ನಾಲ್ಕನೇ ಸುತ್ತಿಗೆ ಸೆರೆನಾ, ರಾಡ್ವಂಸ್ಕಾ
ಅಮೆರಿಕದ ಸೆರೆನಾ ವಿಲಿಯಮ್ಸ್, ಆಗ್ನೇಸ್ಕಾ ರಾಡ್ವಾಂಸ್ಕಾ ಮತ್ತು ರೊಮೇನಿಯಾದ ಸಿಮೋನಾ ಹ್ಯಾಲೆಪ್ ಸೇರಿದಂತೆ ಅನೇಕರು ಇಲ್ಲಿ ನಡೆಯುತ್ತಿರುವ ಡಬ್ಲ್ಯುಟಿಎ ಇಂಡಿಯನ್ ವೇಲ್ಸ್ ಮಾಸ್ಟರ್ಸ್ ಟೆನಿಸ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್ನಲ್ಲಿ ನಾಲ್ಕನೇ ಸುತ್ತು ಪ್ರವೇಶಿಸಿದ್ದಾರೆ.
ಏಜೆನ್ಸೀಸ್ 15 Mar 2016, 4:01 am
ಇಂಡಿಯನ್ ವೇಲ್ಸ್ ಟೆನಿಸ್ ಟೂರ್ನಿ ಡಬಲ್ಸ್ನಲ್ಲಿ ಸಾನಿಯಾ-ಮಾರ್ಟಿನಾ ಪ್ರಶಸ್ತಿ ಕನಸು ಭಗ್ನ
ಇಂಡಿಯನ್ ವೇಲ್ಸ್: ಅಮೆರಿಕದ ಸೆರೆನಾ ವಿಲಿಯಮ್ಸ್, ಆಗ್ನೇಸ್ಕಾ ರಾಡ್ವಾಂಸ್ಕಾ ಮತ್ತು ರೊಮೇನಿಯಾದ ಸಿಮೋನಾ ಹ್ಯಾಲೆಪ್ ಸೇರಿದಂತೆ ಅನೇಕರು ಇಲ್ಲಿ ನಡೆಯುತ್ತಿರುವ ಡಬ್ಲ್ಯುಟಿಎ ಇಂಡಿಯನ್ ವೇಲ್ಸ್ ಮಾಸ್ಟರ್ಸ್ ಟೆನಿಸ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್ನಲ್ಲಿ ನಾಲ್ಕನೇ ಸುತ್ತು ಪ್ರವೇಶಿಸಿದ್ದಾರೆ.
ಸೋಮವಾರ ನಡೆದ ಮೂರನೇ ಸುತ್ತಿನ ಪಂದ್ಯದಲ್ಲಿ ಅಗ್ರಮಾನ್ಯ ಆಟಗಾರ್ತಿ ಸೆರೆನಾ ವಿಲಿಯಮ್ಸ್ 7-6(7-2), 60 ಸೆಟ್ಗಳ ಅಂತರದಲ್ಲಿ ರಷ್ಯಾದ ಯೂಲಿಯಾ ಪುಟಿಂಟ್ಸೇವಾ ಅವರನ್ನು ಪರಾಭವಗೊಳಿಸಿ, ನಾಲ್ಕನೇ ಸುತ್ತಿಗೆ ಮುನ್ನಡೆದರು. ಮೊದಲ ಸೆಟ್ನಲ್ಲಿ ಯುವ ಆಟಗಾರ್ತಿಯ ಮಿಂಚಿನಾಟಕ್ಕೆ ಬೆರಗಾದ ಅನುಭವಿ ಸೆರೆನಾ ಕೊನೆಗೂ ಟೈ ಬ್ರೇಕರ್ನಲ್ಲಿ ಗೇಮ್ ಜಯಿಸಿದರು. ದ್ವಿತೀಯ ಸೆಟ್ನಲ್ಲಿ ಎದುರಾಳಿಗೆ ಕೇವಲ ಏಕೈಕ ಗೇಮ್ ಬಿಟ್ಟುಕೊಡದ ಸೆರೆನಾ ಸೆಟ್ ವಶಪಡಿಸಿಕೊಂಡು ಪಾರಮ್ಯ ಮೆರೆದರು.
