ಸೆರೆನಾ ಕನಸು ಮತ್ತೆ ಮರೀಚಿಕೆ
ದಾಖಲೆ ಎಂಟನೇ ಬಾರಿಗೆ ಆಸ್ಪ್ರೇಲಿಯನ್ ಓಪನ್ ಮಹಿಳಾ ಸಿಂಗಲ್ಸ್ ಟ್ರೋಫಿ ಚುಂಬಿಸುವ ಸೆರೆನಾ ವಿಲಿಯಮ್ಸ್ ಕನಸು ಅರ್ಧದಲ್ಲೇ ಮೊಟಕುಗೊಂಡಿದೆ.
Agencies 24 Jan 2019, 5:00 am
ಅಮೆರಿಕದ ಆಟಗಾರ್ತಿ ಸೆರೆನಾಗೆ ಈ ಬಾರಿ ಪ್ಲಿಸ್ಕೋವಾ ವಿಘ್ನ, 24 ಗ್ರ್ಯಾನ್ ಸ್ಪ್ಯಾಮ್ ಪ್ರಶಸ್ತಿ ಕನಸು ಭಗ್ನ
ಮೆಲ್ಬೋರ್ನ್ : ದಾಖಲೆ ಎಂಟನೇ ಬಾರಿಗೆ ಆಸ್ಪ್ರೇಲಿಯನ್ ಓಪನ್ ಮಹಿಳಾ ಸಿಂಗಲ್ಸ್ ಟ್ರೋಫಿ ಚುಂಬಿಸುವ ಸೆರೆನಾ ವಿಲಿಯಮ್ಸ್ ಕನಸು ಅರ್ಧದಲ್ಲೇ ಮೊಟಕುಗೊಂಡಿದೆ. ಈ ಬಾರಿ ಸೆರೆನಾ ಕನಸಿಗೆ ವಿಘ್ನ ತಂದೊಡ್ಡಿದ್ದು ಜೆಕ್ ಗಣರಾಜ್ಯದ ಆಟಗಾರ್ತಿ ಕರೊಲಿನಾ ಪ್ಲಿಸ್ಕೋವಾ. ಆರೂಚಿಲ್ಲರೆ ಅಡಿ ಎತ್ತರದ, ಕೆಂಚುಕೂದಲಿನ ಸುಂದರಿ ಪ್ಲಿಸ್ಕೋವಾ ಅಮೆರಿಕದ 37 ವರ್ಷದ ಹಿರಿಯ ಆಟಗಾರ್ತಿಯನ್ನು ಮೂರು ಸೆಟ್ಗಳ ಕಠಿಣ ಕದನದಲ್ಲಿ ಸೋಲಿಸಿ ಸೆಮಿಫೈನಲ್ ಪ್ರವೇಶಿಸಿದರು.
ಅಮೆರಿಕದ ಅಪ್ರತಿಮ ಟೆನಿಸ್ ಆಟಗಾರ್ತಿ ಸೆರೆನಾ ತಮ್ಮ ದೇಶದವರೇ ಆದ ಮಾರ್ಗರೆಟ್ ಕೋರ್ಟ್ ಅವರ 24 ಮಹಿಳಾ ಸಿಂಗಲ್ಸ್ ಗ್ರ್ಯಾನ್ ಸ್ಪ್ಯಾಮ್ ಪ್ರಶಸ್ತಿಗಳ ದಾಖಲೆ ಸರಿಗಟ್ಟುವ ಕನಸು ಕಾಣಲಾರಂಭಿಸಿ ಭರ್ತಿ ಎರಡು ವರ್ಷಗಳೇ ತೆರೆಮರೆಗೆ ಸರಿದುಹೋದವು. 