ರಷ್ಯಾನ್‌ ಬಾಕ್ಸಿಂಗ್‌: ಸ್ವೀಟಿಗೆ ಸ್ವರ್ಣ

ಹೊಸದಿಲ್ಲಿ: ಭಾರತದ ಬಾಕ್ಸರ್‌ ಸ್ವೀಟಿ ಬೂರಾ ರಷ್ಯಾದ ಕ್ಯಾಸ್ಪಿಯ್ಸ್ಕಿಯಲ್ಲಿ ನಡೆಯುತ್ತಿರುವ ಉಮಾಖನೊವ್‌ ಸ್ಮಾರಕ ಬಾಕ್ಸಿಂಗ್‌ ಟೂರ್ನಿಯಲ್ಲಿ ಸ್ವೀಟಿ ಬಂಗಾರ ಪದಕ ಜಯಿಸಿದ್ದಾರೆ.

ಮಂಗಳವಾರ ನಡೆದ 75ಕೆಜಿ ವಿಭಾಗದ ಮಿಡಲ್‌ವೇಟ್‌ ಫೈನಲ್‌ನಲ್ಲಿ ಸಂಪೂರ್ಣ ಅಧಿಪತ್ಯ ಸಾಧಿಸಿದ ವಿಶ್ವ ಚಾಂಪಿಯನ್‌ಷಿಪ್‌ ಬೆಳ್ಳಿ ಪದಕ ವಿಜೇತೆ ಬೂರಾ ಸ್ಥಳೀಯ ಪ್ರತಿಭೆ ಅನ್ಫಿನೊಗೆನೊವಾ ವಿರುದ್ಧ ಸುಲಭವಾಗಿ ಜಯ ಗಳಿಸಿದರು. ಪಿಂಕಿ ಜಂಗ್ರಾ ಮತ್ತು ಪವಿತ್ರಾ ಕ್ರಮವಾಗಿ 51 ಮತ್ತು 60ಕೆಜಿ ವಿಭಾಗದ ಸೆಮಿಫೈನಲ್‌ ಪಂದ್ಯಗಳಲ್ಲಿ ಸೋಲನುಭವಿಸಿ ಕಂಚಿಗೆ ತೃಪ್ತಿಪಟ್ಟಿದ್ದಾರೆ.

ಪುರುಷ ವಿಭಾಗದಲ್ಲಿ ವಿಶ್ವ ಚಾಂಪಿಯನ್‌ಷಿಪ್‌ನ ಕಂಚಿನ ಪದಕ ವಿಜೇತೆ ಗೌರವ್‌ ಬಿಧೂರಿ 56ಕೆಜಿ ವಿಭಾಗದಲ್ಲಿ ಕಂಚಿನ ಸಾಧನೆ ಮಾಡಿದರೆ, ಬ್ರಿಜೇಶ್‌ ಯಾದವ್‌ 81ಕೆಜಿ ಮತ್ತು ವಿರೇಂದರ್‌ ಕುಮಾರ್‌ 91ಕೆಜಿ ವಿಭಾಗದಲ್ಲಿ ಫೈನಲ್‌ಗೆ ಮುನ್ನಡೆದಿದ್ದಾರೆ. ಪ್ರಶಸ್ತಿಗಾಗಿ ಯಾದವ್‌ ರಷ್ಯಾದ ಮುರಾದ್‌ ರಬಡನೊವ್‌ ವಿರುದ್ಧವು ಮತ್ತು ಕುಮಾರ್‌ ಸ್ವೀಡನ್‌ನ ಅಲೆಕ್ಸಾಂಡರ್‌ ವಿರುದ್ಧ ಕಣಕ್ಕಿಳಿಯಲಿದ್ದಾರೆ.