-5 ವರ್ಷಗಳಲ್ಲಿ 1500 ಕೋಟಿ ರೂ. ಖರ್ಚು-
* ಸುದರ್ಶನ್ ಚನ್ನಂಗಿಹಳ್ಳಿ, ಬೆಂಗಳೂರು
ವೇತನ, ಭತ್ಯೆ, ಕಚೇರಿ, ಸಿಬ್ಬಂದಿ, ಗನ್‌ಮ್ಯಾನ್, ವಾಹನ, ವೈದ್ಯಕೀಯ ವೆಚ್ಚ , ದೇಶ-ವಿದೇಶ ಪ್ರವಾಸ ಮೊದಲಾದ ಎಲ್ಲ ರೀತಿಯ ಸವಲತ್ತುಗಳು ಸೇರಿ ಒಬ್ಬ ಶಾಸಕನಿಗೆ ವಾರ್ಷಿಕ ಸರಾಸರಿ ಒಂದು ಕೋಟಿ ರೂ.ಯನ್ನು ಸರಕಾರ ಖರ್ಚು ಮಾಡುತ್ತಿದೆ.
ನಾಮಕರಣ ಸದಸ್ಯರು ಸೇರಿ ವಿಧಾನಸಭೆಯ 225 ಸದಸ್ಯರಿಗೆ ಲೆಕ್ಕ ಹಾಕಿದರೆ ವಾರ್ಷಿಕ 225 ಕೋಟಿ ರೂ. ವೆಚ್ಚ ಮಾಡಲಾಗುತ್ತಿದೆ. ಶಾಸಕರ ಐದು ವರ್ಷಗಳ ಅಧಿಕಾರ ಅವಧಿಗೆ ಲೆಕ್ಕ ಹಾಕಿದರೆ ಬರೋಬ್ಬರಿ 1125 ಕೋಟಿ ರೂ. ವೆಚ್ಚ ಆಗಲಿದೆ. ಶಾಸಕರಷ್ಟೇ ಸರಿಸಮಾನ ವೇತನ, ಭತ್ಯೆ ಇನ್ನಿತರ ಸವಲತ್ತುಗಳನ್ನು ಪಡೆಯುವ ವಿಧಾನ ಪರಿಷತ್ತಿನ 75 ಸದಸ್ಯರಿಗೆ ಮಾಡುವ ವೆಚ್ಚ ಪರಿಗಣಿಸಿದರೆ (225 ಶಾಸಕರು, ಮೇಲ್ಮನೆಯ 75 ಸದಸ್ಯರು ಸೇರಿ 300 ಮಂದಿಗೆ )ವಾರ್ಷಿಕ 1500 ಕೋಟಿ ರೂ. ಖರ್ಚು ಮಾಡಬೇಕು. ಈ ಲೆಕ್ಕಾಚಾರಕ್ಕೆ ಸಚಿವ ಸಂಪುಟ ಸ್ಥಾನಮಾನ ಹೊಂದಿದ ಸಚಿವರು ಹಾಗೂ ಇತರರ ವೇತನ ಸೇರಿಸಿಲ್ಲ. ಇದನ್ನು ಗಣನೆಗೆ ತೆಗೆದುಕೊಂಡರೆ ವೆಚ್ಚ ಹೆಚ್ಚಾಗಲಿದೆ.
ನಮ್ಮ ಜನಪ್ರತಿನಿಧಿಗಳ ಸವಲತ್ತಿಗಾಗಿ ದೊಡ್ಡ ಪ್ರಮಾಣದಲ್ಲಿ ಹಣ ಖರ್ಚು ಮಾಡುತ್ತಿದ್ದರೂ ಬಹುತೇಕ ಶಾಸಕರು ಜನರ ಸಮಸ್ಯೆಗಳಿಗೆ ಪರಿಹಾರ ದೊರಕಿಸಿಕೊಡಲು ಪ್ರಾಮಾಣಿಕವಾಗಿ ಕೆಲಸ ಮಾಡುತ್ತಿಲ್ಲ ಎಂಬ ಆಪಾದನೆಗಳು ನಿತ್ಯ ಕೇಳಿ ಬರುತ್ತವೆ.
ಸಭೆ ಹಾಜರಾತಿ ಭತ್ಯೆ
ವಿಧಾನಮಂಡಲದ ಸಮಿತಿ ಸಭೆ, ಅಧಿವೇಶನ ಸೇರಿ ರಾಜ್ಯದಲ್ಲಿ ನಡೆಯುವ ಸಭೆಗಳಲ್ಲಿ ಶಾಸಕರು ಪಾಲ್ಗೊಂಡರೆ ದಿನ ಭತ್ಯೆಯಾಗಿ ಸಾವಿರ ರೂ. ನೀಡಲಾಗುವುದು. ಹೊರ ರಾಜ್ಯದ ಸಭೆಗಳಲ್ಲಿ ಭಾಗವಹಿಸಿದರೆ ದಿನ ಭತ್ಯೆಯಾಗಿ 1500 ರೂ. ನೀಡಲಾಗುವುದು.
ಪ್ರಯಾಣ ಭತ್ಯೆ
ಶಾಸಕರು ಸ್ವಕ್ಷೇತ್ರದಿಂದ ಬೆಂಗಳೂರಿಗೆ ಯಾವುದೇ ಮಾದರಿ ವಾಹನದಲ್ಲಿ ಪ್ರಯಾಣಿಸಲಿ ಪ್ರತಿ ಕಿ.ಮೀ.ಗೆ 20 ರೂ. ಲೆಕ್ಕದಂತೆ ಭತ್ಯೆ ಪಡೆಯಬಹುದು. ಬೆಂಗಳೂರಿನಿಂದ ದೂರದ ಜಿಲ್ಲೆಗಳಾದ ಬೀದರ್, ಗುಲ್ಬರ್ಗ, ವಿಜಾಪುರ ಜಿಲ್ಲೆಗಳ ಶಾಸಕರು ಮಾಸಿಕ 50 ಸಾವಿರ ರೂ.ದಿಂದ ಒಂದು ಲಕ್ಷ ರೂ.ವರೆಗೂ ಪ್ರಯಾಣ ಭತ್ಯೆಯನ್ನು ಪ್ರತಿ ತಿಂಗಳು ಪಡೆಯುತ್ತಾರೆ. ಅದು ಹೇಗೆಂದರೆ, ಪ್ರತಿ ಶಾಸಕರು ವಿಧಾನ ಮಂಡಲದ ಸಮಿತಿಗಳಲ್ಲಿ ಸದಸ್ಯರಾಗಿರುತ್ತಾರೆ. ವಾರಕ್ಕೊಮ್ಮೆ ಸಮಿತಿ ಸಭೆ ನಡೆಯಲಿದೆ. ಸಭೆಗೆ ಹಾಜರಾಗಲು ಕಾರಿನಲ್ಲಿ ಪ್ರಯಾಣಿಸಿದ ಲೆಕ್ಕ ತೋರಿಸಿ ಮಾಸಿಕ ನಾಲ್ಕು ಬಾರಿ ಬಿಲ್ ಪಡೆಯಬಹುದು. ಇನ್ನು ಅಧಿವೇಶನ ನಡೆಯುವ ಸಂದರ್ಭದಲ್ಲಿ ಕೂಡ ಪ್ರಯಾಣ ಭತ್ಯೆ ರೂಪದಲ್ಲಿ ಸಾವಿರಗಟ್ಟಲೆ ಹಣ ಶಾಸಕರ ಜೇಬು ಸೇರುತ್ತದೆ.