2017ರ ಆಸ್ಪ್ರೇಲಿಯನ್ ಓಪನ್ ಫೈನಲ್ನಲ್ಲಿ ಗೆದ್ದು ತಮ್ಮ ಪ್ರಶಸ್ತಿಗಳ ಅಲ್ಮೇರಾದಲ್ಲಿ 23ನೇ ಗ್ರ್ಯಾನ್ ಸ್ಪ್ಯಾಮ್ ಟ್ರೋಫಿ ಜೋಡಿಸಿಟ್ಟ ಬಳಿಕ ಸೆರೆನಾ ಬಳಿಗೆ ಯಾವುದೇ ಪ್ರಶಸ್ತಿ ಸುಳಿದಿಲ್ಲ. ನಾಲ್ಕನೇ ಸುತ್ತಿನಲ್ಲಿ ಅಗ್ರ ಶ್ರೇಯಾಂಕದ ಆಟಗಾರ್ತಿ ಸಿಮೊನಾ ಹ್ಯಾಲೆಪ್ರನ್ನು ಸದೆಬಡಿದಿದ್ದೂ ಸೇರಿದಂತೆ ಕ್ವಾರ್ಟರ್ಫೈನಲ್ ತನಕ ಸಾಗಿಬಂದ ಪರಿ ನೋಡಿದವರು ಮಾರ್ಗರೆಟ್ ಕೋರ್ಟ್ರ 24 ಗ್ರ್ಯಾನ್ ಸ್ಪ್ಯಾಮ್ ಪ್ರಶಸ್ತಿಗಳ ದಾಖಲೆಯನ್ನು ಈ ಬಾರಿ ಸೆರೆನಾ ಸರಿಗಟ್ಟುವರೆಂದೇ ಭರವಸೆ ಇಟ್ಟುಕೊಂಡಿದ್ದರು. ಆದರೆ, ಬುಧವಾರ ಮೆಲ್ಬೋರ್ನ್ ಅಂಗಣದಲ್ಲಿ ಆಗಿದ್ದೇ ಬೇರೆ. ಶ್ರೇಷ್ಠ ಪ್ರದರ್ಶನ ಸಂಘಟಿಸಿದ 7ನೇ ಶ್ರೇಯಾಂಕದ ಆಟಗಾರ್ತಿ ಪ್ಲಿಸ್ಕೋವಾ ತಮ್ಮ ಪಾಲಿಗೆ ದೊರೆತ 4 ಮ್ಯಾಚ್ ಪಾಯಿಂಟ್ಗಳನ್ನು ರಕ್ಷಿಸಿಕೊಂಡು 6-4, 4-6, 7-5 ಸೆಟ್ಗಳಿಂದ ಸೆರೆನಾ ಆಸೆಯನ್ನು ನುಚ್ಚುನೂರು ಮಾಡಿಬಿಟ್ಟರು.
ದೈತ್ಯ ಸಂಹಾರಿಣಿ ಎನಿಸಿಕೊಂಡ 26ರ ತರುಣಿಗೆ ಇನ್ನು ಸೆಮಿಫೈನಲ್ನಲ್ಲಿ ನವೊಮಿ ಒಸಾಕಾ ಎದುರಾಳಿ. ಜಪಾನ್ ಆಟಗಾರ್ತಿ ನವೊಮಿ ಅಂತಿಮ 8ರ ಘಟ್ಟದ ಹಣಾಹಣಿಯಲ್ಲಿ ಎಲಿನಾ ಸ್ವಿಟೊಲಿನಾ ವಿರುದ್ಧ 6-4, 6-1ರಿಂದ ಗೆದ್ದು ಸೆಮಿಫೈನಲ್ಸ್ ಪ್ರವೇಶಿಸಿದ್ದಾರೆ. ಉಕ್ರೇನ್ ಆಟಗಾರ್ತಿ ಎಲಿನಾ ಪಂದ್ಯದ ವೇಳೆ ಗಾಯಗೊಂಡಿದ್ದರಿಂದ ನವೊಮಿಗೆ ಸುಲಭದಲ್ಲಿ ಗೆಲುವು ಒಲಿಯಿತು.
