2 ಪಂದ್ಯಗಳಿಗೆ ಸ್ಟುವರ್ಟ್‌ ಲಾ ಅಮಾನತು

ಹೈದರಾಬಾದ್‌: ಪಂದ್ಯದ ರೆಫ್ರಿ ವಿರುದ್ಧ ಅನುಚಿತ ಟೀಕೆ ವ್ಯಕ್ತಪಡಿಸಿದ ಆರೋಪದ ಮೇರೆಗೆ ವೆಸ್ಟ್‌ ಇಂಡೀಸ್‌ ತಂಡದ ಕೋಚ್‌ ಸ್ಟುವರ್ಟ್‌ ಲಾ ಅವರನ್ನು ಭಾರತ ಎದುರಿನ ಮೊದಲೆರಡು ಏಕದಿನ ಪಂದ್ಯಗಳಿಂದ ಅಮಾನತುಗೊಂಡಿದ್ದಾರೆ.

ಟೆಸ್ಟ್‌ ಸರಣಿಯಲ್ಲಿ ನೀರಸ ಪ್ರದರ್ಶನ ನೀಡಿದ ನಂತರ ಕೆರಿಬಿಯನ್‌ ತಂಡ ಹಲವು ಸಮಸ್ಯೆಗಳಿಗೆ ತುತ್ತಾಗಿದೆ. ಅಮಾನತು ಶಿಕ್ಷೆ ಅಲ್ಲದೆ ಪಂದ್ಯದ ಶುಲ್ಕದ ಶೇ.100ರಷ್ಟನ್ನು ದಂಡವಾಗಿ ವಿಧಿಸಲಾಗಿದೆ ಎಂದು ಐಸಿಸಿ ಹೇಳಿದೆ.

ಈ ಬೆಳವಣಿಗೆಯಿಂದಾಗಿ ಕಳೆದ 24 ತಿಂಗಳ ಅವಧಿಯಲ್ಲಿ ಲಾ ವಿರುದ್ಧ ಒಟ್ಟಾರೆ ನಾಲ್ಕು ಡೀಮೆರಿಟ್ಸ್‌ ಅಂಕಗಳನ್ನು ಐಸಿಸಿ ಸಂಗ್ರಹಿಸಿದೆ. ಈ ಮೂಲಕ ಗುವಾಹಟಿ ಮತ್ತು ವಿಶಾಖಪಟ್ಟಣದಲ್ಲಿ ಕ್ರಮವಾಗಿ ಅ.21 ಮತ್ತು ಅ.24ರಂದು ನಡೆಯಲಿರುವ ಏಕದಿನ ಕ್ರಿಕೆಟ್‌ ಪಂದ್ಯಗಳಿಗೆ ಲಾ ಅವರನ್ನು ಅಮಾನತು ಗೊಳಿಸಿದೆ.