ಇನ್ನೊಂದು ಹಣಾಹಣಿಯಲ್ಲಿ ಗಮನಾರ್ಹ ಪ್ರದರ್ಶನ ತೋರಿದ ಟೂರ್ನಿಯ 5ನೇ ಶ್ರೇಯಾಂಕಿತೆ ರೊಮೇನಿಯಾ ಆಟಗಾರ್ತಿ ಸಿಮೋನಾ ಹ್ಯಾಲೆಪ್ 6-2, 6-4 ನೇರ ಸೆಟ್ಗಳಿಂದ 30ನೇ ಶ್ರೇಯಾಂಕಿತೆ ರಷ್ಯಾದ ಎಕಟೆರಿನಾ ಮಕರೊವಾ ವಿರುದ್ಧ ಸುಲಭ ಜಯ ಕಂಡರು. ಒಂದು ತಾಸಿಗೂ ಅಧಿಕ ಸಮಯ ನಡೆದ ಪಂದ್ಯದಲ್ಲಿ ಮೊದಲ ಸೆಟ್ಟನ್ನು ಸುಲಭವಾಗಿ ಗೆದ್ದ ಹ್ಯಾಲೆಪ್ ಎರಡನೇ ಸೆಟ್ನಲ್ಲಿ ಪ್ರಬಲ ಪ್ರತಿ ಹೋರಾಟ ಎದುರಿಸಬೇಕಾಯಿತು.
ಮತ್ತೊಂದು ಮೂರನೇ ಸುತ್ತಿನ ಪಂದ್ಯದಲ್ಲಿ ಪೋಲೆಂಡ್ನ ಆಗ್ನೇಸ್ಕಾ ರಾಡ್ವಾಂಸ್ಕ 6-2, 6-1 ಸೆಟ್ಗಳಿಂದ ರೊಮೇನಿಯಾದ ಮೋನಿಕಾ.ಎನ್. ವಿರುದ್ಧ ಗೆದ್ದು ಮುನ್ನಡೆದರೆ, ಇತರ ಪಂದ್ಯಗಳಲ್ಲಿ ಪೆಟ್ರಾ ಕ್ವಿಟೋವಾ 6-3,4-6, 7-5ಸೆಟ್ಗಳಿಂದ ಸ್ವೀಡನ್ನ ಜೋಹನ್ನಾ ಲಾರ್ಸನ್ ವಿರುದ್ಧ ರೋಚಕ ಗೆಲುವು ಕಂಡರು. ಇವರಲ್ಲದೆ, ಜಲೆನಾ ಜಾಂಕೊವಿಕ್ ನಾಲ್ಕನೇ ಸುತ್ತು ತಲುಪಿದರು.
ಮೂರನೇ ಸುತ್ತಿಗೆ ಜೊಕೊವಿಕ್ಗೆ
ವಿಶ್ವದ ಅಗ್ರಮಾನ್ಯ ಆಟಗಾರ ಸರ್ಬಿಯಾದ ನೊವಾಕ್ ಜೊಕೊವಿಕ್ ಪುರುಷರ ಸಿಂಗಲ್ಸ್ನಲ್ಲಿ ಮೂರನೇ ಸುತ್ತಿಗೆ ಹೆಜ್ಜೆ ಹಾಕಿದರು.
ಸೋಮವಾರ ನಡೆದ ದ್ವಿತೀಯ ಸುತ್ತಿನ ಪಂದ್ಯದಲ್ಲಿ ಜೊಕೊವಿಕ್ 2-6, 6-1, 6-2 ಸೆಟ್ಗಳಿಂದ 149ನೇ ರ್ಯಾಂಕಿನ ಅಮೆರಿಕದ ಬ್ರೊಜಾನ್ ಫ್ರಟಾಂಜೆಲೊ ವಿರುದ್ಧ ಪ್ರಯಾಸದ ಜಯ ದಾಖಲಿಸಿದರು.
