PKL 2019: ಬೆಂಗಳೂರು-ಗುಜರಾತ್ ನಡುವೆ ಸೆಣಸಾಟ

ಬೆಂಗಳೂರು: ಪ್ರಸಕ್ತ ಸಾಲಿನ ವಿವೋ ಪ್ರೊ ಕಬಡ್ಡಿಯಲ್ಲಿ ಶನಿವಾರ ಉದ್ಘಾಟನಾ ದಿನದಂದು ಎರಡನೇ ಪಂದ್ಯದಲ್ಲಿ ಗೆಲುವು ಸಾಧಿಸಿರುವ ಬೆಂಗಳೂರು ಬುಲ್ಸ್, ಭಾನುವಾರ ಗುಜರಾತ್ ಫಾರ್ಚೂನ್‌ಜೈಂಟ್ಸ್‌ ವಿರುದ್ಧ ಆಡಲಿದೆ.

ಶನಿವಾರ ಹೈದರಾಬಾದ್‌ನ ಗಾಚಿಬೌಲಿ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ಪಟನಾ ಪೈರೇಟ್ಸ್ ಅನ್ನು 34 - 32 ಅಂತರದಲ್ಲಿ ಸೋಲಿಸಿತ್ತು.

ಭಾನುವಾರ ಮೊದಲ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ಗುಜರಾತ್ ಫಾರ್ಚೂನ್‌ಜೈಂಟ್ಸ್‌ ವಿರುದ್ಧ ಆಡುತ್ತಿದ್ದು, ಮತ್ತೊಂದು ಗೆಲುವಿನ ವಿಶ್ವಾಸದಲ್ಲಿದೆ.

ಭಾನುವಾರದ ಎರಡನೇ ಮತ್ತು ಟೂರ್ನಿಯ ನಾಲ್ಕನೇ ಪಂದ್ಯದಲ್ಲಿ ತೆಲುಗು ಟೈಟಾನ್ಸ್, ತಮಿಳು ತಲೈವಾಸ್‌ ವಿರುದ್ಧ ಆಡುತ್ತಿದೆ.

ಬೆಂಗಳೂರು-ಗುಜರಾತ್ ಪಂದ್ಯ ಸಂಜೆ 7:30ಕ್ಕೆ ಆರಂಭವಾದರೆ, ತೆಲುಗು ಟೈಟಾನ್ಸ್-ತಮಿಳು ತಲೈವಾಸ್ ಪಂದ್ಯ ರಾತ್ರಿ 8:30ಕ್ಕೆ ನಡೆಯಲಿದೆ.
ಶನಿವಾರದ ಉದ್ಘಾಟನಾ ಪಂದ್ಯದಲ್ಲಿ ಯು ಮುಂಬಾ ತೆಲುಗು ಟೈಟಾನ್ಸ್ ವಿರುದ್ಧ 31-25 ಅಂತರದ ಗೆಲುವು ಸಾಧಿಸಿತ್ತು.