ಇಬ್ಬರು ಆಪ್ತ ಸಹಾಯಕರು
ಶಾಸಕರೊಬ್ಬರು ಇಬ್ಬರು ಆಪ್ತ ಸಹಾಯಕರನ್ನು ನೇಮಕ ಮಾಡಿಕೊಳ್ಳಲು ಅವಕಾಶವನ್ನು ಹೊಸದಾಗಿ ಕಲ್ಪಿಸಲಾಗಿದೆ. 13ನೇ ವಿಧಾನಸಭೆವರೆಗೂ ಒಬ್ಬ ಆಪ್ತ ಸಹಾಯಕನನ್ನು ನೇಮಿಸಿಕೊಳ್ಳಲು ಅನುಮತಿ ನೀಡಲಾಗಿತ್ತು. ಅವರ ಸಂಬಳವನ್ನು ಸರಕಾರದಿಂದಲೇ ಕೊಡಲಾಗುತ್ತಿತ್ತು. ಆದರೆ 14ನೇ ವಿಧಾನಸಭೆ ರಚನೆ ಬಳಿಕ ಕೆಲ ಸದಸ್ಯರು ಮತ್ತೊಬ್ಬ ಆಪ್ತ ಸಹಾಯಕಬೇಕೆಂಬ ಕೋರಿಕೆಗೆ ಸ್ಪೀಕರ್ ಒಪ್ಪಿಗೆ ಸೂಚಿಸಿದ್ದಾರೆ. ಇದರಿಂದ ಕ್ಷೇತ್ರದಲ್ಲಿ ಒಬ್ಬರು ಹಾಗೂ ಬೆಂಗಳೂರಿನಲ್ಲಿ ಮತ್ತೊಬ್ಬ ಆಪ್ತ ಸಹಾಯಕನನ್ನು ಶಾಸಕರು ನೇಮಿಸಿಕೊಳ್ಳಬಹುದು. ಕ್ಷೇತ್ರದ ಕೆಲಸ ಕಾರ್ಯಗಳನ್ನು ಇಲಾಖೆಗಳಿಗೆ ಭೇಟಿ ನೀಡಿ ಮಾಡಿಸಲು ಒಬ್ಬರು ಇದ್ದರೆ, ಮತ್ತೊಬ್ಬ ಆಪ್ತ ಸಹಾಯಕ ಕ್ಷೇತ್ರದ ಕೆಲಸ ಕಾರ್ಯಗಳಲ್ಲಿ ಶಾಸಕರಿಗೆ ನೆರವಾಗುತ್ತಿದ್ದಾನೆ. ಒಬ್ಬ ಆಪ್ತ ಸಹಾಯಕನ ಸಂಬಳಕ್ಕೆ ಸರಕಾರವೇ ಮಾಸಿಕ ಹತ್ತು ಸಾವಿರ ರೂ. ನೀಡುತ್ತಿದೆ. ಮತ್ತೊಬ್ಬ ಆಪ್ತ ಸಹಾಯಕರನ್ನು ನಿಯೋಜನೆ ಮೇರೆಗೆ ಸರಕಾರಿ ನೌಕರರನ್ನು ನೇಮಕ ಮಾಡಿಕೊಳ್ಳಬಹುದು.
ಭದ್ರತೆಗೆ ಗನ್‌ಮ್ಯಾನ್
ವಿಧಾನಸಭೆ ಸದಸ್ಯರು ಭದ್ರತೆಗಾಗಿ ಗನ್‌ಮ್ಯಾನ್ ನೇಮಿಸಿಕೊಳ್ಳಬಹುದು. ಇದು ಕಡ್ಡಾಯವೇನಲ್ಲ. ಆದರೆ ಶಾಸಕರು ಅಪೇಕ್ಷೆ ಪಟ್ಟರೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಗನ್‌ಮ್ಯಾನ್ ನಿಯೋಜನೆ ಮಾಡಿಕೊಡುತ್ತಾರೆ. ಬಹುತೇಕ ಶಾಸಕರು ಜೀವಬೆದರಿಕೆ ಇದೆ ಎಂದು ಗನ್‌ಮ್ಯಾನ್ ನೇಮಿಸಿಕೊಂಡಿದ್ದಾರೆ. ಗನ್‌ಮ್ಯಾನ್‌ಗಳು ಭದ್ರತೆ ಜತೆಗೆ ಶಾಸಕರ ಆಪ್ತ ಸಹಾಯಕರಂತೆಯೇ ಕೆಲಸ ಮಾಡುತ್ತಾರೆ. ಶಾಸಕರ ಪ್ರವಾಸದ ವೇಳೆಯು ಅವರ ಜತೆಯೇ ಇರುತ್ತಾರೆ.
ಕ್ಷೇತ್ರದಲ್ಲೊಂದು ಕಚೇರಿ
ಪ್ರತಿ ವಿಧಾನಸಭೆ ಕ್ಷೇತ್ರದಲ್ಲಿ ಶಾಸಕರಿಗೊಂದು ಸುಸಜ್ಜಿತವಾದ ಕಚೇರಿ ಒದಗಿಸಲಾಗುತ್ತದೆ. ಜಿಲ್ಲಾಧಿಕಾರಿಗಳು ಶಾಸಕರ ಕಚೇರಿಗೆ ಅಗತ್ಯವಿರುವ ಎಲ್ಲ ಸೌಲಭ್ಯಗಳನ್ನು ಮಾಡಿಕೊಡುತ್ತಾರೆ. ಕಚೇರಿ ಸಿಬ್ಬಂದಿ ಕೂಡ ನೇಮಿಸಿಕೊಳ್ಳಬಹುದು. ದೂರವಾಣಿ, ಫ್ಯಾಕ್ಸ್ ಇನ್ನಿತರ ಸೌಲಭ್ಯಗಳನ್ನು ಕಲ್ಪಿಸಿಕೊಡಲಾಗುತ್ತದೆ. ಕ್ಷೇತ್ರದ ಜನರ ಸಮಸ್ಯೆಗಳನ್ನು ಆಲಿಸಲು ಅನುಕೂಲ ಆಗಲಿ ಎಂದು ಪ್ರತಿ ಕ್ಷೇತ್ರದಲ್ಲಿ ಕಚೇರಿ ಒದಗಿಸಲಾಗಿದೆ. ಈ ಕಚೇರಿ ನಿರ್ವಹಣೆ ಪೂರ್ಣ ವೆಚ್ಚವನ್ನು ಸರಕಾರವೇ ಭರಿಸುತ್ತದೆ.