ಜೊಕೊವಿಕ್ ಹಾದಿ ಸುಗಮಗೊಳಿಸಿದ ನಿಶಿಕೊರಿ
ಬುಧವಾರ ನಡೆದ ಪುರುಷರ ಸಿಂಗಲ್ಸ್ ಕ್ವಾರ್ಟರ್ಫೈನಲ್ನಲ್ಲಿ ಅಗ್ರ ಶ್ರೇಯಾಂಕದ ಆಟಗಾರ ನೊವಾಕ್ ಜೊಕೊವಿಕ್ ಜಪಾನ್ನ ಕೀ ನಿಶಿಕೊರಿ ವಿರುದ್ಧ ನಿರಾಯಾಸ ಗೆಲುವು ಸಾಧಿಸಿ ಉಪಾಂತ್ಯ ಪ್ರವೇಶಿಸಿದರು. 1-6ರಿಂದ ಮೊದಲ ಸೆಟ್ ಸೋತಿದ್ದ 8ನೇ ಶ್ರೇಯಾಂಕದ ನಿಶಿಕೊರಿ 2ನೇ ಸೆಟ್ನಲ್ಲಿ 1-4ರ ಹಿನ್ನಡೆಯಲ್ಲಿದ್ದಾಗ ಗಾಯಗೊಂಡ ಪರಿಣಾಮ ಸ್ಪರ್ಧೆ ಬಿಟ್ಟುಕೊಟ್ಟರು.
ದಾಖಲೆ 7ನೇ ಆಸ್ಪ್ರೇಲಿಯನ್ ಓಪನ್ ಪ್ರಶಸ್ತಿಯತ್ತ ಚಿತ್ತ ನೆಟ್ಟಿರುವ ಸರ್ಬಿಯಾ ಆಟಗಾರನಿಗೆ ಅಂತಿಮ 4ರ ಘಟ್ಟದಲ್ಲಿ ಲ್ಯೂಕಾಸ್ ಪೌಲ್ ಎದುರಾಳಿ. 28ನೇ ಶ್ರೇಯಾಂಕದ ಫ್ರೆಂಚ್ ಆಟಗಾರ ಲ್ಯೂಕಾಸ್ ಇನ್ನೊಂದು ಕ್ವಾರ್ಟರ್ಫೈನಲ್ ಸೆಣಸಾಟದಲ್ಲಿ 7-6(4), 6-3, 6-7(2), 6-4 ಸೆಟ್ಗಳಿಂದ 16ನೇ ಶ್ರೇಯಾಂಕದ ಮಿಲೋಶ್ ರಾವ್ನಿಶ್ ವಿರುದ್ಧ ಗೆದ್ದು ಉಪಾಂತ್ಯಕ್ಕೆ ಲಗ್ಗೆ ಇಟ್ಟಿದ್ದಾರೆ. ಗ್ರ್ಯಾನ್ ಸ್ಪ್ಯಾಮ್ನಲ್ಲಿ ಲ್ಯೂಕಾಸ್ ಸೆಮಿಫೈನಲ್ಸ್ ಪ್ರವೇಶಿಸಿದ್ದು ಇದೇ ಮೊದಲು.
ಬುಧವಾರ ಪುರುಷರು ಮತ್ತು ಮಹಿಳೆಯರ ಸಿಂಗಲ್ಸ್ ಕ್ವಾರ್ಟರ್ಫೈನಲ್ ಸೆಣಸಾಟಗಳು ಮುಗಿದಿದ್ದು, ಗುರುವಾರ ಸೆಮಿಫೈನಲ್ಸ್ ಹಣಾಹಣಿಗಳು ನಡೆಯಲಿವೆ.
