಾತ್ವಿಕ್-ಚಿರಾಗ್ ಜೋಡಿಯು ಜಪಾನ್‌ನ ತಕೇಶಿ ಕಮುರ ಹಾಗೂ ಕೀಗೊ ಸೊನೊಡಾ ವಿರುದ್ಧ 19-21, 8-21ರ ಅಂತರದಿಂದ ಮುಗ್ಗರಿಸಿದರು.

ಇತಿಹಾಸದಲ್ಲಿ ಅಂದಿನ ಈ ದಿನ; ಸಿಕ್ಸರ್ ಕಿಂಗ್ ಯುವರಾಜ್ ಸಿಂಗ್ 6,6,6,6,6,6..!

ವಿಶ್ವ 15ನೇ ಶ್ರೇಯಾಂಕಿತರಾಗಿರುವ ಸಾತ್ವಿಕ್-ಚಿರಾಗ್ ಅವರಿಂದ ಪ್ರಭಾವಿ ಪ್ರದರ್ಶನ ನಿರೀಕ್ಷೆ ಮಾಡಲಾಗಿತ್ತು. ಆದರೂ ನಾಲ್ಕನೇ ಶ್ರೇಯಾಂಕಿತ ಜಪಾನ್ ಜೋಡಿಯ ವಿರುದ್ಧ 33 ನಿಮಿಷಗಳ ಹೋರಾಟದಲ್ಲಿ ಸೋಲೊಪ್ಪಿಕೊಂಡರು.

ಪ್ರಸಕ್ತ ಸಾಲಿನಲ್ಲಿ ಇದು ಎರಡನೇ ಬಾರಿಗೆ ಜಪಾನ್ ಜೋಡಿಯ ವಿರುದ್ಧ ಭಾರತೀಯ ಜೋಡಿ ಸೋಲಿಗೆ ಶರಣಾಗುತ್ತಿದೆ. ಈ ಹಿಂದೆ ಜಪಾನ್ ಓಪನ್‌ನಲ್ಲೂ ವಿಶ್ವ ನಂ.4 ಜೋಡಿ ವಿರುದ್ಧ ಸೋಲೊಪ್ಪಿಕೂಂಡಿದ್ದರು.

'ಧೋನಿಯನ್ನು ಕರೆತನ್ನಿ'; ಪಂತ್ ವೈಫಲ್ಯದ ಬೆನ್ನಲ್ಲೇ ಅಭಿಮಾನಿಗಳ ಕೂಗು!

ಇತ್ತೀಚೆಗಷ್ಟೇ ಥಾಯ್ಲೆಂಡ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಮೆಂಟ್ ಗೆಲ್ಲುವ ಮೂಲಕ ಸಾತ್ವಿಕ್‌ಸಾಯ್‌ರಾಜ್ ರಾಂಕಿರೆಡ್ಡಿ ಹಾಗೂ ಚಿರಾಗ್ ಶೆಟ್ಟಿ ಇತಿಹಾಸ ನಿರ್ಮಿಸಿದ್ದರು. ಆದರೆ ಚೀನಾ ಓಪನ್ ಸೂಪರ್ 1000 ಟೂರ್ನಿಯಲ್ಲಿ ಅದೇ ಶ್ರೇಷ್ಠ ನಿರ್ವಹಣೆ ಕಾಯ್ದುಕೊಳ್ಳಲು ಸಾಧ್ಯವಾಗಲಿಲ್ಲ.

ಇನ್ನೊಂದೆಡೆ ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಸಾತ್ವಿಕ್ ಹಾಗೂ ಅಶ್ವಿನ್ ಪೊನ್ನಪ್ಪ ಜೆೋಡಿಯು ಜಪಾನ್‌ನ ಯೂಕಿ ಕನೆಕೊ ಹಾಗೂ ಮಿಸಕಿ ಮಟ್ಸುಟೊಮೊ ಸವಾಲನ್ನು ಎದುರಿಸಲಿದ್ದಾರೆ. ಅತ್ತ ಸಿಂಗಲ್ಸ್ ವಿಭಾಗದಲ್ಲಿ ಪಿವಿ ಸಿಂಧೂ, ಪರುಪ್ಪಳ್ಳಿ ಕಶ್ಯಪ್ ಹಾಗೂ ಸಾಯಿ ಪ್ರಣೀತ್ ಸಹ ಕಣಕ್ಕಿಳಿಯುತ್ತಿದ್ದಾರೆ.