ಕಾರು ಖರೀದಿ ಮುಂಗಡ
ಶಾಸಕರು ಐಷಾರಾಮಿ ಕಾರು ಖರೀದಿಸಲು ಮುಂಗಡವಾಗಿ 15 ಲಕ್ಷ ರೂ. ನೀಡಲಾಗುವುದು. ಈ ಹಣಕ್ಕೆ ಶೇ.7ರಷ್ಟು ಬಡ್ಡಿ ವಿಧಿಸಲಾಗುವುದು. ಮುಂಗಡ ಹಣವನ್ನು ಐದು ವರ್ಷಗಳಲ್ಲಿ ಮರು ಪಾವತಿ ಮಾಡಬೇಕು. ಶಾಸಕರ ವೇತನ, ಭತ್ಯೆ ಸಂದಾಯಕ್ಕೂ ಮುನ್ನ ಪ್ರತಿ ತಿಂಗಳು ಕಡಿತ ಮಾಡಬಹುದು.
ವಿದೇಶ ಪ್ರವಾಸದ ಭಾಗ್ಯ
ಶಾಸಕರ ಐದು ವರ್ಷಗಳ ಅವಧಿಯಲ್ಲಿ ಒಮ್ಮೆ ವಿದೇಶ ಅಧ್ಯಯನ ಪ್ರವಾಸ ಕೈಗೊಳ್ಳಬಹುದು. ಸಾಮಾನ್ಯವಾಗಿ 15 ದಿನಗಳ ಪ್ರವಾಸ ಕೈಗೊಳ್ಳಲು ಅವಕಾಶವಿದ್ದು, ಇದರ ಪೂರ್ಣ ವೆಚ್ಚವನ್ನು ಸರಕಾರದ ಬೊಕ್ಕಸದಿಂದ ಭರಿಸಲಾಗುವುದು. ಅಧ್ಯಯನ ಹೆಸರಿನಲ್ಲಿ ಶಾಸಕರು ವಿದೇಶಕ್ಕೆ ಹಾರಿ ಮೋಜು ಮಸ್ತಿ ನಡೆಸಿ ಬರುತ್ತಾರೆ. ಶಾಸಕರ ಪ್ರವಾಸ ದುಂದು ವೆಚ್ಚಕ್ಕೆ ಕಾರಣವಾಗುತ್ತಿದೆ. ಇದಕ್ಕೆ ಕಡಿವಾಣ ಹಾಕಬೇಕು ಎಂಬ ಒತ್ತಾಯಗಳು ಸಾರ್ವಜನಿಕವಾಗಿ ಕೇಳಿ ಬರುತ್ತಿವೆ. ಪ್ರವಾಸ ಹೋಗಿ ಬಂದ ತಿಂಗಳೊಳಗೆ ಶಾಸಕರು ಸ್ಪೀಕರ್‌ಗೆ ಅಧ್ಯಯನ ವರದಿ ಸಲ್ಲಿಸಬೇಕು. ಆದರೆ ಬಹುತೇಕ ಸಮಿತಿಗಳು ಕಾಟಾಚಾರಕ್ಕೆ ವರದಿ ನೀಡಿರುವುದು ಟೀಕೆಗೊಳಗಾಗಿದೆ. ಈ ವರದಿ ರಾಜ್ಯದ ಅಭಿವೃದ್ಧಿಯಲ್ಲಿ ಯಾವುದೇ ಬದಲಾವಣೆ, ಪರಿಣಾಮ ಬೀರದಿರುವುದರಿಂದಲೇ ಶಾಸಕರ ವಿದೇಶ ಪ್ರವಾಸವನ್ನು ರದ್ದುಪಡಿಸಬೇಕು ಎಂದು ಹೇಳಲಾಗುತ್ತಿದೆ.
ರೈಲು/ವಿಮಾನ ಪ್ರಯಾಣ ಭತ್ಯೆ
ದೇಶಿಯವಾಗಿ ವಿಮಾನ ಇಲ್ಲವೇ ರೈಲಿನಲ್ಲಿ ಪ್ರಯಾಣಿಸಲು ವರ್ಷದಲ್ಲಿ ಶಾಸಕರೊಬ್ಬರಿಗೆ ಎರಡು ಲಕ್ಷ ರೂ. ನೀಡಲಾಗುವುದು. ಏಪ್ರಿಲ್ ಹಾಗೂ ಅಕ್ಟೋಬರ್‌ನಲ್ಲಿ ಎರಡು ಕಂತುಗಳಲ್ಲಿ ಹಣ ಪಾವತಿಸಲಾಗುವುದು. ಶಾಸಕರ ಜತೆಗೆ ಆಪ್ತ ಸಹಾಯಕನೂ ಪ್ರಯಾಣಿಸಲು ಈ ಹಣ ಬಳಕೆ ಮಾಡಬಹುದು.
ಉಚಿತ ಬಸ್ ಪ್ರಯಾಣ
ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ಬಸ್‌ಗಳಲ್ಲಿ ಶಾಸಕರು ರಾಜ್ಯದೊಳಗೆ ಉಚಿತವಾಗಿ ಪ್ರಯಾಣ ಮಾಡಬಹುದು. ಪ್ರತಿ ಬಸ್‌ನಲ್ಲಿಯು ಶಾಸಕರಿಗೆ ಸೀಟು ಕಾಯ್ದಿಸಿರುವ ವ್ಯವಸ್ಥೆಯನ್ನು ಕಲ್ಪಿಸಲಾಗಿದೆ.
ಶಾಸಕರು ಬೆಂಗಳೂರಿಗೆ ಭೇಟಿ ನೀಡಿದ ಸಂದರ್ಭದಲ್ಲಿ ವಾಸ್ತವ್ಯಕ್ಕೆಂದೇ ಶಾಸಕರ ಭವನದಲ್ಲಿ ಸುಸಜ್ಜಿತವಾದ ಕೊಠಡಿ ನೀಡಲಾಗುವುದು. ಒಂದು ಕೊಠಡಿಗೆ ಮಾಸಿಕ ನೂರು ರೂ. ಬಾಡಿಗೆ ನಿಗದಿಪಡಿಸಲಾಗಿದೆ. ಇಲ್ಲಿ ಎರಡು ಕೊಠಡಿ ಪಡೆದರೆ ಮಾಸಿಕ 200 ರೂ. ಬಾಡಿಗೆ, ಕುಟುಂಬ ಫ್ಲಾಟ್‌ಗೆ ಮಾಸಿಕ 300 ರೂ. ಬಾಡಿಗೆ ನಿಗದಿಪಡಿಸಲಾಗಿದೆ. ಒಂದು ವೇಳೆ ಶಾಸಕರ ಭವನದಲ್ಲಿ ಕೊಠಡಿ ನೀಡದಿದ್ದ ಶಾಸಕರು ಮಾಸಿಕ ಹತ್ತು ಸಾವಿರ ರೂ. ವಸತಿ ಭತ್ಯೆ ಪಡೆಯಬಹುದು.
