ಏರ್‌ಟೆಲ್ ನಿಂದ ಎರಡು ಹೊಸ ಡಿಸ್ನಿ+ ಹಾಟ್‌ಸ್ಟಾರ್ ಪ್ರೀಪೇಡ್ ಪ್ಲ್ಯಾನ್ಸ್ ಲಾಂಚ್!

ಭಾರತದ ಜನಪ್ರಿಯ ಟೆಲಿಕಾಂ ಕಂಪೆನಿ ಏರ್‌ಟೆಲ್ ಇದೀಗ ತನ್ನ ಬಳಕೆದಾರರಿಗೆ ಡಿಸ್ನಿ + ಹಾಟ್‌ಸ್ಟಾರ್ ಮೊಬೈಲ್ ಚಂದಾದಾರಿಕೆಯ ಎರಡು ಹೊಸ ಪ್ರಿಪೇಯ್ಡ್ ಯೋಜನೆಗಳನ್ನು ಪರಿಚಯಿಸಿದೆ. ಈ ಎರಡು ಹೊಸ ಪ್ರೀಪೇಡ್ ಯೋಜನೆಗಳು ಮೂರು ತಿಂಗಳ ವ್ಯಾಲಿಡಿಟಿಯಲ್ಲಿ ಉಚಿತ ಡಿಸ್ನಿ+ ಹಾಟ್‌ಸ್ಟಾರ್ ಮೊಬೈಲ್ ಚಂದಾದಾರಿಕೆಯನ್ನು ಹೊಂದಿದ್ದು, 399 ರೂ. ಮತ್ತು 839 ರೂ. ಬೆಲೆಗಳಲ್ಲಿ ವಿಭಿನ್ನ ಪ್ರಯೋಜನಗಳೊಂದಿಗೆ ಬಿಡುಗಡೆಗೊಂಡಿವೆ. ಹಾಗಾದರೆ, ಏರ್‌ಟೆಲ್ ಪ್ರಕಟಿಸಿರುವ ಹೊಸ ಡಿಸ್ನಿ + ಹಾಟ್‌ಸ್ಟಾರ್ ಮೊಬೈಲ್ ಚಂದಾದಾರಿಕೆಯನ್ನು ಹೊಂದಿರುವ ಎರಡು ಪ್ರಿಪೇಯ್ಡ್ ಯೋಜನೆಗಳು ಏನೆಲ್ಲಾ ಪ್ರಯೋಜನಗಳನ್ನು ಹೊಂದಿವೆ ಎಂಬುದನ್ನು ತಿಳಿಯೋಣ ಬನ್ನಿ.

ಏರ್‌ಟೆಲ್ ನಿಂದ ಹೊಸ 399 ರೂ. ಪ್ರಿಪೇಯ್ಡ್ ಯೋಜನೆ
ಏರ್‌ಟೆಲ್ ತನ್ನ ಹೊಸ 399 ರೂ.ಗಳ ಪ್ರಿಪೇಯ್ಡ್ ಯೋಜನೆಯಲ್ಲಿ ಪ್ರತಿದಿನ 2.5GB ದೈನಂದಿನ ಡೇಟಾ ಜೊತೆಗೆ 100 SMS/ದಿನ ಮತ್ತು ಅನಿಯಮಿತ ಧ್ವನಿ ಕರೆಗಳನ್ನು ನೀಡುತ್ತಿದೆ. ಈ ಯೋಜನೆಯಲ್ಲಿ ಬಳಕೆದಾರರು ಮೂರು ತಿಂಗಳ ಉಚಿತ ಡಿಸ್ನಿ+ ಹಾಟ್‌ಸ್ಟಾರ್ ಮೊಬೈಲ್ ಚಂದಾದಾರಿಕೆಯನ್ನು ಪಡೆಯುತ್ತಾರೆ. ಇಷ್ಟೇ ಅಲ್ಲದೇ, ಒಂದು ತಿಂಗಳ ಉಚಿತ Amazon Prime Video Mobile Edition, Apollo 24|7 Circle ಮತ್ತು ಏರ್‌ಟೆಲ್ ಥ್ಯಾಂಕ್ಸ್ ನಂತಹ ಪ್ರಯೋಜನಗಳನ್ನು ಈ ಪ್ರಿಪೇಡ್ ಯೋಜನೆಯು ಒಳಗೊಂಡಿದೆ. ಆದರೆ, ಈ ಯೋಜನೆಯು ಕೇವಲ 28 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ ಎಂಬುದನ್ನು ಗ್ರಾಹಕರು ಗಮನಿಸಬೇಕು.

