ಕೈ ನಾಯಕ ಆನಂದ್ ಸಿಂಗ್‌ಗೆ ಐಟಿ ಶಾಕ್

ಬಾಗಲಕೋಟೆ: ಹೊಸಪೇಟೆ ಶಾಸಕ ಆನಂದ್ ಸಿಂಗ್ ಒಡೆತನದ ಕೃಷ್ಣಾ ಹೆರಿಟೇಜ್ ರೆಸಾರ್ಟ್( ಬಾದಾಮಿ) ಮೇಲೆ ಸೋಮವಾರ ರಾತ್ರಿ ಆದಾಯ ತೆರಿಗೆ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ.

ರೆಸಾರ್ಟ್ ಆಗಮಿಸಿದ ಅಧಿಕಾರಿಗಳ ತಂಡ ಸಿಬ್ಬಂದಿ ಯಿಂದ ಲೆಕ್ಕಪತ್ರ ಮಾಹಿತಿ ಕಲೆ ಹಾಕಿತು.

ದಾಳಿ ಸಂದರ್ಭದಲ್ಲಿ ಮಾಜಿ ಸಚಿವ ಸಿ.ಎಂ.ಇಬ್ರಾಹಿಂ ರೆಸಾರ್ಟ್‌ನಲ್ಲಿದ್ದರು. ಬಾದಾಮಿ ಕಾಂಗ್ರೆಸ್ ಅಭ್ಯರ್ಥಿ ಯಾಗಿರುವ ಸಿಎಂ ಸಿದ್ದರಾಮಯ್ಯ ಇದೇ ರೆಸಾರ್ಟ್‌ನಲ್ಲಿಯೇ ತಂಗುತ್ತಾರೆ. ಕಾಂಗ್ರೆಸ್ ನ ಬಹುತೇಕ ಮುಖಂಡರು ಈ ರೆಸಾರ್ಟ್‌ನಲ್ಲಿಯೇ ಚುನಾವಣೆ ರಣತಂತ್ರ ರೂಪಿಸುತ್ತಾರೆ ಎಂಬುದು ಇಲ್ಲಿ ಗಮನಾರ್ಹ ಸಂಗತಿ.

ಅರೆಸೇನಾ ಪಡೆ ಹಾಗೂ ಪೊಲೀಸರು ಭದ್ರತೆಯಲ್ಲಿ ದಾಖಲೆಗಳ ಪರಿಶೀಲನೆ ಮುಂದುವರೆದಿದೆ.