ದೂರವಾಣಿ ಸೌಲಭ್ಯ: ಶಾಸಕರೊಬ್ಬರಿಗೆ ಎರಡು ದೂರವಾಣಿ ಸೌಲಭ್ಯ ನೀಡಲಾಗುತ್ತದೆ. ಒಂದು ದೂರವಾಣಿ ವೆಚ್ಚವನ್ನು ಸರಕಾರ ಭರಿಸುತ್ತದೆ. ಮತ್ತೊಂದು ದೂರವಾಣಿ ಬಾಡಿಗೆಯನ್ನು ಶಾಸಕರೇ ಪಾವತಿಸಬೇಕು.
ವೈದ್ಯಕೀಯ ಸೌಲಭ್ಯ: ಶಾಸಕರ ವೈದ್ಯಕೀಯ ವೆಚ್ಚವನ್ನು ಸರಕಾರವೇ ಪೂರ್ಣ ಪ್ರಮಾಣದಲ್ಲಿ ಭರಿಸುತ್ತದೆ. ವಾರ್ಷಿಕ 3 ಲಕ್ಷದಿಂದ 10 ಲಕ್ಷದವರೆಗೂ ಶಾಸಕರ ವೈದ್ಯಕೀಯ ವೆಚ್ಚಕ್ಕೆ ಖರ್ಚು ಮಾಡಿದ ಉದಾರಣೆಗಳು ಸಚಿವಾಲಯದಲ್ಲಿ ಸಿಗುತ್ತವೆ.
ಬಾಡಿಗೆಗೆ ಕಾರು ಸೌಲಭ್ಯ: ಶಾಸಕರು ಬೆಂಗಳೂರಿನಲ್ಲಿ ಇದ್ದ ಸಂದರ್ಭದಲ್ಲಿ ಬೇರೆ ಇಲಾಖೆಗಳಿಗೆ ಭೇಟಿ ನೀಡಲು ಅನುಕೂಲ ಆಗುವಂತೆ ಸಚಿವಾಲಯದಿಂದ ಕಾರು ಬಾಡಿಗೆ ಪಡೆಯಬಹುದು. ಕಡಿಮೆ ದರದಲ್ಲಿ ಬಾಡಿಗೆ ಕಾರು ಒದಗಿಸಲಾಗುತ್ತಿದೆ. ಇದಲ್ಲದೆ ಕ್ಷೇತ್ರದ ಜನರು ಹಾಗೂ ಕುಟುಂಬ ಸದಸ್ಯರೊಂದಿಗೆ ಸಮೀಪದ ಪ್ರವಾಸಿ ತಾಣಗಳಿಗೆ ಭೇಟಿ ನೀಡಲು 20 ಆಸನಗಳ ಮಿನಿ ಬಸ್ ಸೌಲಭ್ಯವು ಇದೆ. ಇದಕ್ಕೆ ಕಡಿಮೆ ದರದ ಬಾಡಿಗೆ ವಿಧಿಸಲಾಗುವುದು.
ನಿವೃತ್ತಿ ವೇತನ: 25ರಿಂದ 35 ಸಾವಿರ ರೂ.
ಮಾಜಿ ಶಾಸಕರಿಗೆ ಪಿಂಚಣಿ ಸೌಲಭ್ಯ ಸಿಗಲಿದೆ. ಒಂದು ಬಾರಿ ಶಾಸಕರಾದವರಿಗೆ ಮಾಸಿಕ 25 ಸಾವಿರ ರೂ. ಪಿಂಚಣಿ ಸಿಗಲಿದೆ. ಎರಡು ಬಾರಿ ಶಾಸಕರಾದವರಿಗೆ ಮಾಸಿಕ 30 ಸಾವಿರ ರೂ., ಮೂರು ಬಾರಿ ಶಾಸಕರಾದವರಿಗೆ ಮಾಸಿಕ 35 ಸಾವಿರ ರೂ. ಪಿಂಚಣಿ ಸಿಗಲಿದೆ. ಮೂರಕ್ಕಿಂತ ಹೆಚ್ಚು ಬಾರಿ ವಿಧಾನಸಭೆಗೆ ಆಯ್ಕೆಯಾದರೂ ಪಿಂಚಣಿ ಸಿಗುವುದು ಗರಿಷ್ಠ 35 ಸಾವಿರ ರೂ. ಜತೆಗೆ ಮಾಸಿಕ ನಾಲ್ಕು ಸಾವಿರ ರೂ. ವೈದ್ಯಕೀಯ ಭತ್ಯೆ ನೀಡಲಾಗುವುದು.
ಇದಲ್ಲದೆ ಮಾಜಿ ಶಾಸಕರು ಹಾಗೂ ಅವರ ಕುಟುಂಬ ಸದಸ್ಯರ ವೈದ್ಯಕೀಯ ಬಿಲ್‌ಗಳನ್ನು ಮರು ವಾಪತಿಸುವ ಸೌಲಭ್ಯ ಕಲ್ಪಿಸಲಾಗಿದೆ. ಪ್ರಯಾಣ ಭತ್ಯೆಯಾಗಿ ವಾರ್ಷಿಕ ಎರಡು ಕಂತುಗಳಲ್ಲಿ ಒಂದು ಲಕ್ಷ ರೂ. ನೀಡಲಾಗುವುದು. ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ಬಸ್‌ಗಳಲ್ಲಿ ಸಹಾಯಕನ ಜತೆ ಉಚಿತ ಪ್ರಯಾಣ ಮಾಡಬಹುದು. ಇದಕ್ಕೆ ಗುರುತಿನ ಚೀಟಿ ಸಹಿತ ಬಸ್ ಪಾಸ್ ನೀಡಲಾಗುವುದು.
ಕುಟುಂಬ ನಿವೃತ್ತಿ ವೇತನ
ಮಾಜಿ ಶಾಸಕರ ಕುಟುಂಬಕ್ಕೆ ಶೇ.50ರಷ್ಟು ಪಿಂಚಣಿ ಸೌಲಭ್ಯ ಸಿಗಲಿದೆ. ಅಂದರೆ ಮಾಜಿ ಶಾಸಕರು ಪಡೆಯುತ್ತಿದ್ದ ಪಿಂಚಣಿಯಲ್ಲಿ ಶೇ.50ರಷ್ಟು ನೀಡಲಾಗುವುದು. ಮಾಸಿಕ 2 ಸಾವಿರ ರೂ. ವೈದ್ಯಕೀಯ ಭತ್ಯೆ ನೀಡಲಾಗುವುದು. ವೈದ್ಯಕೀಯ ಬಿಲ್‌ಗಳನ್ನು ಮರು ಪಾವತಿಸಲಾಗುವುದು.
