ಸ್ಟೀಫನ್ಸ್ ಮುಡಿಗೆ ಯುಎಸ್ ಓಪನ್ ಕಿರೀಟ

ನ್ಯೂಯಾರ್ಕ್‌: ತಮ್ಮದೇ ಸ್ವದೇಶದವರಾದ ಮ್ಯಾಡಿಸನ್ ಕೀಯ್ಸ್ ಅವರನ್ನು ಮಣಿಸಿರುವ ಸ್ಲೋಯೆನ್ ಸ್ಟೀಫನ್ಸ್ ಪ್ರತಿಷ್ಠಿತ ಅಮೆರಿಕನ್ ಓಪನ್ ಮಹಿಳಾ ಸಿಂಗಲ್ಸ್ ವಿಭಾಗದಲ್ಲಿ ಕಿರೀಟ ಮುಡಿಗೇರಿಸಿಕೊಂಡಿದ್ದಾರೆ.

2017ನೇ ಸಾಲಿನ ಪ್ರತಿಷ್ಠಿತ ಗ್ರ್ಯಾನ್ ಸ್ಲಾಮ್ ಟೂರ್ನಿಯ ಸೆಮಿಫೈನಲ್‌ಗೆ ಎಲ್ಲ ನಾಲ್ಕು ಮಂದಿ ಸ್ಪರ್ಧಿಗಳು ಅಮೆಕದವರೇ ಪ್ರವೇಶಿಸಿರುವುದು ವಿಶೇಷವೆನಿಸಿತ್ತು.

ಈಗ 11 ತಿಂಗಳ ಗಾಯಕ್ಕೆ ವಿರಾಮ ಹಾಡಿರುವ ಸ್ಟೀಫನ್ಸ್ ಗೆಲುವಿನ ಮೂಲಕ ಭರ್ಜರಿ ಪುನರಾಗಮನ ಮಾಡಿಕೊಂಡಿದ್ದಾರೆ.

ಶನಿವಾರ ರಾತ್ರಿ ನಡೆದ ಫೈನಲ್ ಮುಖಾಮುಖಿಯಲ್ಲಿ ಎದುರಾಗಿ ಕೀಯ್ಸ್ ಅವರನ್ನು 6-3, 6-0 ನೇರ ಅಂತರದಲ್ಲಿ ಮಣಿಸಿ ಪ್ರಶಸ್ತಿಗೆ ಮುತ್ತಿಕ್ಕದರು.

ಈ ಮೂಲಕ ಮಹಿಳಾ ಗ್ರ್ಯಾನ್ ಸ್ಲಾಮ್ ಗೆದ್ದ ಐದನೇ ಶ್ರೇಯಾಂಕ ರಹಿತ ಆಟಗಾರ್ತಿ ಎನಿಸಿಕೊಂಡಿದ್ದಾರೆ.

ಇದಕ್ಕೂ ಮೊದಲು ನಡೆದ ಸೆಮಿ ಹೋರಾಟದಲ್ಲಿ ಏಳು ಬಾರಿಯ ಗ್ರ್ಯಾನ್ ಸ್ಲಾಮ್ ಚಾಂಪೀಯನ್ ವೀನಸ್ ವಿಲಿಯಮ್ಸ್ ಮಣಿಸಿ ಸ್ಟೀಫನ್ಸ್ ಫೈನಲ್‌ಗೆ ಪ್ರವೇಶ ಪಡೆದಿದ್ದರು.

ಅತ್ತ ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಜೆಮಿ ಮುರ್ರೆ ಮತ್ತು ಮಾರ್ಟಿನಾ ಹಿಂಗಿಸ್ ಪ್ರಶಸ್ತಿ ಬಗಲಿಗೇರಿಸಿಕೊಂಡಿದ್ದಾರೆ. ಫೈನಲ್ ಮುಖಾಮುಖಿಯಲ್ಲಿ ಮೈಕಲ್ ವೀನಸ್ ಮತ್ತು ಚಾನ್ ಹಾವೂ ಚಿಂಗ್ ವಿರುದ್ಧ 6-1, 4-6, 10-8ರ ರೋಚಕ ಅಂತರದಲ್ಲಿ ಗೆಲುವು ದಾಖಲಿಸಿದ್ದರು.