ಟೂರ್ನಿಯಲ್ಲಿ ಐದನೇ ಪ್ರಶಸ್ತಿ ಗೆದ್ದ ಮೊದಲ ಆಟಗಾರ ಎಂಬ ಹಿರಿಮೆಗೆ ಎದುರು ನೋಡುತ್ತಿರುವ ಜೊಕೊವಿಕ್, ಅಮೆರಿಕದ ಅನನುಭವಿ ವಿರುದ್ಧ ಸಾಕಷ್ಟು ಬೆವರು ಸುರಿಸಿದರು. ಒಂದು ಗಂಟೆ 46 ನಿಮಿಷ ನಡೆದ ಹೋರಾಟದಲ್ಲಿ ಅತ್ಯಂತ ಕಠಿಣ ಸವಾಲು ಎದುರಿಸಿದ ಸರ್ಬಿಯಾ ಆಟಗಾರ ಜೊಕೊವಿಕ್ ಎದುರಾಳಿ ಆಟದ ಅಬ್ಬರಕ್ಕೆ ಕೆಲವು ಸಮಯ ಗೊಂದಲಕ್ಕೂ ಸಿಲುಕಿ ಆರಂಭಿಕ ಸೆಟ್ ಕಳೆದುಕೊಂಡರು. ಆದರೆ ದ್ವಿತೀಯ ಮತ್ತು ಮೂರನೇ ಸೆಟ್ನಲ್ಲಿ ಚೇತೋಹಾರಿ ಪ್ರದರ್ಶನ ನೀಡಿದ ನಂ.1 ಆಟಗಾರ ಪ್ರಭುತ್ವ ಕಾಯ್ದುಕೊಳ್ಳುವಲ್ಲಿ ಯಶಸ್ವಿಯಾದರು. ಜೊಕೊವಿಕ್ ಮುಂದಿನ ಸುತ್ತಿನಲ್ಲಿ 27ನೇ ಶ್ರೇಯಾಂಕಿತ ಜರ್ಮನಿಯ ಫಿಲಿಪ್ ಕೊಲ್ಶೇಬರ್ ಅವರನ್ನು ಮುಖಾಮುಖಿಯಾಗಲಿದ್ದಾರೆ.
ಇನ್ನೊಂದು ಪಂದ್ಯದಲ್ಲಿ 4ನೇ ಶ್ರೇಯಾಂಕಿತ ಸ್ಪೇನ್ನ ರಾಫೆಲ್ ನಡಾಲ್ 6-2, 2-6, 6-4 ಸೆಟ್ಗಳಿಂದ ಲಕ್ಸಂಬರ್ಗ್ನ ಗಿಲ್ಲೆಸ್ ಮುಲ್ಲರ್ಗೆ ಸೋಲುಣಿಸಿ ಮೂರನೇ ಸುತ್ತು ತಲುಪಿದರೆ, ಅಮೆರಿಕದ ಜಾನ್ ಇಸ್ನರ್ ಎರಡನೇ ಸುತ್ತಿನಲ್ಲಿ 7-6(7-1), 6-4 ಇಟಲಿ ಆ್ಯಂಡ್ರೆಯಾಸ್ ಸೆಪ್ಪಿ ಎದುರು ವಿರೋಚಿತ ಗೆಲುವು ಕಂಡರು.