* ಸುದರ್ಶನ್ ಚನ್ನಂಗಿಹಳ್ಳಿ, ಬೆಂಗಳೂರು
ವೇತನ, ಭತ್ಯೆ, ಕಚೇರಿ, ಸಿಬ್ಬಂದಿ, ಗನ್‌ಮ್ಯಾನ್, ವಾಹನ, ವೈದ್ಯಕೀಯ ವೆಚ್ಚ , ದೇಶ-ವಿದೇಶ ಪ್ರವಾಸ ಮೊದಲಾದ ಎಲ್ಲ ರೀತಿಯ ಸವಲತ್ತುಗಳು ಸೇರಿ ಒಬ್ಬ ಶಾಸಕನಿಗೆ ವಾರ್ಷಿಕ ಸರಾಸರಿ ಒಂದು ಕೋಟಿ ರೂ.ಯನ್ನು ಸರಕಾರ ಖರ್ಚು ಮಾಡುತ್ತಿದೆ.
ನಾಮಕರಣ ಸದಸ್ಯರು ಸೇರಿ ವಿಧಾನಸಭೆಯ 225 ಸದಸ್ಯರಿಗೆ ಲೆಕ್ಕ ಹಾಕಿದರೆ ವಾರ್ಷಿಕ 225 ಕೋಟಿ ರೂ. ವೆಚ್ಚ ಮಾಡಲಾಗುತ್ತಿದೆ. ಶಾಸಕರ ಐದು ವರ್ಷಗಳ ಅಧಿಕಾರ ಅವಧಿಗೆ ಲೆಕ್ಕ ಹಾಕಿದರೆ ಬರೋಬ್ಬರಿ 1125 ಕೋಟಿ ರೂ. ವೆಚ್ಚ ಆಗಲಿದೆ. ಶಾಸಕರಷ್ಟೇ ಸರಿಸಮಾನ ವೇತನ, ಭತ್ಯೆ ಇನ್ನಿತರ ಸವಲತ್ತುಗಳನ್ನು ಪಡೆಯುವ ವಿಧಾನ ಪರಿಷತ್ತಿನ 75 ಸದಸ್ಯರಿಗೆ ಮಾಡುವ ವೆಚ್ಚ ಪರಿಗಣಿಸಿದರೆ (225 ಶಾಸಕರು, ಮೇಲ್ಮನೆಯ 75 ಸದಸ್ಯರು ಸೇರಿ 300 ಮಂದಿಗೆ )ವಾರ್ಷಿಕ 1500 ಕೋಟಿ ರೂ. ಖರ್ಚು ಮಾಡಬೇಕು. ಈ ಲೆಕ್ಕಾಚಾರಕ್ಕೆ ಸಚಿವ ಸಂಪುಟ ಸ್ಥಾನಮಾನ ಹೊಂದಿದ ಸಚಿವರು ಹಾಗೂ ಇತರರ ವೇತನ ಸೇರಿಸಿಲ್ಲ. ಇದನ್ನು ಗಣನೆಗೆ ತೆಗೆದುಕೊಂಡರೆ ವೆಚ್ಚ ಹೆಚ್ಚಾಗಲಿದೆ.
ನಮ್ಮ ಜನಪ್ರತಿನಿಧಿಗಳ ಸವಲತ್ತಿಗಾಗಿ ದೊಡ್ಡ ಪ್ರಮಾಣದಲ್ಲಿ ಹಣ ಖರ್ಚು ಮಾಡುತ್ತಿದ್ದರೂ ಬಹುತೇಕ ಶಾಸಕರು ಜನರ ಸಮಸ್ಯೆಗಳಿಗೆ ಪರಿಹಾರ ದೊರಕಿಸಿಕೊಡಲು ಪ್ರಾಮಾಣಿಕವಾಗಿ ಕೆಲಸ ಮಾಡುತ್ತಿಲ್ಲ ಎಂಬ ಆಪಾದನೆಗಳು ನಿತ್ಯ ಕೇಳಿ ಬರುತ್ತವೆ.
ಸಭೆ ಹಾಜರಾತಿ ಭತ್ಯೆ
ವಿಧಾನಮಂಡಲದ ಸಮಿತಿ ಸಭೆ, ಅಧಿವೇಶನ ಸೇರಿ ರಾಜ್ಯದಲ್ಲಿ ನಡೆಯುವ ಸಭೆಗಳಲ್ಲಿ ಶಾಸಕರು ಪಾಲ್ಗೊಂಡರೆ ದಿನ ಭತ್ಯೆಯಾಗಿ ಸಾವಿರ ರೂ. ನೀಡಲಾಗುವುದು. ಹೊರ ರಾಜ್ಯದ ಸಭೆಗಳಲ್ಲಿ ಭಾಗವಹಿಸಿದರೆ ದಿನ ಭತ್ಯೆಯಾಗಿ 1500 ರೂ. ನೀಡಲಾಗುವುದು.
ಪ್ರಯಾಣ ಭತ್ಯೆ
ಶಾಸಕರು ಸ್ವಕ್ಷೇತ್ರದಿಂದ ಬೆಂಗಳೂರಿಗೆ ಯಾವುದೇ ಮಾದರಿ ವಾಹನದಲ್ಲಿ ಪ್ರಯಾಣಿಸಲಿ ಪ್ರತಿ ಕಿ.ಮೀ.ಗೆ 20 ರೂ. ಲೆಕ್ಕದಂತೆ ಭತ್ಯೆ ಪಡೆಯಬಹುದು. ಬೆಂಗಳೂರಿನಿಂದ ದೂರದ ಜಿಲ್ಲೆಗಳಾದ ಬೀದರ್, ಗುಲ್ಬರ್ಗ, ವಿಜಾಪುರ ಜಿಲ್ಲೆಗಳ ಶಾಸಕರು ಮಾಸಿಕ 50 ಸಾವಿರ ರೂ.ದಿಂದ ಒಂದು ಲಕ್ಷ ರೂ.ವರೆಗೂ ಪ್ರಯಾಣ ಭತ್ಯೆಯನ್ನು ಪ್ರತಿ ತಿಂಗಳು ಪಡೆಯುತ್ತಾರೆ. ಅದು ಹೇಗೆಂದರೆ, ಪ್ರತಿ ಶಾಸಕರು ವಿಧಾನ ಮಂಡಲದ ಸಮಿತಿಗಳಲ್ಲಿ ಸದಸ್ಯರಾಗಿರುತ್ತಾರೆ. ವಾರಕ್ಕೊಮ್ಮೆ ಸಮಿತಿ ಸಭೆ ನಡೆಯಲಿದೆ. ಸಭೆಗೆ ಹಾಜರಾಗಲು ಕಾರಿನಲ್ಲಿ ಪ್ರಯಾಣಿಸಿದ ಲೆಕ್ಕ ತೋರಿಸಿ ಮಾಸಿಕ ನಾಲ್ಕು ಬಾರಿ ಬಿಲ್ ಪಡೆಯಬಹುದು. ಇನ್ನು ಅಧಿವೇಶನ ನಡೆಯುವ ಸಂದರ್ಭದಲ್ಲಿ ಕೂಡ ಪ್ರಯಾಣ ಭತ್ಯೆ ರೂಪದಲ್ಲಿ ಸಾವಿರಗಟ್ಟಲೆ ಹಣ ಶಾಸಕರ ಜೇಬು ಸೇರುತ್ತದೆ.