ಇಂದಿನ ಸೆಮಿಫೈನಲ್ಸ್
ಪುರುಷರ ಸಿಂಗಲ್ಸ್
ಸ್ಟೆಫಾನೋಸ್ ಸಿಟ್ಸಿಪಾಸ್
(14, ಗ್ರೀಸ್ ದೇಶ)
ವರ್ಸಸ್
ರಾಫೆಲ್ ನಡಾಲ್
(2, ಸ್ಪೇನ್ ದೇಶ)
ನೊವಾಕ್ ಜೊಕೊವಿಕ್
(1, ಸರ್ಬಿಯಾ)
ವರ್ಸಸ್
ಲ್ಯೂಕಾಸ್ ಪೌಲ್
(28, ಫ್ರಾನ್ಸ್)
ಮಹಿಳೆಯರ ಸಿಂಗಲ್ಸ್
ಕರೊಲಿನಾ ಪ್ಲಿಸ್ಕೋವಾ
(7, ಜೆಕ್ ಗಣರಾಜ್ಯ)
ವರ್ಸಸ್
ನವೊಮಿ ಒಸಾಕಾ
(4, ಜಪಾನ್)
ಪೆಟ್ರೊ ಕ್ವಿಟೋವಾ
(8, ಜೆಕ್ ಗಣರಾಜ್ಯ)
ವರ್ಸಸ್
ಡೇನಿಯೆಲ್ ಕಾಲಿನ್ಸ್
(35, ಅಮೆರಿಕ)
(ವಿ.ಸೂ.: ಕಂಸದಲ್ಲಿರುವುದು ಆಟಗಾರರ ವಿಶ್ವ ಶ್ರೇಯಾಂಕ)
ಮೆಲ್ಬೋರ್ನ್ : ದಾಖಲೆ ಎಂಟನೇ ಬಾರಿಗೆ ಆಸ್ಪ್ರೇಲಿಯನ್ ಓಪನ್ ಮಹಿಳಾ ಸಿಂಗಲ್ಸ್ ಟ್ರೋಫಿ ಚುಂಬಿಸುವ ಸೆರೆನಾ ವಿಲಿಯಮ್ಸ್ ಕನಸು ಅರ್ಧದಲ್ಲೇ ಮೊಟಕುಗೊಂಡಿದೆ. ಈ ಬಾರಿ ಸೆರೆನಾ ಕನಸಿಗೆ ವಿಘ್ನ ತಂದೊಡ್ಡಿದ್ದು ಜೆಕ್ ಗಣರಾಜ್ಯದ ಆಟಗಾರ್ತಿ ಕರೊಲಿನಾ ಪ್ಲಿಸ್ಕೋವಾ. ಆರೂಚಿಲ್ಲರೆ ಅಡಿ ಎತ್ತರದ, ಕೆಂಚುಕೂದಲಿನ ಸುಂದರಿ ಪ್ಲಿಸ್ಕೋವಾ ಅಮೆರಿಕದ 37 ವರ್ಷದ ಹಿರಿಯ ಆಟಗಾರ್ತಿಯನ್ನು ಮೂರು ಸೆಟ್ಗಳ ಕಠಿಣ ಕದನದಲ್ಲಿ ಸೋಲಿಸಿ ಸೆಮಿಫೈನಲ್ ಪ್ರವೇಶಿಸಿದರು.
ಅಮೆರಿಕದ ಅಪ್ರತಿಮ ಟೆನಿಸ್ ಆಟಗಾರ್ತಿ ಸೆರೆನಾ ತಮ್ಮ ದೇಶದವರೇ ಆದ ಮಾರ್ಗರೆಟ್ ಕೋರ್ಟ್ ಅವರ 24 ಮಹಿಳಾ ಸಿಂಗಲ್ಸ್ ಗ್ರ್ಯಾನ್ ಸ್ಪ್ಯಾಮ್ ಪ್ರಶಸ್ತಿಗಳ ದಾಖಲೆ ಸರಿಗಟ್ಟುವ ಕನಸು ಕಾಣಲಾರಂಭಿಸಿ ಭರ್ತಿ ಎರಡು ವರ್ಷಗಳೇ ತೆರೆಮರೆಗೆ ಸರಿದುಹೋದವು. 