ಸಾನಿಯಾ-ಹಿಂಗಿಸ್ಗೆ ಆಘಾತ
ಭಾರತದ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಮತ್ತು ಸ್ವಿಜರ್ಲೆಂಡ್ನ ಮಾರ್ಟಿನಾ ಹಿಂಗಿಸ್ ಮಹಿಳೆಯರ ಡಬಲ್ಸ್ ವಿಭಾಗದಲ್ಲಿ ಮುಗ್ಗರಿಸಿ ಹೋರಾಟ ಕೊನೆಗೊಳಿಸಿದರು. ನಂ.1 ರ್ಯಾಂಕಿನ ಸಾನಿಯಾ ಮತ್ತು ಹಿಂಗಿಸ್ 6-7(7-9), 4-6 ನೇರ ಸೆಟ್ಗಳಿಂದ ಅಮೆರಿಕದ ವಾನಿಯಾ ಕಿಂಗ್ ಮತ್ತು ಅಲ್ಲಾ ಕುಡ್ರೆಯಾಸ್ಟೇವಾ ವಿರುದ್ಧ ವೀರೋಚಿತ ಸೋಲು ಕಂಡರು. ಈ ಮೂಲಕ ಪ್ರಶಸ್ತಿ ಮುಡಿಗೇರಿಸಿಕೊಳ್ಳುವ ಇಂಡೊ-ಸ್ವಿಸ್ ಜೋಡಿಯ ಕನಸು ಭಗ್ನಗೊಂಡಿತು.
ಇಂಡಿಯನ್ ವೇಲ್ಸ್: ಅಮೆರಿಕದ ಸೆರೆನಾ ವಿಲಿಯಮ್ಸ್, ಆಗ್ನೇಸ್ಕಾ ರಾಡ್ವಾಂಸ್ಕಾ ಮತ್ತು ರೊಮೇನಿಯಾದ ಸಿಮೋನಾ ಹ್ಯಾಲೆಪ್ ಸೇರಿದಂತೆ ಅನೇಕರು ಇಲ್ಲಿ ನಡೆಯುತ್ತಿರುವ ಡಬ್ಲ್ಯುಟಿಎ ಇಂಡಿಯನ್ ವೇಲ್ಸ್ ಮಾಸ್ಟರ್ಸ್ ಟೆನಿಸ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್ನಲ್ಲಿ ನಾಲ್ಕನೇ ಸುತ್ತು ಪ್ರವೇಶಿಸಿದ್ದಾರೆ.
ಸೋಮವಾರ ನಡೆದ ಮೂರನೇ ಸುತ್ತಿನ ಪಂದ್ಯದಲ್ಲಿ ಅಗ್ರಮಾನ್ಯ ಆಟಗಾರ್ತಿ ಸೆರೆನಾ ವಿಲಿಯಮ್ಸ್ 7-6(7-2), 60 ಸೆಟ್ಗಳ ಅಂತರದಲ್ಲಿ ರಷ್ಯಾದ ಯೂಲಿಯಾ ಪುಟಿಂಟ್ಸೇವಾ ಅವರನ್ನು ಪರಾಭವಗೊಳಿಸಿ, ನಾಲ್ಕನೇ ಸುತ್ತಿಗೆ ಮುನ್ನಡೆದರು. ಮೊದಲ ಸೆಟ್ನಲ್ಲಿ ಯುವ ಆಟಗಾರ್ತಿಯ ಮಿಂಚಿನಾಟಕ್ಕೆ ಬೆರಗಾದ ಅನುಭವಿ ಸೆರೆನಾ ಕೊನೆಗೂ ಟೈ ಬ್ರೇಕರ್ನಲ್ಲಿ ಗೇಮ್ ಜಯಿಸಿದರು. ದ್ವಿತೀಯ ಸೆಟ್ನಲ್ಲಿ ಎದುರಾಳಿಗೆ ಕೇವಲ ಏಕೈಕ ಗೇಮ್ ಬಿಟ್ಟುಕೊಡದ ಸೆರೆನಾ ಸೆಟ್ ವಶಪಡಿಸಿಕೊಂಡು ಪಾರಮ್ಯ ಮೆರೆದರು.
