ನಿಷೇಧದಿಂದ ಸೌಮ್ಯಜಿತ್‌ಗೆ ಮುಕ್ತಿ

ಕೋಲ್ಕೊತಾ: ಅಂತಾರಾಷ್ಟ್ರೀಯ ಟಿಟಿ ಆಟಗಾರ ಹಾಗೂ ಮಾಜಿ ರಾಷ್ಟ್ರೀಯ ಚಾಂಪಿಯನ್‌ ಸೌಮ್ಯಜಿತ್‌ ಘೋಷ್‌ ವಿರುದ್ಧ ಹೇರಿದ್ದ ನಿಷೇಧವನ್ನು ಭಾರತೀಯ ಟೇಬಲ್‌ ಟೆನಿಸ್‌ ಒಕ್ಕೂಟ (ಐಟಿಟಿಎಫ್‌) ಭಾನುವಾರ ಹಿಂಪಡೆದಿದೆ.

ಇದರೊಂದಿಗೆ ಪಶ್ಚಿಮ ಬಂಗಾಳ ಮೂಲದ 25 ವರ್ಷದ ಯುವ ಪ್ರತಿಭೆ ಸೌಮ್ಯಜಿತ್‌ ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಟೂರ್ನಿಗಳಲ್ಲಿ ಸ್ಪರ್ಧೆಗಳಿಗೆ ಹಿಂದಿರುಗಬಹುದಾಗಿದೆ. ಸೌಮ್ಯಜಿತ್‌ ಅವರ ಮಾಜಿ ಪ್ರೇಯಸಿ ಅತ್ಯಾಚಾರ ಆರೋಪ ಹೊರಿಸಿದ್ದ ಹಿನ್ನೆಲೆಯಲ್ಲಿ ಇದೇ ವರ್ಷ ಮಾರ್ಚ್‌ನಲ್ಲಿ ಐಟಿಟಿಎಫ್‌ ನಿಷೇಧ ಜಾರಿಗೊಳಿಸಿತ್ತು.

ಸೌಮ್ಯಜಿತ್‌, ತಮ್ಮ ವಿರುದ್ಧ ಆರೋಪ ಹೊರಿಸಿದ್ದ ಪ್ರೇಯಸಿಯನ್ನೇ ಮದುವೆಯಾಗುವ ಮೂಲಕ ಗೊಂದಲ ಬಗೆಹರಿಸಿಕೊಂಡಿದ್ದಾರೆ.