ಇಬ್ಬರು ಆಪ್ತ ಸಹಾಯಕರು
ಶಾಸಕರೊಬ್ಬರು ಇಬ್ಬರು ಆಪ್ತ ಸಹಾಯಕರನ್ನು ನೇಮಕ ಮಾಡಿಕೊಳ್ಳಲು ಅವಕಾಶವನ್ನು ಹೊಸದಾಗಿ ಕಲ್ಪಿಸಲಾಗಿದೆ. 13ನೇ ವಿಧಾನಸಭೆವರೆಗೂ ಒಬ್ಬ ಆಪ್ತ ಸಹಾಯಕನನ್ನು ನೇಮಿಸಿಕೊಳ್ಳಲು ಅನುಮತಿ ನೀಡಲಾಗಿತ್ತು. ಅವರ ಸಂಬಳವನ್ನು ಸರಕಾರದಿಂದಲೇ ಕೊಡಲಾಗುತ್ತಿತ್ತು. ಆದರೆ 14ನೇ ವಿಧಾನಸಭೆ ರಚನೆ ಬಳಿಕ ಕೆಲ ಸದಸ್ಯರು ಮತ್ತೊಬ್ಬ ಆಪ್ತ ಸಹಾಯಕಬೇಕೆಂಬ ಕೋರಿಕೆಗೆ ಸ್ಪೀಕರ್ ಒಪ್ಪಿಗೆ ಸೂಚಿಸಿದ್ದಾರೆ. ಇದರಿಂದ ಕ್ಷೇತ್ರದಲ್ಲಿ ಒಬ್ಬರು ಹಾಗೂ ಬೆಂಗಳೂರಿನಲ್ಲಿ ಮತ್ತೊಬ್ಬ ಆಪ್ತ ಸಹಾಯಕನನ್ನು ಶಾಸಕರು ನೇಮಿಸಿಕೊಳ್ಳಬಹುದು. ಕ್ಷೇತ್ರದ ಕೆಲಸ ಕಾರ್ಯಗಳನ್ನು ಇಲಾಖೆಗಳಿಗೆ ಭೇಟಿ ನೀಡಿ ಮಾಡಿಸಲು ಒಬ್ಬರು ಇದ್ದರೆ, ಮತ್ತೊಬ್ಬ ಆಪ್ತ ಸಹಾಯಕ ಕ್ಷೇತ್ರದ ಕೆಲಸ ಕಾರ್ಯಗಳಲ್ಲಿ ಶಾಸಕರಿಗೆ ನೆರವಾಗುತ್ತಿದ್ದಾನೆ. ಒಬ್ಬ ಆಪ್ತ ಸಹಾಯಕನ ಸಂಬಳಕ್ಕೆ ಸರಕಾರವೇ ಮಾಸಿಕ ಹತ್ತು ಸಾವಿರ ರೂ. ನೀಡುತ್ತಿದೆ. ಮತ್ತೊಬ್ಬ ಆಪ್ತ ಸಹಾಯಕರನ್ನು ನಿಯೋಜನೆ ಮೇರೆಗೆ ಸರಕಾರಿ ನೌಕರರನ್ನು ನೇಮಕ ಮಾಡಿಕೊಳ್ಳಬಹುದು.
ಭದ್ರತೆಗೆ ಗನ್‌ಮ್ಯಾನ್
ವಿಧಾನಸಭೆ ಸದಸ್ಯರು ಭದ್ರತೆಗಾಗಿ ಗನ್‌ಮ್ಯಾನ್ ನೇಮಿಸಿಕೊಳ್ಳಬಹುದು. ಇದು ಕಡ್ಡಾಯವೇನಲ್ಲ. ಆದರೆ ಶಾಸಕರು ಅಪೇಕ್ಷೆ ಪಟ್ಟರೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಗನ್‌ಮ್ಯಾನ್ ನಿಯೋಜನೆ ಮಾಡಿಕೊಡುತ್ತಾರೆ. ಬಹುತೇಕ ಶಾಸಕರು ಜೀವಬೆದರಿಕೆ ಇದೆ ಎಂದು ಗನ್‌ಮ್ಯಾನ್ ನೇಮಿಸಿಕೊಂಡಿದ್ದಾರೆ. ಗನ್‌ಮ್ಯಾನ್‌ಗಳು ಭದ್ರತೆ ಜತೆಗೆ ಶಾಸಕರ ಆಪ್ತ ಸಹಾಯಕರಂತೆಯೇ ಕೆಲಸ ಮಾಡುತ್ತಾರೆ. ಶಾಸಕರ ಪ್ರವಾಸದ ವೇಳೆಯು ಅವರ ಜತೆಯೇ ಇರುತ್ತಾರೆ.
ಕ್ಷೇತ್ರದಲ್ಲೊಂದು ಕಚೇರಿ
ಪ್ರತಿ ವಿಧಾನಸಭೆ ಕ್ಷೇತ್ರದಲ್ಲಿ ಶಾಸಕರಿಗೊಂದು ಸುಸಜ್ಜಿತವಾದ ಕಚೇರಿ ಒದಗಿಸಲಾಗುತ್ತದೆ. ಜಿಲ್ಲಾಧಿಕಾರಿಗಳು ಶಾಸಕರ ಕಚೇರಿಗೆ ಅಗತ್ಯವಿರುವ ಎಲ್ಲ ಸೌಲಭ್ಯಗಳನ್ನು ಮಾಡಿಕೊಡುತ್ತಾರೆ. ಕಚೇರಿ ಸಿಬ್ಬಂದಿ ಕೂಡ ನೇಮಿಸಿಕೊಳ್ಳಬಹುದು. ದೂರವಾಣಿ, ಫ್ಯಾಕ್ಸ್ ಇನ್ನಿತರ ಸೌಲಭ್ಯಗಳನ್ನು ಕಲ್ಪಿಸಿಕೊಡಲಾಗುತ್ತದೆ. ಕ್ಷೇತ್ರದ ಜನರ ಸಮಸ್ಯೆಗಳನ್ನು ಆಲಿಸಲು ಅನುಕೂಲ ಆಗಲಿ ಎಂದು ಪ್ರತಿ ಕ್ಷೇತ್ರದಲ್ಲಿ ಕಚೇರಿ ಒದಗಿಸಲಾಗಿದೆ. ಈ ಕಚೇರಿ ನಿರ್ವಹಣೆ ಪೂರ್ಣ ವೆಚ್ಚವನ್ನು ಸರಕಾರವೇ ಭರಿಸುತ್ತದೆ.
