ವಾಷಿಂಗ್ಟನ್‌: ಅಮೆರಿಕ ಜಿಮ್ನಾಸ್ಟಿಕ್‌ ತಂಡದ ವೈದ್ಯ ಲ್ಯಾರಿ ನಸ್ಸಾರ್‌ ಲೈಂಗಿಕ ಕಿರುಕುಳ ನೀಡಿದ್ದಾರೆಂದು ಒಲಿಂಪಿಕ್ಸ್‌ನಲ್ಲಿ ಮೂರು ಬಾರಿ ಚಿನ್ನದ ಪದಕ ಗೆದ್ದಿರುವ ಜಿಮ್ನಾಸ್ಟ್‌ ಗ್ಯಾಬ್ಬಿ ಡೌಗ್ಲಾಸ್‌ ಆರೋಪಿಸಿದ್ದಾರೆ.
ಮಕ್ಕಳಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪದಲ್ಲಿ ಈಗಾಗಲೇ ತಪ್ಪಿತಸ್ಥರಾಗಿರುವ ನಸ್ಸಾರ್‌ ಅವರಿಂದ ತಾನು ಲೈಂಗಿಕ ಕಿರುಕುಳ ಅನುಭವಿಸಿದ್ದೇನೆ ಎಂದು ಚಾಂಪಿಯನ್‌ಜಿಮ್ನಾಸ್ಟ್‌ ಹೇಳಿದ್ದಾರೆ.
'ಸ್ಪರ್ಧೆಯ ವೇಳೆ ನಾವು ಬಿಗಿ ಉಡುಪು ಧರಿಸುವುದರಿಂದ ಲ್ಯಾರಿ ನಸ್ಸಾರ್‌ ಲೈಂಗಿಕ ಕಿರುಕುಳಕ್ಕೆ ಬಲಿಯಾಗುತ್ತಿದ್ದೇವೆ, ಬಿಗಿ ಉಡುಪು ಧರಿಸಿದ್ದು ನಮ್ಮ ತಪ್ಪು,' ಎಂದು ಡೌಗ್ಲಾಸ್‌ ಇನ್‌ಸ್ಟಾಗ್ರಾಮ್‌ನಲ್ಲಿ ಹೇಳಿಕೆ ನೀಡಿದ್ದಾರೆ.
'ಕೆಲವೊಂದು ವಿಚಾರಗಳನ್ನು ನಾವು ಸಾರ್ವಜನಿಕವಾಗಿ ಹಂಚಿಕೊಳ್ಳಬಯಸುವುದಿಲ್ಲ, ಏಕೆಂದರೆ ಕೆಲವೊಂದು ವರ್ಷಗಳ ಕಾಲ ಮೌನವಾಗಿರಬೇಕಿತ್ತು. ಕೆಲ ವಿಷಯಗಳು ಅತೀವ ನೋವನ್ನುಂಟು ಮಾಡಿವೆ,' ಎಂದರು. ಡೌಗ್ಲಾಸ್‌ ಪರ ವಕೀಲ ಜೆಫ್‌ ರೇಮಾಂಡ್‌ ಕೂಡ ಈ ವಿಷಯವನ್ನು ಖಚಿತಪಡಿಸಿದ್ದಾರೆ.