ವುಹಾನ್‌: ಅಂತಿಮ ಕ್ಷ ಣದ ಒತ್ತಡ ನಿರ್ವಹಿಸುವಲ್ಲಿ ವಿಫಲರಾದ ಭಾರತದ ಪಿ.ವಿ ಸಿಂಧೂ ಇಲ್ಲಿ ನಡೆಯುತ್ತಿರುವ ಬ್ಯಾಡ್ಮಿಂಟನ್‌ ಏಷ್ಯಾ ಚಾಂಪಿಯನ್‌ಷಿಪ್‌ನ ಮಹಿಳೆಯರ ಸಿಂಗಲ್ಸ್‌ ವಿಭಾಗದ ಕ್ವಾರ್ಟರ್‌ ಫೈನಲ್‌ನಲ್ಲಿ ಚೀನಾದ ಹಿ ಬಿಂಗ್ಜಿಯಾವೊ ಎದುರು ಸೋತು ಹೋರಾಟ ಕೊನೆಗೊಳಿಸಿದ್ದಾರೆ.
ಇಲ್ಲಿನ ವುಹಾನ್‌ ಸ್ಪೋರ್ಟ್ಸ್ ಸೆಂಟರ್‌ ಜಿಮ್ನಾಶಿಯಂ ಒಳಾಂಗಣ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ಎಂಟರ ಘಟ್ಟದ ಪಂದ್ಯದಲ್ಲಿ ವಿಶ್ವದ 3ನೇ ರಾರ‍ಯಂಕಿನ ಆಟಗಾರ್ತಿ ಸಿಂಧೂ 21-15, 14-21, 22-24ರಲ್ಲಿ ಬಿಂಗ್ಜಿಯಾವೊ ವಿರುದ್ಧ ಶರಣಾದರು. ಸಿಂಧೂ ಸೋಲಿನೊಂದಿಗೆ ಟೂರ್ನಿಯಲ್ಲಿ ಭಾರತದ ಹೋರಾಟ ಕೊನೆಗೊಂಡಂತಾಯಿತು.
ಮೊದಲ ಗೇಮ್‌ ಗೆದ್ದು ಶುಭಾರಂಭ ಮಾಡಿದ ಸಿಂಧೂ, ದ್ವಿತೀಯ ಗೇಮ್‌ನಲ್ಲಿ ಎದುರಾಳಿ ದಿಟ್ಟ ಆಟಕ್ಕೆ ಕುಸಿದರು.ಆದರೆ ನಿರ್ಣಾಯಕ ಗೇಮ್‌ನಲ್ಲಿ ತಿರುಗೇಟು ನೀಡಿದರಾದರೂ ಕೊನೆ ಕ್ಷ ಣದ ಒತ್ತಡ ಮೆಟ್ಟಿನಿಲ್ಲುವಲ್ಲಿ ವಿಫಲರಾದರು.