ಕಾರು ಖರೀದಿ ಮುಂಗಡ
ಶಾಸಕರು ಐಷಾರಾಮಿ ಕಾರು ಖರೀದಿಸಲು ಮುಂಗಡವಾಗಿ 15 ಲಕ್ಷ ರೂ. ನೀಡಲಾಗುವುದು. ಈ ಹಣಕ್ಕೆ ಶೇ.7ರಷ್ಟು ಬಡ್ಡಿ ವಿಧಿಸಲಾಗುವುದು. ಮುಂಗಡ ಹಣವನ್ನು ಐದು ವರ್ಷಗಳಲ್ಲಿ ಮರು ಪಾವತಿ ಮಾಡಬೇಕು. ಶಾಸಕರ ವೇತನ, ಭತ್ಯೆ ಸಂದಾಯಕ್ಕೂ ಮುನ್ನ ಪ್ರತಿ ತಿಂಗಳು ಕಡಿತ ಮಾಡಬಹುದು.
ವಿದೇಶ ಪ್ರವಾಸದ ಭಾಗ್ಯ
ಶಾಸಕರ ಐದು ವರ್ಷಗಳ ಅವಧಿಯಲ್ಲಿ ಒಮ್ಮೆ ವಿದೇಶ ಅಧ್ಯಯನ ಪ್ರವಾಸ ಕೈಗೊಳ್ಳಬಹುದು. ಸಾಮಾನ್ಯವಾಗಿ 15 ದಿನಗಳ ಪ್ರವಾಸ ಕೈಗೊಳ್ಳಲು ಅವಕಾಶವಿದ್ದು, ಇದರ ಪೂರ್ಣ ವೆಚ್ಚವನ್ನು ಸರಕಾರದ ಬೊಕ್ಕಸದಿಂದ ಭರಿಸಲಾಗುವುದು. ಅಧ್ಯಯನ ಹೆಸರಿನಲ್ಲಿ ಶಾಸಕರು ವಿದೇಶಕ್ಕೆ ಹಾರಿ ಮೋಜು ಮಸ್ತಿ ನಡೆಸಿ ಬರುತ್ತಾರೆ. ಶಾಸಕರ ಪ್ರವಾಸ ದುಂದು ವೆಚ್ಚಕ್ಕೆ ಕಾರಣವಾಗುತ್ತಿದೆ. ಇದಕ್ಕೆ ಕಡಿವಾಣ ಹಾಕಬೇಕು ಎಂಬ ಒತ್ತಾಯಗಳು ಸಾರ್ವಜನಿಕವಾಗಿ ಕೇಳಿ ಬರುತ್ತಿವೆ. ಪ್ರವಾಸ ಹೋಗಿ ಬಂದ ತಿಂಗಳೊಳಗೆ ಶಾಸಕರು ಸ್ಪೀಕರ್‌ಗೆ ಅಧ್ಯಯನ ವರದಿ ಸಲ್ಲಿಸಬೇಕು. ಆದರೆ ಬಹುತೇಕ ಸಮಿತಿಗಳು ಕಾಟಾಚಾರಕ್ಕೆ ವರದಿ ನೀಡಿರುವುದು ಟೀಕೆಗೊಳಗಾಗಿದೆ. ಈ ವರದಿ ರಾಜ್ಯದ ಅಭಿವೃದ್ಧಿಯಲ್ಲಿ ಯಾವುದೇ ಬದಲಾವಣೆ, ಪರಿಣಾಮ ಬೀರದಿರುವುದರಿಂದಲೇ ಶಾಸಕರ ವಿದೇಶ ಪ್ರವಾಸವನ್ನು ರದ್ದುಪಡಿಸಬೇಕು ಎಂದು ಹೇಳಲಾಗುತ್ತಿದೆ.
ರೈಲು/ವಿಮಾನ ಪ್ರಯಾಣ ಭತ್ಯೆ
ದೇಶಿಯವಾಗಿ ವಿಮಾನ ಇಲ್ಲವೇ ರೈಲಿನಲ್ಲಿ ಪ್ರಯಾಣಿಸಲು ವರ್ಷದಲ್ಲಿ ಶಾಸಕರೊಬ್ಬರಿಗೆ ಎರಡು ಲಕ್ಷ ರೂ. ನೀಡಲಾಗುವುದು. ಏಪ್ರಿಲ್ ಹಾಗೂ ಅಕ್ಟೋಬರ್‌ನಲ್ಲಿ ಎರಡು ಕಂತುಗಳಲ್ಲಿ ಹಣ ಪಾವತಿಸಲಾಗುವುದು. ಶಾಸಕರ ಜತೆಗೆ ಆಪ್ತ ಸಹಾಯಕನೂ ಪ್ರಯಾಣಿಸಲು ಈ ಹಣ ಬಳಕೆ ಮಾಡಬಹುದು.
ಉಚಿತ ಬಸ್ ಪ್ರಯಾಣ
ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ಬಸ್‌ಗಳಲ್ಲಿ ಶಾಸಕರು ರಾಜ್ಯದೊಳಗೆ ಉಚಿತವಾಗಿ ಪ್ರಯಾಣ ಮಾಡಬಹುದು. ಪ್ರತಿ ಬಸ್‌ನಲ್ಲಿಯು ಶಾಸಕರಿಗೆ ಸೀಟು ಕಾಯ್ದಿಸಿರುವ ವ್ಯವಸ್ಥೆಯನ್ನು ಕಲ್ಪಿಸಲಾಗಿದೆ.
ಶಾಸಕರು ಬೆಂಗಳೂರಿಗೆ ಭೇಟಿ ನೀಡಿದ ಸಂದರ್ಭದಲ್ಲಿ ವಾಸ್ತವ್ಯಕ್ಕೆಂದೇ ಶಾಸಕರ ಭವನದಲ್ಲಿ ಸುಸಜ್ಜಿತವಾದ ಕೊಠಡಿ ನೀಡಲಾಗುವುದು. ಒಂದು ಕೊಠಡಿಗೆ ಮಾಸಿಕ ನೂರು ರೂ. ಬಾಡಿಗೆ ನಿಗದಿಪಡಿಸಲಾಗಿದೆ. ಇಲ್ಲಿ ಎರಡು ಕೊಠಡಿ ಪಡೆದರೆ ಮಾಸಿಕ 200 ರೂ. ಬಾಡಿಗೆ, ಕುಟುಂಬ ಫ್ಲಾಟ್‌ಗೆ ಮಾಸಿಕ 300 ರೂ. ಬಾಡಿಗೆ ನಿಗದಿಪಡಿಸಲಾಗಿದೆ. ಒಂದು ವೇಳೆ ಶಾಸಕರ ಭವನದಲ್ಲಿ ಕೊಠಡಿ ನೀಡದಿದ್ದ ಶಾಸಕರು ಮಾಸಿಕ ಹತ್ತು ಸಾವಿರ ರೂ. ವಸತಿ ಭತ್ಯೆ ಪಡೆಯಬಹುದು.