2017ರ ಆಸ್ಪ್ರೇಲಿಯನ್ ಓಪನ್ ಫೈನಲ್ನಲ್ಲಿ ಗೆದ್ದು ತಮ್ಮ ಪ್ರಶಸ್ತಿಗಳ ಅಲ್ಮೇರಾದಲ್ಲಿ 23ನೇ ಗ್ರ್ಯಾನ್ ಸ್ಪ್ಯಾಮ್ ಟ್ರೋಫಿ ಜೋಡಿಸಿಟ್ಟ ಬಳಿಕ ಸೆರೆನಾ ಬಳಿಗೆ ಯಾವುದೇ ಪ್ರಶಸ್ತಿ ಸುಳಿದಿಲ್ಲ. ನಾಲ್ಕನೇ ಸುತ್ತಿನಲ್ಲಿ ಅಗ್ರ ಶ್ರೇಯಾಂಕದ ಆಟಗಾರ್ತಿ ಸಿಮೊನಾ ಹ್ಯಾಲೆಪ್ರನ್ನು ಸದೆಬಡಿದಿದ್ದೂ ಸೇರಿದಂತೆ ಕ್ವಾರ್ಟರ್ಫೈನಲ್ ತನಕ ಸಾಗಿಬಂದ ಪರಿ ನೋಡಿದವರು ಮಾರ್ಗರೆಟ್ ಕೋರ್ಟ್ರ 24 ಗ್ರ್ಯಾನ್ ಸ್ಪ್ಯಾಮ್ ಪ್ರಶಸ್ತಿಗಳ ದಾಖಲೆಯನ್ನು ಈ ಬಾರಿ ಸೆರೆನಾ ಸರಿಗಟ್ಟುವರೆಂದೇ ಭರವಸೆ ಇಟ್ಟುಕೊಂಡಿದ್ದರು. ಆದರೆ, ಬುಧವಾರ ಮೆಲ್ಬೋರ್ನ್ ಅಂಗಣದಲ್ಲಿ ಆಗಿದ್ದೇ ಬೇರೆ. ಶ್ರೇಷ್ಠ ಪ್ರದರ್ಶನ ಸಂಘಟಿಸಿದ 7ನೇ ಶ್ರೇಯಾಂಕದ ಆಟಗಾರ್ತಿ ಪ್ಲಿಸ್ಕೋವಾ ತಮ್ಮ ಪಾಲಿಗೆ ದೊರೆತ 4 ಮ್ಯಾಚ್ ಪಾಯಿಂಟ್ಗಳನ್ನು ರಕ್ಷಿಸಿಕೊಂಡು 6-4, 4-6, 7-5 ಸೆಟ್ಗಳಿಂದ ಸೆರೆನಾ ಆಸೆಯನ್ನು ನುಚ್ಚುನೂರು ಮಾಡಿಬಿಟ್ಟರು.
ದೈತ್ಯ ಸಂಹಾರಿಣಿ ಎನಿಸಿಕೊಂಡ 26ರ ತರುಣಿಗೆ ಇನ್ನು ಸೆಮಿಫೈನಲ್ನಲ್ಲಿ ನವೊಮಿ ಒಸಾಕಾ ಎದುರಾಳಿ. ಜಪಾನ್ ಆಟಗಾರ್ತಿ ನವೊಮಿ ಅಂತಿಮ 8ರ ಘಟ್ಟದ ಹಣಾಹಣಿಯಲ್ಲಿ ಎಲಿನಾ ಸ್ವಿಟೊಲಿನಾ ವಿರುದ್ಧ 6-4, 6-1ರಿಂದ ಗೆದ್ದು ಸೆಮಿಫೈನಲ್ಸ್ ಪ್ರವೇಶಿಸಿದ್ದಾರೆ. ಉಕ್ರೇನ್ ಆಟಗಾರ್ತಿ ಎಲಿನಾ ಪಂದ್ಯದ ವೇಳೆ ಗಾಯಗೊಂಡಿದ್ದರಿಂದ ನವೊಮಿಗೆ ಸುಲಭದಲ್ಲಿ ಗೆಲುವು ಒಲಿಯಿತು.
ಜೊಕೊವಿಕ್ ಹಾದಿ ಸುಗಮಗೊಳಿಸಿದ ನಿಶಿಕೊರಿ
ಬುಧವಾರ ನಡೆದ ಪುರುಷರ ಸಿಂಗಲ್ಸ್ ಕ್ವಾರ್ಟರ್ಫೈನಲ್ನಲ್ಲಿ ಅಗ್ರ ಶ್ರೇಯಾಂಕದ ಆಟಗಾರ ನೊವಾಕ್ ಜೊಕೊವಿಕ್ ಜಪಾನ್ನ ಕೀ ನಿಶಿಕೊರಿ ವಿರುದ್ಧ ನಿರಾಯಾಸ ಗೆಲುವು ಸಾಧಿಸಿ ಉಪಾಂತ್ಯ ಪ್ರವೇಶಿಸಿದರು. 1-6ರಿಂದ ಮೊದಲ ಸೆಟ್ ಸೋತಿದ್ದ 8ನೇ ಶ್ರೇಯಾಂಕದ ನಿಶಿಕೊರಿ 2ನೇ ಸೆಟ್ನಲ್ಲಿ 1-4ರ ಹಿನ್ನಡೆಯಲ್ಲಿದ್ದಾಗ ಗಾಯಗೊಂಡ ಪರಿಣಾಮ ಸ್ಪರ್ಧೆ ಬಿಟ್ಟುಕೊಟ್ಟರು.
