ಜೋತ್ಸ್ನಾಗೆ ಸೋಲು

ಕೈರೊ (ಈಜಿಪ್ತ್‌) : ಭಾರತದ ಮುಂಚೂಣಿ ಸ್ಕ್ವಾಷ್‌ ಆಟಗಾರ್ತಿ ಜೋತ್ಸ್ನಾ ಚಿನ್ನಪ್ಪ ಬ್ಲ್ಯಾಕ್‌ ಬಾಲ್‌ ಸ್ಕ್ವಾಷ್‌ ಓಪನ್‌ನಲ್ಲಿ ಸ್ಪರ್ಧೆ ಮುಗಿಸಿದ್ದಾರೆ.

ಇಲ್ಲಿ ಬುಧವಾರ ತಡರಾತ್ರಿ ನಡೆದ ಕ್ವಾರ್ಟರ್‌ಫೈನಲ್‌ ಹಣಾಹಣಿಯಲ್ಲಿ ಜೋತ್ಸ್ನಾ ವಿಶ್ವದ 5ನೇ ಶ್ರೇಯಾಂಕದ ಆಟಗಾರ್ತಿ ಜೋಯೆಲ್‌ ಕಿಂಗ್‌ಗೆ ಶರಣಾದರು. ಟೂರ್ನಿಯಲ್ಲಿ 3ನೇ ಶ್ರೇಯಾಂಕ ಪಡೆದಿದ್ದ ಕಿಂಗ್‌ ಭಾರತೀಯ ಆಟಗಾರ್ತಿಯನ್ನು 3-2ರ (7-11, 12-10, 2-11, 11-5, 11-8) ಅಂತರದಿಂದ ಸೋಲಿಸಿದರು. ಜೋತ್ಸ್ನಾ ಇದಕ್ಕೂ ಮೊದಲು ನಿಕೋಲ್‌ ಡೇವಿಡ್‌, ಸಾರಾ ಜಾನ್‌ ಪೆರ್ರಿ ಮುಂತಾದ ಘಟಾನುಘಟಿಗಳನ್ನು ಸೋಲಿಸಿದ್ದರು.