ಅಥ್ಲೆಟಿಕ್ಸ್‌: ಹಿಮಾದಾಸ್‌ ಹಿಂದಿಕ್ಕಿದ ವಿಸ್ಮಯಾ

ಸಂಗ್ರೂರ್‌ (ಪಂಜಾಬ್‌) : ಅಚ್ಚರಿ ಪ್ರದರ್ಶನ ತೋರಿದ ವಿ.ಕೆ.ವಿಸ್ಮಯಾ (53.80 ಸೆ.) ಇಲ್ಲಿನ ವಾರ್‌ ಹೀರೋಸ್‌ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಇಂಡಿಯನ್‌ ಗ್ರ್ಯಾನ್‌ ಪ್ರಿ-3 ಅಥ್ಲೆಟಿಕ್‌ ಕ್ರೀಡಾಕೂಟದ ಮಹಿಳೆಯರ 400 ಮೀ. ಓಟದ ಸ್ಪರ್ಧೆಯಲ್ಲಿ ಶನಿವಾರ ಕರ್ನಾಟಕದ ಎಂ.ಆರ್‌.ಪೂವಮ್ಮ (54.06 ಸೆ., 2ನೇ ಸ್ಥಾನ) ಮತ್ತು ಹಿಮಾದಾಸ್‌ (55.19 ಸೆ.) ಅವರನ್ನು ಹಿಂದಿಕ್ಕಿ ಚಿನ್ನಕ್ಕೆ ಕೊರಳೊಡ್ಡಿದ್ದಾರೆ.

2018ರ ಏಷ್ಯನ್‌ ಗೇಮ್ಸ್‌ನ ಮಹಿಳೆಯರ 4*400 ಮೀ. ರಿಲೇ ಸ್ಪರ್ಧೆಯಲ್ಲಿ ಚಿನ್ನ ಗೆದ್ದ ತಂಡದಲ್ಲಿದ್ದ 22ರ ತರುಣಿ ವಿಸ್ಮಯಾ, ಎರಡು ಬಾರಿಯ ಏಷ್ಯನ್‌ ಗೇಮ್ಸ್‌ ಚಿನ್ನದ ಪದಕ ವಿಜೇತೆ ಪೂವಮ್ಮ ಮತ್ತು ವಿಶ್ವ ಜೂನಿಯರ್‌ ಚಾಂಪಿಯನ್‌ ಹಾಗೂ ರಾಷ್ಟ್ರೀಯ ದಾಖಲೆ ಒಡತಿ ಹಿಮಾದಾಸ್‌ ಅವರ ತುರುಸಿನ ಪೈಪೋಟಿಯನ್ನು ಹಿಂದಿಕ್ಕಿ ಮೊದಲ ಸ್ಥಾನ ತಮ್ಮದಾಗಿಸಿಕೊಂಡರು.