ದಾಖಲೆ 7ನೇ ಆಸ್ಪ್ರೇಲಿಯನ್ ಓಪನ್ ಪ್ರಶಸ್ತಿಯತ್ತ ಚಿತ್ತ ನೆಟ್ಟಿರುವ ಸರ್ಬಿಯಾ ಆಟಗಾರನಿಗೆ ಅಂತಿಮ 4ರ ಘಟ್ಟದಲ್ಲಿ ಲ್ಯೂಕಾಸ್ ಪೌಲ್ ಎದುರಾಳಿ. 28ನೇ ಶ್ರೇಯಾಂಕದ ಫ್ರೆಂಚ್ ಆಟಗಾರ ಲ್ಯೂಕಾಸ್ ಇನ್ನೊಂದು ಕ್ವಾರ್ಟರ್ಫೈನಲ್ ಸೆಣಸಾಟದಲ್ಲಿ 7-6(4), 6-3, 6-7(2), 6-4 ಸೆಟ್ಗಳಿಂದ 16ನೇ ಶ್ರೇಯಾಂಕದ ಮಿಲೋಶ್ ರಾವ್ನಿಶ್ ವಿರುದ್ಧ ಗೆದ್ದು ಉಪಾಂತ್ಯಕ್ಕೆ ಲಗ್ಗೆ ಇಟ್ಟಿದ್ದಾರೆ. ಗ್ರ್ಯಾನ್ ಸ್ಪ್ಯಾಮ್ನಲ್ಲಿ ಲ್ಯೂಕಾಸ್ ಸೆಮಿಫೈನಲ್ಸ್ ಪ್ರವೇಶಿಸಿದ್ದು ಇದೇ ಮೊದಲು.
ಬುಧವಾರ ಪುರುಷರು ಮತ್ತು ಮಹಿಳೆಯರ ಸಿಂಗಲ್ಸ್ ಕ್ವಾರ್ಟರ್ಫೈನಲ್ ಸೆಣಸಾಟಗಳು ಮುಗಿದಿದ್ದು, ಗುರುವಾರ ಸೆಮಿಫೈನಲ್ಸ್ ಹಣಾಹಣಿಗಳು ನಡೆಯಲಿವೆ.
ಇಂದಿನ ಸೆಮಿಫೈನಲ್ಸ್
ಪುರುಷರ ಸಿಂಗಲ್ಸ್
ಸ್ಟೆಫಾನೋಸ್ ಸಿಟ್ಸಿಪಾಸ್
(14, ಗ್ರೀಸ್ ದೇಶ)
ವರ್ಸಸ್
ರಾಫೆಲ್ ನಡಾಲ್
(2, ಸ್ಪೇನ್ ದೇಶ)
ನೊವಾಕ್ ಜೊಕೊವಿಕ್
(1, ಸರ್ಬಿಯಾ)
ವರ್ಸಸ್
ಲ್ಯೂಕಾಸ್ ಪೌಲ್
(28, ಫ್ರಾನ್ಸ್)
ಮಹಿಳೆಯರ ಸಿಂಗಲ್ಸ್
ಕರೊಲಿನಾ ಪ್ಲಿಸ್ಕೋವಾ
(7, ಜೆಕ್ ಗಣರಾಜ್ಯ)
ವರ್ಸಸ್
ನವೊಮಿ ಒಸಾಕಾ
(4, ಜಪಾನ್)
ಪೆಟ್ರೊ ಕ್ವಿಟೋವಾ
(8, ಜೆಕ್ ಗಣರಾಜ್ಯ)
ವರ್ಸಸ್
ಡೇನಿಯೆಲ್ ಕಾಲಿನ್ಸ್
(35, ಅಮೆರಿಕ)
(ವಿ.ಸೂ.: ಕಂಸದಲ್ಲಿರುವುದು ಆಟಗಾರರ ವಿಶ್ವ ಶ್ರೇಯಾಂಕ)