ಇನ್ನೊಂದು ಹಣಾಹಣಿಯಲ್ಲಿ ಗಮನಾರ್ಹ ಪ್ರದರ್ಶನ ತೋರಿದ ಟೂರ್ನಿಯ 5ನೇ ಶ್ರೇಯಾಂಕಿತೆ ರೊಮೇನಿಯಾ ಆಟಗಾರ್ತಿ ಸಿಮೋನಾ ಹ್ಯಾಲೆಪ್ 6-2, 6-4 ನೇರ ಸೆಟ್ಗಳಿಂದ 30ನೇ ಶ್ರೇಯಾಂಕಿತೆ ರಷ್ಯಾದ ಎಕಟೆರಿನಾ ಮಕರೊವಾ ವಿರುದ್ಧ ಸುಲಭ ಜಯ ಕಂಡರು. ಒಂದು ತಾಸಿಗೂ ಅಧಿಕ ಸಮಯ ನಡೆದ ಪಂದ್ಯದಲ್ಲಿ ಮೊದಲ ಸೆಟ್ಟನ್ನು ಸುಲಭವಾಗಿ ಗೆದ್ದ ಹ್ಯಾಲೆಪ್ ಎರಡನೇ ಸೆಟ್ನಲ್ಲಿ ಪ್ರಬಲ ಪ್ರತಿ ಹೋರಾಟ ಎದುರಿಸಬೇಕಾಯಿತು.
ಮತ್ತೊಂದು ಮೂರನೇ ಸುತ್ತಿನ ಪಂದ್ಯದಲ್ಲಿ ಪೋಲೆಂಡ್ನ ಆಗ್ನೇಸ್ಕಾ ರಾಡ್ವಾಂಸ್ಕ 6-2, 6-1 ಸೆಟ್ಗಳಿಂದ ರೊಮೇನಿಯಾದ ಮೋನಿಕಾ.ಎನ್. ವಿರುದ್ಧ ಗೆದ್ದು ಮುನ್ನಡೆದರೆ, ಇತರ ಪಂದ್ಯಗಳಲ್ಲಿ ಪೆಟ್ರಾ ಕ್ವಿಟೋವಾ 6-3,4-6, 7-5ಸೆಟ್ಗಳಿಂದ ಸ್ವೀಡನ್ನ ಜೋಹನ್ನಾ ಲಾರ್ಸನ್ ವಿರುದ್ಧ ರೋಚಕ ಗೆಲುವು ಕಂಡರು. ಇವರಲ್ಲದೆ, ಜಲೆನಾ ಜಾಂಕೊವಿಕ್ ನಾಲ್ಕನೇ ಸುತ್ತು ತಲುಪಿದರು.
ಮೂರನೇ ಸುತ್ತಿಗೆ ಜೊಕೊವಿಕ್ಗೆ
ವಿಶ್ವದ ಅಗ್ರಮಾನ್ಯ ಆಟಗಾರ ಸರ್ಬಿಯಾದ ನೊವಾಕ್ ಜೊಕೊವಿಕ್ ಪುರುಷರ ಸಿಂಗಲ್ಸ್ನಲ್ಲಿ ಮೂರನೇ ಸುತ್ತಿಗೆ ಹೆಜ್ಜೆ ಹಾಕಿದರು.
ಸೋಮವಾರ ನಡೆದ ದ್ವಿತೀಯ ಸುತ್ತಿನ ಪಂದ್ಯದಲ್ಲಿ ಜೊಕೊವಿಕ್ 2-6, 6-1, 6-2 ಸೆಟ್ಗಳಿಂದ 149ನೇ ರ್ಯಾಂಕಿನ ಅಮೆರಿಕದ ಬ್ರೊಜಾನ್ ಫ್ರಟಾಂಜೆಲೊ ವಿರುದ್ಧ ಪ್ರಯಾಸದ ಜಯ ದಾಖಲಿಸಿದರು.