ದೂರವಾಣಿ ಸೌಲಭ್ಯ: ಶಾಸಕರೊಬ್ಬರಿಗೆ ಎರಡು ದೂರವಾಣಿ ಸೌಲಭ್ಯ ನೀಡಲಾಗುತ್ತದೆ. ಒಂದು ದೂರವಾಣಿ ವೆಚ್ಚವನ್ನು ಸರಕಾರ ಭರಿಸುತ್ತದೆ. ಮತ್ತೊಂದು ದೂರವಾಣಿ ಬಾಡಿಗೆಯನ್ನು ಶಾಸಕರೇ ಪಾವತಿಸಬೇಕು.
ವೈದ್ಯಕೀಯ ಸೌಲಭ್ಯ: ಶಾಸಕರ ವೈದ್ಯಕೀಯ ವೆಚ್ಚವನ್ನು ಸರಕಾರವೇ ಪೂರ್ಣ ಪ್ರಮಾಣದಲ್ಲಿ ಭರಿಸುತ್ತದೆ. ವಾರ್ಷಿಕ 3 ಲಕ್ಷದಿಂದ 10 ಲಕ್ಷದವರೆಗೂ ಶಾಸಕರ ವೈದ್ಯಕೀಯ ವೆಚ್ಚಕ್ಕೆ ಖರ್ಚು ಮಾಡಿದ ಉದಾರಣೆಗಳು ಸಚಿವಾಲಯದಲ್ಲಿ ಸಿಗುತ್ತವೆ.
ಬಾಡಿಗೆಗೆ ಕಾರು ಸೌಲಭ್ಯ: ಶಾಸಕರು ಬೆಂಗಳೂರಿನಲ್ಲಿ ಇದ್ದ ಸಂದರ್ಭದಲ್ಲಿ ಬೇರೆ ಇಲಾಖೆಗಳಿಗೆ ಭೇಟಿ ನೀಡಲು ಅನುಕೂಲ ಆಗುವಂತೆ ಸಚಿವಾಲಯದಿಂದ ಕಾರು ಬಾಡಿಗೆ ಪಡೆಯಬಹುದು. ಕಡಿಮೆ ದರದಲ್ಲಿ ಬಾಡಿಗೆ ಕಾರು ಒದಗಿಸಲಾಗುತ್ತಿದೆ. ಇದಲ್ಲದೆ ಕ್ಷೇತ್ರದ ಜನರು ಹಾಗೂ ಕುಟುಂಬ ಸದಸ್ಯರೊಂದಿಗೆ ಸಮೀಪದ ಪ್ರವಾಸಿ ತಾಣಗಳಿಗೆ ಭೇಟಿ ನೀಡಲು 20 ಆಸನಗಳ ಮಿನಿ ಬಸ್ ಸೌಲಭ್ಯವು ಇದೆ. ಇದಕ್ಕೆ ಕಡಿಮೆ ದರದ ಬಾಡಿಗೆ ವಿಧಿಸಲಾಗುವುದು.
ನಿವೃತ್ತಿ ವೇತನ: 25ರಿಂದ 35 ಸಾವಿರ ರೂ.
ಮಾಜಿ ಶಾಸಕರಿಗೆ ಪಿಂಚಣಿ ಸೌಲಭ್ಯ ಸಿಗಲಿದೆ. ಒಂದು ಬಾರಿ ಶಾಸಕರಾದವರಿಗೆ ಮಾಸಿಕ 25 ಸಾವಿರ ರೂ. ಪಿಂಚಣಿ ಸಿಗಲಿದೆ. ಎರಡು ಬಾರಿ ಶಾಸಕರಾದವರಿಗೆ ಮಾಸಿಕ 30 ಸಾವಿರ ರೂ., ಮೂರು ಬಾರಿ ಶಾಸಕರಾದವರಿಗೆ ಮಾಸಿಕ 35 ಸಾವಿರ ರೂ. ಪಿಂಚಣಿ ಸಿಗಲಿದೆ. ಮೂರಕ್ಕಿಂತ ಹೆಚ್ಚು ಬಾರಿ ವಿಧಾನಸಭೆಗೆ ಆಯ್ಕೆಯಾದರೂ ಪಿಂಚಣಿ ಸಿಗುವುದು ಗರಿಷ್ಠ 35 ಸಾವಿರ ರೂ. ಜತೆಗೆ ಮಾಸಿಕ ನಾಲ್ಕು ಸಾವಿರ ರೂ. ವೈದ್ಯಕೀಯ ಭತ್ಯೆ ನೀಡಲಾಗುವುದು.
ಇದಲ್ಲದೆ ಮಾಜಿ ಶಾಸಕರು ಹಾಗೂ ಅವರ ಕುಟುಂಬ ಸದಸ್ಯರ ವೈದ್ಯಕೀಯ ಬಿಲ್‌ಗಳನ್ನು ಮರು ವಾಪತಿಸುವ ಸೌಲಭ್ಯ ಕಲ್ಪಿಸಲಾಗಿದೆ. ಪ್ರಯಾಣ ಭತ್ಯೆಯಾಗಿ ವಾರ್ಷಿಕ ಎರಡು ಕಂತುಗಳಲ್ಲಿ ಒಂದು ಲಕ್ಷ ರೂ. ನೀಡಲಾಗುವುದು. ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ಬಸ್‌ಗಳಲ್ಲಿ ಸಹಾಯಕನ ಜತೆ ಉಚಿತ ಪ್ರಯಾಣ ಮಾಡಬಹುದು. ಇದಕ್ಕೆ ಗುರುತಿನ ಚೀಟಿ ಸಹಿತ ಬಸ್ ಪಾಸ್ ನೀಡಲಾಗುವುದು.
ಕುಟುಂಬ ನಿವೃತ್ತಿ ವೇತನ
ಮಾಜಿ ಶಾಸಕರ ಕುಟುಂಬಕ್ಕೆ ಶೇ.50ರಷ್ಟು ಪಿಂಚಣಿ ಸೌಲಭ್ಯ ಸಿಗಲಿದೆ. ಅಂದರೆ ಮಾಜಿ ಶಾಸಕರು ಪಡೆಯುತ್ತಿದ್ದ ಪಿಂಚಣಿಯಲ್ಲಿ ಶೇ.50ರಷ್ಟು ನೀಡಲಾಗುವುದು. ಮಾಸಿಕ 2 ಸಾವಿರ ರೂ. ವೈದ್ಯಕೀಯ ಭತ್ಯೆ ನೀಡಲಾಗುವುದು. ವೈದ್ಯಕೀಯ ಬಿಲ್‌ಗಳನ್ನು ಮರು ಪಾವತಿಸಲಾಗುವುದು.