ಏರ್‌ಟೆಲ್ ನಿಂದ ಹೊಸ 839 ರೂ. ಪ್ರಿಪೇಯ್ಡ್ ಯೋಜನೆ
ಏರ್‌ಟೆಲ್ ತನ್ನ ಹೊಸ 839 ರೂ.ಪ್ರಿಪೇಯ್ಡ್ ಯೋಜನೆಯನ್ನು 84 ದಿನಗಳ ದೀರ್ಘಾವಧಿಯ ಮಾನ್ಯತೆಯೊಂದಿಗೆ ಪರಿಚಯಿಸಿದೆ. ಈ ಯೋಜನೆಯಲ್ಲಿಯೂ ಸಹ ಬಳಕೆದಾರರು ಮೂರು ತಿಂಗಳವರೆಗೆ ಉಚಿತ ಡಿಸ್ನಿ+ ಹಾಟ್‌ಸ್ಟಾರ್ ಮೊಬೈಲ್ ಚಂದಾದಾರಿಕೆಯನ್ನು ಪಡೆಯಲಿದ್ದಾರೆ. ಈ ಯೋಜನೆಯೊಂದಿಗೆ ಪ್ರತಿದಿನ 2GB ದೈನಂದಿಕ ಡೇಟಾ, ಅನಿಯಮಿತ ಧ್ವನಿ ಕರೆ ಮತ್ತು ಪ್ರತಿದಿನ 100 SMS ಗಳನ್ನು ನೀಡಲಾಗುತ್ತಿದೆ. ಒಂದು ತಿಂಗಳ ಉಚಿತ Amazon Prime Video Mobile Edition, Apollo 24|7 Circle ಮತ್ತು ಏರ್‌ಟೆಲ್ ಥ್ಯಾಂಕ್ಸ್ ನಂತಹ ಪ್ರಯೋಜನಗಳ ಜೊತೆ ಇದುಏರ್‌ಟೆಲ್ ಎಕ್ಸ್‌ಸ್ಟ್ರೀಮ್ ಮೊಬೈಲ್ ಪ್ಯಾಕ್ ಅನ್ನು ಸಹ ಒಳಗೊಂಡಿದೆ.
ಟ್ವಿಟರ್ ಸಿಇಒ ಪರಾಗ್ ಅಗರ್ವಾಲ್‌ಗೆ ಗೇಟ್‌ಪಾಸ್!..ಹೊಸ ಸಿಇಒ ನೇಮಕ?
ಡಿಸ್ನಿ + ಹಾಟ್‌ಸ್ಟಾರ್ ಮೊಬೈಲ್ ಚಂದಾದಾರಿಕೆಯೊಂದಿಗೆ ಏರ್‌ಟೆಲ್‌ನಿಂದ ಹೊಸದಾಗಿ ಬಿಡುಗಡೆಯಾದ ಈ ಎರಡು ಯೋಜನೆಗಳು ಗ್ರಾಹಕರಿಗೆ ತೃಪ್ತಿ ತರುವಂತಿವೆ. ಗ್ರಾಹಕರು ನೇರವಾಗಿ ಒಂದು ವರ್ಷದ ಡಿಸ್ನಿ + ಹಾಟ್‌ಸ್ಟಾರ್ ಮೊಬೈಲ್ ಚಂದಾದಾರಿಕೆಯನ್ನು ಕೇವಲ 499 ರೂಪಾಯಿಗಳನ್ನು ಪಾವತಿಸಿ ಪಡೆಯಬಹುದು. ಆದರೆ, ಈ ಎರಡು ಯೋಜನೆಗಳು ದೈನಂದಿಕ ಡೇಟಾ ಹಾಗೂ ಕರೆಗಳ ಜೊತೆಗೆ ಇನ್ನಿತರ ಲಾಭಗಳನ್ನು ಹೊಂದಿರುವುದು ಗ್ರಾಹಕರಿಗೆ ಮುಖ್ಯ ಪ್ರಯೋಜನಗಳಾಗಿವೆ. ಇನ್ನು ಇದೇ ಬುಧವಾರವಷ್ಟೇ ರಿಲಯನ್ಸ್ ಜಿಯೋ ಮೂರು ತಿಂಗಳ ಡಿಸ್ನಿ + ಹಾಟ್‌ಸ್ಟಾರ್ ಮೊಬೈಲ್ ಚಂದಾದಾರಿಕೆಯೊಂದಿಗೆ ನಾಲ್ಕು ಹೊಸ ಪ್ರಿಪೇಯ್ಡ್ ಯೋಜನೆಗಳನ್ನು ಬಿಡುಗಡೆ ಮಾಡಿದ್ದನ್ನು ನಾವಿಲ್ಲಿ ಗಮನಿಸಬಹುದು.