ಟೂರ್ನಿಯಲ್ಲಿ ಐದನೇ ಪ್ರಶಸ್ತಿ ಗೆದ್ದ ಮೊದಲ ಆಟಗಾರ ಎಂಬ ಹಿರಿಮೆಗೆ ಎದುರು ನೋಡುತ್ತಿರುವ ಜೊಕೊವಿಕ್, ಅಮೆರಿಕದ ಅನನುಭವಿ ವಿರುದ್ಧ ಸಾಕಷ್ಟು ಬೆವರು ಸುರಿಸಿದರು. ಒಂದು ಗಂಟೆ 46 ನಿಮಿಷ ನಡೆದ ಹೋರಾಟದಲ್ಲಿ ಅತ್ಯಂತ ಕಠಿಣ ಸವಾಲು ಎದುರಿಸಿದ ಸರ್ಬಿಯಾ ಆಟಗಾರ ಜೊಕೊವಿಕ್ ಎದುರಾಳಿ ಆಟದ ಅಬ್ಬರಕ್ಕೆ ಕೆಲವು ಸಮಯ ಗೊಂದಲಕ್ಕೂ ಸಿಲುಕಿ ಆರಂಭಿಕ ಸೆಟ್ ಕಳೆದುಕೊಂಡರು. ಆದರೆ ದ್ವಿತೀಯ ಮತ್ತು ಮೂರನೇ ಸೆಟ್ನಲ್ಲಿ ಚೇತೋಹಾರಿ ಪ್ರದರ್ಶನ ನೀಡಿದ ನಂ.1 ಆಟಗಾರ ಪ್ರಭುತ್ವ ಕಾಯ್ದುಕೊಳ್ಳುವಲ್ಲಿ ಯಶಸ್ವಿಯಾದರು. ಜೊಕೊವಿಕ್ ಮುಂದಿನ ಸುತ್ತಿನಲ್ಲಿ 27ನೇ ಶ್ರೇಯಾಂಕಿತ ಜರ್ಮನಿಯ ಫಿಲಿಪ್ ಕೊಲ್ಶೇಬರ್ ಅವರನ್ನು ಮುಖಾಮುಖಿಯಾಗಲಿದ್ದಾರೆ.
ಇನ್ನೊಂದು ಪಂದ್ಯದಲ್ಲಿ 4ನೇ ಶ್ರೇಯಾಂಕಿತ ಸ್ಪೇನ್ನ ರಾಫೆಲ್ ನಡಾಲ್ 6-2, 2-6, 6-4 ಸೆಟ್ಗಳಿಂದ ಲಕ್ಸಂಬರ್ಗ್ನ ಗಿಲ್ಲೆಸ್ ಮುಲ್ಲರ್ಗೆ ಸೋಲುಣಿಸಿ ಮೂರನೇ ಸುತ್ತು ತಲುಪಿದರೆ, ಅಮೆರಿಕದ ಜಾನ್ ಇಸ್ನರ್ ಎರಡನೇ ಸುತ್ತಿನಲ್ಲಿ 7-6(7-1), 6-4 ಇಟಲಿ ಆ್ಯಂಡ್ರೆಯಾಸ್ ಸೆಪ್ಪಿ ಎದುರು ವಿರೋಚಿತ ಗೆಲುವು ಕಂಡರು.
ಸಾನಿಯಾ-ಹಿಂಗಿಸ್ಗೆ ಆಘಾತ
ಭಾರತದ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಮತ್ತು ಸ್ವಿಜರ್ಲೆಂಡ್ನ ಮಾರ್ಟಿನಾ ಹಿಂಗಿಸ್ ಮಹಿಳೆಯರ ಡಬಲ್ಸ್ ವಿಭಾಗದಲ್ಲಿ ಮುಗ್ಗರಿಸಿ ಹೋರಾಟ ಕೊನೆಗೊಳಿಸಿದರು. ನಂ.1 ರ್ಯಾಂಕಿನ ಸಾನಿಯಾ ಮತ್ತು ಹಿಂಗಿಸ್ 6-7(7-9), 4-6 ನೇರ ಸೆಟ್ಗಳಿಂದ ಅಮೆರಿಕದ ವಾನಿಯಾ ಕಿಂಗ್ ಮತ್ತು ಅಲ್ಲಾ ಕುಡ್ರೆಯಾಸ್ಟೇವಾ ವಿರುದ್ಧ ವೀರೋಚಿತ ಸೋಲು ಕಂಡರು. ಈ ಮೂಲಕ ಪ್ರಶಸ್ತಿ ಮುಡಿಗೇರಿಸಿಕೊಳ್ಳುವ ಇಂಡೊ-ಸ್ವಿಸ್ ಜೋಡಿಯ ಕನಸು ಭಗ್ನಗೊಂಡಿತು.